Showing posts with label news (ဆ်ုပြိုင့်). Show all posts
Showing posts with label news (ဆ်ုပြိုင့်). Show all posts

Sunday, November 10, 2013

First Eleven News
O-11-11
အောက်တိုဘာ ၃၀ ရက်တွင် စတင်ကျင်းပသော လိုင်ဇာထိပ်သီး ဆွေးနွေးပွဲ ပထမနေ့ မြင်ကွင်း (ဓာတ်ပုံ - နေထွန်းနိုင်)

လိုင်ဇာထိပ်သီး ဆွေးနွေးပွဲနှင့် မြစ်ကြီးနား ဆွေးနွေးပွဲတို့ အပြီးတွင် မြန်မာနိုင်ငံ၏ ငြိမ်းချမ်းရေး ဖြစ်စဉ်သည် တိုးတက်မှု ရှိလာကြောင်း သုံးသပ်မှုများ ရှိခဲ့သည်။
သို့သော် ၂၀၁၅ ခုနှစ် မတိုင်မီ နိုင်ငံရေး တွေ့ဆုံဆွေးနွေးပွဲ စတင်နိုင်ရေး ကိစ္စမှာ နိုင်ငံရေး ဆွေးနွေးပွဲ မူဘောင်ကို မည်မျှအထိ ညှိနှိုင်းမည် ဆိုသည့်အပေါ် မူတည်နေပါသည်။ လိုင်ဇာထိပ်သီး ဆွေးနွေးပွဲတွင် တိုင်းရင်းသား လက်နက်ကိုင်များ၏ ဘုံသဘောထား ရပ်တည်ချက်ကို လက်မှတ်ရေးထိုးခဲ့သည်။ ထို့အတူ အပစ်အခတ် ရပ်စဲရေးဆိုင်ရာ ဆွေးနွေးညှိနှိုင်းရေး အဖွဲ့ကိုလည်း ဖွဲ့စည်းခဲ့သည်။ မြစ်ကြီးနား ဆွေးနွေးပွဲတွင်မူ အစိုးရက ၎င်းတို့ရေးဆွဲထားသော အပစ်ရပ် စာချုပ်မူကြမ်း အသစ်တစ်ခုကို ထုတ်ပြခဲ့သည့်နည်းတူ သမ္မတ၏ သဘောထားနှင့် တပ်မတော် ကာကွယ်ရေး ဦးစီးချုပ်တို့၏ သဘောထားကိုလည်း ထုတ်ဖော်ပြောဆိုခဲ့သည်။
မြစ်ကြီးနား ဆွေးနွေးပွဲ၌ ရေရာသော အဖြေတစ်ခု မရရှိခဲ့သော်လည်း ဒီဇင်ဘာလအတွင်း ကရင်ပြည်နယ်၊ ဘားအံမြို့၌ ဆက်လက်တွေ့ဆုံ ဆွေးနွေးရန် အချက်ကို သဘောတူညီ ခဲ့ကြသည်။ ထို့အပြင် တစ်နိုင်ငံလုံး အပစ်အခတ် ရပ်စဲရေး၊ နိုင်ငံရေး ဆွေးနွေးပွဲအတွက် မူဘောင်ချမှတ်ရေးနှင့် နိုင်ငံရေး တွေ့ဆုံဆွေးနွေးပွဲများ ပြုလုပ်ရေး အချက်သုံးချက်ကိုလည်း သဘောတူခဲ့ကြခြင်းဖြစ်သည်။

အပစ်ရပ်ရေးက ဦးစားပေးလား နိုင်ငံရေး ဆွေးနွေးမှုက ဦးစားပေးလား
နှစ်ပေါင်း ၆၀ ကျော်ကြာ လက်နက်ကိုင် ပဋိပက္ခများကို ဖြေရှင်းရန်အတွက် တစ်ခုတည်းသော အဖြေမှာ နိုင်ငံရေး တွေ့ဆုံဆွေးနွေးပွဲများ ကျင်းပရေး ဖြစ်သည်ဟု နှစ်ဖက်စလုံးက ပြောကြားထားသည်။
သို့ရာတွင် မြစ်ကြီးနား ဆွေးနွေးပွဲ အပြီး၌လည်း နိုင်ငံရေး ဆွေးနွေးပွဲများ လုပ်ဆောင်ရန် အာမခံချက်ရှိမှ အပစ်ရပ်လက်မှတ် ထိုးမည်ဆိုသော တိုင်းရင်းသား လက်နက်ကိုင် အဖွဲ့အစည်းများ၏ သဘောထားနှင့် အပစ်ရပ်ရေးကို ဦးစွာလုပ်ဆောင်ပြီးမှ နိုင်ငံရေး ဆွေးနွေးရန်ဟူသော အစိုးရ၏ သဘောထား အမြင်တို့မှာ ကွဲလွဲသည့် အနေအထားတွင် ရှိနေဆဲဖြစ်သည်။
"သူတို့ကျတော့ တစ်ပြည်လုံး အပစ်ရပ်ပြီးမှ နိုင်ငံရေး တွေ့ဆုံဆွေးနွေးရေး မူဘောင်ကို သွားပေါ့။ ကျွန်တော်တို့ဘက်ကတော့ နိုင်ငံရေး တွေ့ဆုံဆွေးနွေးရေး အာမခံချက်ရမှ အပစ်ရပ်ပြီးတော့ တွေ့ဆုံဆွေးနွေး သွားမယ်။ အဲဒီအမြင် နှစ်ခုကတော့ ညှိရမယ့် သဘောရှိတယ်။ နိုင်ငံရေး အာမခံချက်ရှိတဲ့ အပစ်အခတ် ရပ်စဲရေး သွားချင်တဲ့ အပေါ်မှာ ဒါကိုတန့်နေတဲ့ သဘောရှိတယ်" ဟု ကရင်အမျိုးသား အစည်းအရုံး (KNU)၏ အထွေထွေအတွင်းရေးမှူး ပဒိုကွယ်ထူးဝင်းက ဆိုသည်။

ကွဲလွဲမှုအချို့ ရှိနေသည့် မူကြမ်းနှစ်ရပ်  
တစ်နိုင်ငံလုံး အပစ်အခတ် ရပ်စဲရေးစာချုပ် လက်မှတ်ထိုးရန် ကမ်းလှမ်းချက်ကို ဇူလိုင်လအတွင်း အကောင်အထည် ဖော်ရန်ရှိသည်ဟု ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးအောင်မင်းက မေလအတွင်း ပြုလုပ်သော မြစ်ကြီးနား ဆွေးနွေးပွဲ၌ ထုတ်ဖော်ပြောကြားသည်။ လက်နက်ကိုင် အဖွဲ့အားလုံးကို တရားဝင် ဖိတ်ခေါ်ခြင်း မရှိခဲ့သော ထိုကမ်းလှမ်းချက်သည် ဇူလိုင်လ၌ အကောင်အထည် ပေါ်မလာဘဲ အောက်တိုဘာလသို့ ရွှေ့ဆိုင်းခဲ့သည်။ အောက်တိုဘာလတွင်လည်း ဖြစ်မလာသေးဘဲ နိုဝင်ဘာလတွင် ပြုလုပ်ရန်ရှိသည်ဟု ပြောင်းလဲခဲ့ပြန်သည်။ လက်ရှိအနေအထားအရ နိုဝင်ဘာတွင် မဖြစ်နိုင်တော့ဘဲ မည်သည့်အချိန်တွင် ဖြစ်လာမည် ဆိုသည်ကို မှန်းဆရ ခက်လာသည်။
မြစ်ကြီးနား ဆွေးနွေးပွဲတွင် လိုင်ဇာဘုံသဘော တူညီချက်တွင် ပါဝင်သော "တော်လှန်ရေး" ဆိုသည့် အသုံးအနှုန်း၊ "ဖက်ဒရယ် ပြည်ထောင်စုစနစ်" နှင့် "ပြည်ထောင်စု တပ်မတော် ဖွဲ့စည်းခြင်း" ကိစ္စရပ်များအပေါ် အစိုးရဘက်က ဝေါဟာရပိုင်း ကွဲလွဲမှုများ ရှိခဲ့သည်။
နှစ် ၆၀ ဖြစ်ခဲ့တဲ့ ပြည်တွင်းစစ်ကို အချိန်တိုတိုနဲ့ ဆွေးနွေးပွဲ မလုပ်နိုင်ပါဘူး။ ဖက်ဒရယ်ပြည်ထောင်စု တည်ထောင်ဖို့ မူဘောင်တွေ ချမယ်ဆိုရင် အစိုးရနဲ့ လက်နက်ကိုင်တွေကြီးပဲ ဆုံးဖြတ်ဖို့ဆိုတာ မဖြစ်နိုင်ဘူး။ ပြည်ထောင်စု တပ်မတော် ဖွဲ့ဖို့ဆိုတာက ပိုပြီးတော့ လိုဦးမယ်။ အစိုးရစစ်တပ်က အမြဲတမ်းစစ်တပ် (Regular Army)၊ တိုင်းရင်းသား လက်နက်ကိုင် တပ်တွေက ဒီလိုမဟုတ်ဘူး . . . . .
အစိုးရဘက်က မြစ်ကြီးနား ဆွေးနွေးပွဲ ပထမနေ့ ညနေပိုင်းတွင် တင်ပြလာသော အပစ်အခတ်ရပ်စဲရေး စာချုပ်မူကြမ်းမှာ တိုင်းရင်းသား လက်နက်ကိုင် အဖွဲ့များကို ခြေတစ်လှမ်း နောက်ဆုတ်သွားစေခဲ့သည်။
အမျိုးသား ကာကွယ်ရေးနှင့် လုံခြုံရေးကောင်စီ (ကာ/လုံ) က ရေး ဆွဲခဲ့သည်ဟု သတင်းထွက်ပေါ်ခဲ့သော အစိုးရ၏ အပစ်ရပ်စာချုပ် မူကြမ်းတွင် လက်ခံနိုင်ဖွယ်ရှိသော အချက်များစွာ ပါဝင်သော်လည်း လိုင်ဇာထိပ်သီးဆွေးနွေးပွဲ မတိုင်မီ အစိုးရဘက်က ရေးဆွဲပြီး တိုင်းရင်းသား လက်နက်ကိုင်များထံ ပေးပို့ခဲ့သော မူကြမ်းနှင့် နှိုင်းယှဉ်ပါက ကွာခြားချက်များ ရှိနေကြောင်း သိရပါသည်။
အထူးသဖြင့် ၂၀၀၉ ခုနှစ် နယ်ခြားစောင့်တပ် ဖွဲ့စည်းစဉ်က တိုင်းရင်းသား လက်နက်ကိုင် အဖွဲ့များ လက်မခံခဲ့သည့် အချက်အချို့ကို ပြန်လည်သုံးစွဲခဲ့ခြင်းနှင့် ဒို့တာဝန် အရေးသုံးပါး၊ ဒီမိုကရေစီ ကျင့်စဉ်နှင့်အတူ ၂၀၀၈ ခုနှစ် ဖွဲ့စည်းပုံ အခြေခံ ဥပဒေအတိုင်း လိုက်ပါဆောင်ရွက်ရန် အချက်များက တိုင်းရင်းသား လက်နက်ကိုင်များ၏ လိုလားချက်နှင့် ကွဲလွဲနေကြောင်း သိရသည်။


အန္တရာယ်ရှိသော ပွတ်တိုက်မှုများ ဖြစ်လာနိုင်  

အစိုးရနှင့် တိုင်းရင်းသား လက်နက်ကိုင်များအကြား ကွဲလွဲမှုများ ရှိနေသည့်တိုင် တိုးတက်မှုရှိသော ရလာဒ်တစ်ခုကို ပုံဖော်နိုင်ပြီဖြစ်ကြောင်း နိုင်ငံရေး လေ့လာသူများက ပြောကြားသည်။
သို့သော် ညှိနှိုင်းမှုများကို အချိန်ယူ လုပ်ဆောင်ရန် ရှိနေပြီး အစိုးရဘက်ကလည်း ၎င်းတို့လိုလားသော အပစ်ရပ်ရေးကိုသာ ဦးစားပေး လုပ်ဆောင်ခြင်း၊ တိုင်းရင်းသား လက်နက်ကိုင်များ ဘက်ကလည်း အလျော့ပေးခြင်း မရှိဘဲ လိုလားချက်များကိုသာ ဆက်လက်တောင်းဆို နေပါက အန္တရာယ်ရှိသော ပွတ်တိုက်မှုများ ရှိလာနိုင်သည်ဟု ဆိုကြပါသည်။
"အရမ်းတွန်းလို့လည်း မရပါဘူး။ အချိန်ယူတာ ကောင်းပါတယ်။ သိပ်တွန်းလုပ်လို့ရှိရင် ချော်ထွက်သွားနိုင်တယ်။ ပွတ်တိုက်မှုက များသွားနိုင်တယ်။ ဒါကြောင့် အချိန်ယူသင့်သေလောက် ယူပြီးတော့မှ တစ်ဆင့်ချင်းသွားတာ ကောင်းပါတယ်" ဟု ကချင်ပြည်နယ် ဒီမိုကရေစီပါတီ ဥက္ကဋ္ဌ ဒေါက်တာတူးဂျာက ပြောပါသည်။
အစိုးရအဖွဲ့ အနေဖြင့် ၂၀၁၄ ခုနှစ်တွင် အာဆီယံ အလှည့်ကျ ဥက္ကဋ္ဌတာဝန် ယူထားမှု၊ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအတွက် လွှတ်တော်နှင့် နိုင်ငံရေး ပါတီများ၏ လှုပ်ရှားဆောင်ရွက်မှု၊ ၂၀၁၅ ခုနှစ် ရွေးကောက်ပွဲ အကြိုပြင်ဆင်မှုများက လာမည့်နှစ်နှစ်တာ ကာလအတွင်း တိုင်းရင်းသား လက်နက်ကိုင်များနှင့် အပစ်ရပ် သဘောတူညီပြီး နိုင်ငံရေး ဆွေးနွေးပွဲများ စတင်နိုင်မည်လားဟု မေးခွန်းထုတ်မှုများ ရှိသည်။
အခြားတစ်ဖက်တွင်လည်း နိုင်ငံရေး ဆွေးနွေးပွဲဆိုသည့် ကိစ္စရပ်မှာ တိုင်းရင်းသား လက်နက်ကိုင်များနှင့် အစိုးရ၏ ငြိမ်းချမ်းရေး အကျိုးဆောင်များအကြား ဆွေးနွေးပြီး ပြီးပြတ်သည့်အရာ မဟုတ်ဘဲ အစိုးရ၊ လွှတ်တော်၊ တပ်မတော်၊ နိုင်ငံရေးပါတီများ၊ လူထုအခြေပြု လူမှုအဖွဲ့အစည်းများ၊ ပြည်သူလူထုများ အားလုံးပါဝင်သည့် ဆွေးနွေးညှိနှိုင်းမှုဖြင့်သာ ပုံဖော်ရမည့် အခြေအနေ ဖြစ်သည်။
ယေဘုယျဆန်တဲ့ ပုံစံတွေနဲ့ သွားမယ်ဆိုလို့ရှိရင် အချိန်မရွေး ရပ်သွားနိုင်တယ်။ လမ်းကြောင်းတွေ ပြောင်းသွားနိုင်တယ်။ နားလည်မှုတွေ လွဲသွားနိုင်တယ်။ လက်ရှိ ၂၀၁၄ နဲ့ ၂၀၁၅ မှာ နိုင်ငံရေး ဆွေးနွေးပွဲ တစ်ခုကို စနစ်တကျ ဘယ်လိုပုံဖော်မလဲဆိုတဲ့ မူဘောင်တွေကို အားလုံးပါဝင်ပြီးတော့ စနစ်တကျ ချမှတ်ဆွေးနွေးဖို့ . . . . .
"ကျွန်တော်တို့ အဲဒါကို စိုးရိမ်တယ်။ ကျွန်တော်တို့က ညှိနှိုင်းဆောင်ရွက်ရမှာ ဖြစ်တယ်။ အခုက ကျွန်တော်တို့ တင်တာက မြင့်လို့ရှိရင်လည်း မြင့်မယ်။ သူ့ဘက်တင်တာရော။ အဲတာကို လျော့ချပြီးတော့ တစ်အချက်က ကျွန်တော်တို့ ဒီကိစ္စညှိနှိုင်းတဲ့ နေရာမှာ အချိန်တော့ ယူရတယ်။ ဒုတိယ တစ်ချက်ကတော့ တကယ့်ညှိနှိုင်းချင်တဲ့စိတ်ဓာတ် ရှိရဲ့လား။ ညှိနှိုင်းချင်တဲ့ စိတ်ဓာတ် မရှိဘူး ဆိုရင်တော့ အလုပ်လုပ်လို့ မဖြစ်ဘူးပေါ့နော်။ ဒါပေမဲ့ ကျွန်တော်တို့က လက်နက်ကိုင် ပဋိပက္ခကို ပြန်လှည့်မယ့် အနေအထားတော့ ကျွန်တော်တို့ မလိုလားဘူးပေါ့လေ။ တိုင်းရင်းသား ဘက်ကလဲ။ ဘာဖြစ်လို့လဲဆိုတော့ နိုင်ငံရေး တွေ့ဆုံဆွေးနွေးမှုက အကောင်းဆုံး လုပ်ဆောင်ချက်ပဲလို့ ကျွန်တော်တို့ မြင်တာကိုး။ ဒါပေမဲ့ ဒီလိုရှိတဲ့ အပေါ်မှာတော့ တကယ့်ပေါ့လေ။ ကျွန်တော်တို့ ညှိနှိုင်းချင်တဲ့ စိတ်ဓာတ်နဲ့ သူမသာ၊ ကိုယ်မသာပေါ့လေ။ သွားရင်တော့ ပိုပြီးတော့ ကောင်းတယ်" ဟု ပဒိုကွယ်ထူးဝင်းက ပြောကြားသည်။

နိုင်ငံရေး ဆွေးနွေးပွဲ မူဘောင်အတွက် ဆွေးနွေးပွဲများကိုသာ အာရုံစိုက်သင့်

အစိုးရနှင့် တိုင်းရင်းသား လက်နက်ကိုင် အဖွဲ့များ အနေဖြင့် အပစ်ရပ်ရေးနှင့် နိုင်ငံရေး ဆွေးနွေးပွဲ မည်သည့်ကိစ္စကို ဦးစွာလုပ်ဆောင်မည်ခြင်းကို အငြင်းပွားနေခြင်းထက် ဆက်လက်ပြုလုပ်မည့် ဆွေးနွေးမှုများတွင် နိုင်ငံရေး ဆွေးနွေးပွဲအတွက် လိုအပ်သော မူဘောင်များကို မည်ကဲ့သို့ ရေးဆွဲမည် ဆိုခြင်းကို အာရုံစိုက်သင့်ကြောင်း ပြောဆိုမှုများ ရှိသည်။
"လက်ရှိ မြန်မာနိုင်ငံရဲ့ ပြည်တွင်းငြိမ်းချမ်းရေးမှာ တကယ့်အဖြေကို သွားမှာက နိုင်ငံရေးဆွေးနွေးပွဲက ပဲသွားမှာလေ။ အပစ်အခတ် ရပ်စဲရေးနဲ့ နိုင်ငံရေး ဆွေးနွေးပွဲ ဘယ်ဟာက အရင်လဲ ဆိုတာက  အငြင်းပွားနေတာထက် နိုင်ငံရေး ဆွေးနွေးပွဲကို ဘယ်လိုအရင် သွားမလဲ ဆိုတာကို စဉ်းစားတာက ပိုပြီးလက်တွေ့ ကျမယ်ထင်တယ်" ဟု နိုင်ငံရေးဆောင်းပါးများ ရေးသားနေသူ ဒေါက်တာရန်မျိုးသိမ်းက ပြောကြားသည်။
ထိုသို့ လုပ်ဆောင်ရာတွင် ၂၀၁၄ ခုနှစ်နှင့် ၂၀၁၅ ခုနှစ်များတွင် နိုင်ငံရေးဆွေးနွေးပွဲ မူဘောင်များအတွက် အကြိုဆွေးနွေးခြင်းများကို လုပ်ဆောင်သင့်ကြောင်း ၎င်းက ဆိုသည်။
"နိုင်ငံရေးဆွေးနွေးပွဲကို တိုက်ရိုက်သွားတာထက် နိုင်ငံရေး ဆွေးနွေးပွဲ မတိုင်ခင်မှာ ဘယ်လိုမူဘောင်တွေ၊ အခု သူတို့အကြမ်းဖျင်း ချထားတဲ့ မူဘောင်တွေက အရမ်းကို ယေဘုယျ ဆန်လွန်းတယ်။ အဲဒီ ယေဘုယျဆန်တဲ့ ပုံစံတွေနဲ့ သွားမယ်ဆိုလို့ရှိရင် အချိန်မရွေး ရပ်သွားနိုင်တယ်။ လမ်းကြောင်းတွေ ပြောင်းသွားနိုင်တယ်။ နားလည်မှုတွေ လွဲသွားနိုင်တယ်။ လက်ရှိ ၂၀၁၄ နဲ့ ၂၀၁၅ မှာ နိုင်ငံရေး ဆွေးနွေးပွဲ တစ်ခုကို စနစ်တကျ ဘယ်လိုပုံဖော်မလဲဆိုတဲ့ မူဘောင်တွေကို အားလုံးပါဝင်ပြီးတော့ စနစ်တကျ ချမှတ်ဆွေးနွေးဖို့ လိုတယ်" ဟု ဒေါက်တာရန်မျိုးသိမ်းက ပြောကြားသည်။
Q-11-11
လိုင်ဇာတွင် ပြုလုပ်သည့် ဆွေးနွေးပွဲအတွက် လုံခြုံရေးယူထားသော ကေအိုင်အေမှ ရဲဘော်တစ်ဦး (ဓာတ်ပုံ-နေထွန်းနိုင်)
"အစိုးရရဲ့ အချိန်သတ်မှတ်ချက် အဟောင်းကတော့ ဘာလဲဆိုတော့ ၂၀၁၄ ဧပြီလကနေပြီးတော့မှ ၂၀၁၅ မတ်လအထိလို့ ပြောတာကိုး။ နိုင်ငံရေး ဆွေးနွေးပွဲ လုပ်ဖို့က။ အဲဒီတော့ အခုချိန်မှာ ဒီဥစ္စာက တော်တော်ကြန့်ကြာ သွားနိုင်သလားဆိုတဲ့ မေးခွန်းပေါ်လာတာပေါ့" ဟု ရှမ်းပြည်ပြန်လည် ထူထောင်ရေးကောင်စီ (RCSS/SSA) ၏ အကြံပေး ဦးခွန်ဆိုင်းက ပြောပါသည်။
နိုင်ငံရေးဆွေးနွေးပွဲ မူဘောင်များကို ၂၀၁၄ ခုနှစ်နှင့် ၂၀၁၅ ခုနှစ်တွင် ရေးဆွဲပြီး တစ်နိုင်ငံလုံး အတိုင်းအတာအရ အပစ်အခတ် ရပ်စဲရေးစာချုပ် လက်မှတ်ရေးထိုးခြင်းနှင့် နိုင်ငံရေးဆွေးနွေးပွဲကို ၂၀၁၅ ခုနှစ်နောက်ပိုင်းတွင် တပြိုင်နက်တည်း ပြုလုပ်နိုင်ရေးမှာ အစိုးရ၏ သဘောထားနှင့် ညှိနှိုင်းမှုများ အပေါ်တွင် မူတည်ကြောင်း ပဒိုကွယ်ထူးဝင်းက ဆိုပါသည်။
"ညှိနှိုင်းပေမဲ့လည်း တစ်နှစ်၊ နှစ်နှစ်နဲ့ ပြီးချင်မှပြီးမယ်။ ကျွန်တော် ပြောချင်တာက ကျွန်တော်တို့ ပြည်နယ်အဆင့်ကနေပြီးတော့ ဖြစ်ချင်တာထက် ဖြစ်ထိုက်တာထက် ဖြစ်သင့်တာကို အရင်လုပ်ရမှာပဲ။ ဖြစ်စေချင်တာကတော့ ရာနှုန်းပြည့် ပြောင်းလဲစေချင်တာပေါ့။ ဒါပေမဲ့ အကုန်လုံးက သက်ဆိုင်တာ အများကြီး ဆိုင်တာကိုး။ အစိုးရလည်း ရှိတယ်။ လွှတ်တော်လည်း ရှိတယ်။ တပ်မတော်လည်း ရှိတယ်။ ပြည်သူလူထုလည်း ရှိတယ်။ လက်နက်ကိုင် အဖွဲ့အစည်းလည်း ရှိတယ်ဆိုတော့ အမြင်အမျိုးမျိုး ရှိတဲ့အပေါ်မှာ ကျွန်တော်တို့ ရှေ့ဆက် ဘယ်လိုသွားနိုင်မလဲ ဆိုတာကို စဉ်းစားရတာပေါ့" ဟု ပဒိုကွယ်ထူးဝင်းက ပြောကြားသည်။
"၂၀၁၅ မတိုင်ခင်မှာတော့ နိုင်ငံရေးအရ ဆွေးနွေးဖို့ကို တိုင်းရင်းသား လက်နက်ကိုင် အဖွဲ့အစည်းများက အဓိက လိုလားတယ်။ အဲဒီတော့ နိုင်ငံရေးအရ အပေးအယူလုပ်ဖို့ ဆွေးနွေးဖို့က အဓိကပဲ" ဟု ရခိုင်ဒီမိုကရေစီ အဖွဲ့ချုပ်ဥက္ကဋ္ဌ ဦးအေးသာအောင်က ပြောကြားပါသည်။

ရှိထားပြီးဖြစ်သော အပစ်ရပ် စာချုပ်များ ခိုင်မာစေရေး

အားလုံးပါဝင်သော နိုင်ငံရေး ဆွေးနွေးပွဲသို့ မသွားမီ နိုင်ငံရေး ဆွေးနွေးပွဲ မူဘောင်များ ဆွေးနွေးခြင်းက အချိန်ယူရမည့် ကိစ္စဖြစ်ပြီး ထိုကာလအတွင်း အပစ်အခတ် ရပ်စဲရေးဆိုင်ရာ ကတိက၀တ်များမှာ တစ်ဖွဲ့ချင်းစီအလိုက် ပြည်နယ်အဆင့်၊ ပြည်ထောင်စုအဆင့် လက်မှတ်ရေးထိုးထားသော စာချုပ်များပေါ်တွင် မူတည်ကြောင်း သိရသည်။
တိုင်းရင်းသား လက်နက်ကိုင် ၁၇ ဖွဲ့ ရှိသည့်အနက် ၁၄ ဖွဲ့မှာ ပြည်နယ်အဆင့်၊ ပြည်ထောင်စုအဆင့် အပစ်အခတ်ရပ်စဲရေး သဘောတူညီချက်များ လက်မှတ်ထိုးထားပြီး ဖြစ်သောကြောင့် ထိုစာချုပ်များကို ခိုင်မာမှု ရှိသည်ဆိုပါက တစ်နိုင်ငံလုံး အပစ်အခတ် ရပ်စဲရေးစာချုပ် လက်မှတ်မရေးထိုး နိုင်သေးသည့်တိုင် နိုင်ငံရေး ဆွေးနွေးပွဲအတွက် မူဘောင်များကို လွတ်လပ်စွာ လုပ်ဆောင်နိုင်မည့် အခြေအနေ ရှိနေပါသည်။
"အပစ်အခတ် ရပ်စဲရေးနဲ့ ပတ်သက်လို့ ရှိရင်လည်း အခုလက်ရှိ ပြည်နယ်အဆင့်တွေ၊ ပြည်ထောင်စု အဆင့်တွေကို တိုင်းရင်းသား လက်နက်ကိုင် အဖွဲ့အစည်းတွေ လက်မှတ်ထိုးထားတယ်။ အဲဒီ ထိုးထားတဲ့ သဘောတူညီချက်တွေကို ဘယ်လောက်အထိ တိတိကျကျ ပုံဖော်နိုင်သလဲဆိုတာ အရေးကြီးတယ်" ဟု ဒေါက်တာရန်မျိုးသိမ်းက ဆိုသည်။
"ကျွန်တော်အမြင်ကတော့ အခုလက်ရှိ ရထားတဲ့ အခြေအနေမှာ သူ့ပြည်နယ်၊ သူ့ပြည်နယ်ပိုပြီးတော့ ခိုင်မာအောင် လုပ်လို့ရှိရင်တော့ ပိုပြီးလေးနက်မှု ရှိတယ်။ အခုဟာက ကျွန်တော်တို့ KNU ဆို အပစ်အခတ်ရပ်တာ နှစ်နှစ်တောင် ပြည့်တော့မယ်။ ဘာမှ မယ်မယ်ရရ ဖြစ်လာတာ မရှိဘူး။ တပ်နေရာ ချထားမှု မရှိတဲ့ အပေါ်မှာ။ လုပ်ရင်းလုပ်ရင်းနဲ့ ပြည်သူလူထုက အဖွဲ့အစည်း အတွင်းမှာရော သံသယစိတ်တွေ၊ အယုံအကြည်တွေ နည်းလာတဲ့ သဘောတော့ ရှိလာတာပေါ့။ တစ်ပြည်လုံး အတိုင်းအတာ အပစ်အခတ် ရပ်စဲရေးလုပ်။ တစ်ချိန်တည်းမှာ ပြည်နယ်မှာ သဘောတူညီချက်တွေကို အကောင်အထည်ဖော်ဖို့ သိပ်အရေးကြီးတယ်" ဟု ပဒိုကွယ်ထူးဝင်းက ဆိုသည်။
ထို့ကြောင့် တစ်နိုင်ငံလုံး အပစ်ရပ်စာချုပ် လက်မှတ်မရေးထိုးမီ အချိန်တွင် ပြည်နယ်အဆင့် လက်မှတ်ရေးထိုးထားသော တိုင်းရင်းသား လက်နက်ကိုင်များအား စာချုပ်ပါ အချက်များအတိုင်း ဖော်ဆောင်ပေးရေးနှင့် တပ်ပိုင်းဆိုင်ရာ နေရာချထားမှုများက အရေးပါကြောင်း သိရသည်။
နိုင်ငံရေး ဆွေးနွေးပွဲအတွက် မူဘောင်များ ရေးဆွဲနေချိန်တွင် တပ်ပိုင်းဆိုင်ရာ ကိစ္စရပ်များအတွက် တပ်အချင်းချင်း တိတိကျကျ ညှိနှိုင်းလုပ်ဆောင်ခြင်းက အဖြေတစ်ခု ထွက်ပေါ်စေမည်ဖြစ်ကြောင်း သိရသည်။
ထို့အပြင် တစ်နိုင်ငံလုံး အတိုင်းအတာအရ အပစ်အခတ် ရပ်စဲပြီးမှ ပြုလုပ်ရန် အစိုးရဘက်က ရည်ရွယ်ထားသော လက်နက်ကိုင် တိုင်းရင်းသား အဖွဲ့အစည်းများ၏ သက်သာချောင်ချိရေးကို ကူညီဖြည့်ဆည်းပေးရန် အချက်ကို ပြည်နယ်အဆင့် အပစ်အခတ် ရပ်စဲရေး လက်မှတ်ထိုး ထားချိန်မှာပင် လက်တွေ့ကျကျ ပုံဖော်ပေးခြင်းအားဖြင့် နိုင်ငံရေး ဆွေးနွေးပွဲမူဘောင် ရေးဆွဲခြင်းများအား အထောက်အကူ ဖြစ်လာစေနိုင်ကြောင်း သိရသည်။

ဖွဲ့စည်းပုံ ပြင်ဆင်ရေး၊ ဖက်ဒရယ် ပြည်ထောင်စုစနစ်နှင့် ပြည်ထောင်စု တပ်မတော် ဖွဲ့စည်းခြင်း

၂၀၀၈ ခုနှစ် ဖွဲ့စည်းပုံ အခြေခံဥပဒေ ပြင်ဆင်ခြင်း၊ ဖက်ဒရယ် ပြည်ထောင်စုစနစ်၊ နိုင်ငံရေး ဆွေးနွေးပွဲ မူဘောင်များ၊ နိုင်ငံရေးဆွေးနွေးပွဲနှင့် ပြည်ထောင်စု တပ်မတော် ဖွဲ့စည်းရေး ကိစ္စများမှာ ခွဲခြား၍ မရသော အရာများ ဖြစ်သည်ဟု နိုင်ငံရေး ကျွမ်းကျင်သူများက ပြောကြားသည်။
သူတို့ကျတော့ တစ်ပြည်လုံး အပစ်ရပ်ပြီးမှ နိုင်ငံရေးတွေ့ဆုံဆွေးနွေးရေး မူဘောင်ကို သွားပေါ့။ ကျွန်တော်တို့ ဘက်ကတော့ နိုင်ငံရေး တွေ့ဆုံဆွေးနွေးရေး အာမခံချက်ရမှ အပစ်ရပ်ပြီးတော့ တွေ့ဆုံဆွေးနွေးသွားမယ်။ အဲဒီအမြင် နှစ်ခုကတော့ ညှိရမယ့်သဘော ရှိတယ်။ နိုင်ငံရေး အာမခံချက်ရှိတဲ့ အပစ်အခတ် ရပ်စဲရေး သွားချင်တဲ့ အပေါ်မှာ ဒါကို တန့်နေတဲ့သဘော ရှိတယ် . . . . .
သို့သော် ၂၀၀၈ ဖွဲ့စည်းပုံ အခြေခံဥပဒေအား ဖက်ဒရယ်ပြည်ထောင်စု စနစ်သို့ ဦးတည်သော ပြင်ဆင်ချက်များမှာ ၂၀၁၅ ခုနှစ် မတိုင်မီတွင် ဖြစ်လာနိုင်ချေ ရှိသော်လည်း ပြည်ထောင်စုတပ်မတော် ဖွဲ့စည်းရေး ကိစ္စရပ်မှာ၂၀၁၅ ခုနှစ် နောက်ပိုင်းမှ ဖြစ်နိုင်ချေ ရှိသည်ဆိုသော ပြောဆိုမှုများ ရှိသည်။
"လက်ရှိတိုင်းရင်းသား လက်နက်ကိုင်တွေနဲ့ နိုင်ငံရေးဆွေးနွေးပွဲက ဖွဲ့စည်းပုံ အခြေခံဥပဒေ ပြင်ဆင်ရေးနဲ့ တိုက်ရိုက်ကို ဆက်စပ်နေတယ်။ ဖွဲ့စည်းပုံ အခြေခံဥပဒေထဲမှာ တိုင်းရင်းသား လက်နက်ကိုင် အဖွဲ့အစည်းတွေပြောတဲ့ ဖက်ဒရယ် ပြည်ထောင်စုဆိုတဲ့ အပိုင်းတွေကို ပြင်ဆင်လာနိုင်သော်လည်းပဲ တစ်ဖက်က တိုင်းရင်းသား လက်နက်ကိုင် အဖွဲ့အစည်းတွေ ပြောနေတဲ့ တပ်မတော်နဲ့ ပတ်သက်တဲ့ အပိုင်းကျတော့ ၂၀၁၅ မတိုင်ခင်မှာ ပြင်ဆင်ဖို့ ဖြစ်နိုင်ချေ တော်တော်ကို နည်းနေတဲ့ အနေအထားမျိုး တွေ့ရတယ်" ဟု ဒေါက်တာရန်မျိုးသိမ်းက ပြောကြားသည်။
"ပြည်နယ်တွေကို ကိုယ်ပိုင်အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့်တွေကို တိုးမြှင့်ပြီးပေးနိုင်တဲ့ ပြဌာန်းချက်တွေ၊ ပုဒ်မတွေကို ၂၀၁၅ မတိုင်ခင်မှာ ပြင်ဆင်လာနိုင်ပေမယ့် တကယ်တန်း ပြည်ထောင်စု တပ်မတော်လို့ ပြောတဲ့ ပုံစံမျိုးကို ပုံဖော်နိုင်တဲ့ အချက်အလက်တွေပါတဲ့ ပြင်ဆင်မှု အပိုင်းကိုတော့ ဖွဲ့စည်းပုံ အခြေခံဥပဒေမှာ ၂၀၁၅ နောက်ပိုင်းမှပဲ ဖြစ်နိုင်လိမ့်မယ်လို့ ထင်တယ်" ဟု ၎င်းက ဆက်လက် ပြောကြားသည်။
တစ်နိုင်ငံလုံး အပစ်အခတ် ရပ်စဲခြင်းနှင့် နိုင်ငံရေး ဆွေးနွေးပွဲမူဘောင် ကိစ္စရပ်များကို ၂၀၁၅ ခုနှစ် မတိုင်မီ ဆွေးနွေးသဘောတူညီချက် ရရှိပြီးနောက် ၂၀၁၅ ခုနှစ်တွင် ဆက်လက်လုပ်ဆောင်ရမည့် ကဏ္ဍများ၌ ပြည်ထောင်စု တပ်မတော် ဖွဲ့စည်းခြင်း ကိစ္စရပ်လည်း ပါဝင်လာနိုင်ကြောင်း ဦးခွန်ဆိုင်းက ဆိုသည်။
"ဖက်ဒရယ် တပ်မတော်က အစိုးရက ဘာမှသိပ်စိုးရိမ်စရာလည်း မလိုဘူး။ တကယ်လို့ Political Dialouge ရောက်လာပြီ ဆိုရင်လည်း တို့စားပွဲဝိုင်းမှာ ဆွေးနွေးရတယ်ဆိုရင် တပ်မတော် အနေနဲ့ စိုးရိမ်ကြောင့်ကြစရာ မလိုဘူး" ဟု ရှမ်းတိုင်းရင်းသားများ ဒီမိုကရက်တစ် ပါတီဥက္ကဋ္ဌ ဦးစိုင်းအိုက်ပေါင်းက ပြောကြားသည်။
ဖက်ဒရယ် တပ်မတော်ကိစ္စသို့ မသွားမီ အချိန်တွင် တိုင်းရင်းသား လက်နက်ကိုင် အဖွဲ့အစည်းများ အနေဖြင့် အစိုးရ၏ အပစ်ရပ် စာချုပ်မူကြမ်းတွင် ပါဝင်သော တာဝန်ပိုင်းကို ဆွေးနွေးရမည်ဖြစ်ကြောင်း ကာကွယ်ရေး ဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး မြင့်စိုးက ဧရာဝတီ မဂ္ဂဇင်း အင်တာဗျူးတွင် ပြောကြားထားပါသည်။
"သူတို့တွေ အနေနဲ့ စပြီး ဒီကပေးထားတဲ့ သဘောတူညီချက်မှာပါတဲ့ အပစ်ရပ် တိုင်းရင်းသား လက်နက်ကိုင် အဖွဲ့များ၏ တာဝန်များ ဆိုတာကို သူတို့အနေနဲ့ ဆွေးနွေးရမှာပါ။ တပ်နေရာ ချတာတွေကို သတ်မှတ်ပေးမယ်။ သူတို့ကို လုပ်ဆောင်ခွင့် ပေးထားတဲ့အတိုင်း လုပ်ခွင့်ပေးမှာပါ။ ကန့်သတ်တာတွေ၊ ချုပ်ချယ်တာတွေ မလုပ်တဲ့ စည်းမျဉ်းတွေ ပေးထားတယ်။ သူတို့ ဆွေးနွေးနိုင်တယ်။ တပ်မတော်ထဲကို ဒီအတိုင်း ပါဝင်ချင်လို့ ပါဝင်လို့ မရနိုင်ဘူး။ တပ်မတော် အစိတ်အပိုင်း တခုလို ကချင်ကလည်း ကချင်တပ်၊ ကရင်ကလည်း ကရင်တပ် ဆိုသလို ရှိနေလို့တော့ မရဘူး။ ကမ္ဘာမှာလည်း မရှိဘူး။ အဲဒီအတိုင်း တောင်းဆိုနေလို့ကတော့ မရဘူး။ ဘယ်သူက သဘောတူမလဲ။ ကမ္ဘာမှာလည်း စည်းမျဉ်းစည်းကမ်းတွေ ရှိတာပဲလေ။ မဖြစ်နိုင်တာကို တောင်းဆိုနေရင်တော့ ငြိမ်းချမ်းရေးက မဖြစ်ဖို့ဘဲ ရှိတာပေါ့" ဟု ဒုတိယဗိုလ်ချုပ်ကြီး မြင့်စိုးက ဧရာဝတီမဂ္ဂဇင်းသို့ ပြောကြားသည်။
"ဒါပေမယ့် သဘောတူညီချက်မှာ သတ်မှတ်နေရာမှာ လက်နက်ကိုင်ခွင့် ဆက်လက်ခွင့်ပြု ပေးထားတယ်။ ဆိုလိုတာက နောက်ပိုင်းဒီထဲမှာ နိုင်ငံရေးပါတီတွေ ထောင်လာမယ်။ တစ်ဆင့်ပြီးတစ်ဆင့် ဖြစ်လာအောင် လုပ်ပေးတဲ့သဘော လုပ်ဆောင်ပေးမှာပါ။ သူတို့နေရာတွေ ဥပမာ လိုင်ဇာပေါ့၊ KIO ကို ခင်ဗျားတို့ လိုင်ဇာမှာ မနေနဲ့၊ လက်နက်အပ်ပါ ဆိုတာမျိုး လုပ်မသွားဘူး။ ရှိနေမှာဘဲ။ သူတို့ဆီမှာ သူတို့သတ်မှတ်တဲ့ လက်နက်ခဲယမ်းတွေ ဘယ်လောက်ရှိလဲ စာရင်းနဲ့ တင်ပြခိုင်းတာကလည်း သိမ်းဖို့လည်း မဟုတ်ဘူး။ ဖြုတ်လည်း မဖြုတ်သိမ်းခိုင်းဘူး။ နောက် သူတို့အုပ်ချုပ်မှု ပိုင်းကအစ သူတို့လိုအပ်တာကို လုပ်ပေးရမယ်။ ဒီလိုအချက်တွေ ပါတယ်။ လုပ်ပေးမှာပဲ။ ဒါတွေက အလိုက်လျောနိုင်ဆုံး လုပ်ပေးထားတာတွေပါ" ဟု ၎င်းကဆက်လက် ပြောကြားခဲ့သည်။

လွှတ်တော်၏ အာမခံချက်
နိုင်ငံရေးဆွေးနွေးပွဲ မူဘောင်များကို ၂၀၁၅ ခုနှစ် မတိုင်မီ သဘောတူညီချက် ရရှိပြီး ကျန်ရှိသည်များကို ၂၀၁၅ ခုနှစ်နောက်ပိုင်း ဆက်လက်ဆွေးနွေးရေး ကိစ္စရပ်တွင် အသစ်တက်လာမည့် အစိုးရ၏ သဘောထားနှင့် လွှတ်တော်၏ အာမခံချက်အပေါ် မူတည်ကြောင်း သိရသည်။
"အခုက ၂၀၁၅ ခုနှစ်ဆိုတော့ အဲဒီမှာ စမယ်ဆိုလို့ရှိရင်တော့ အစိုးရက ဘယ်အစိုးရ တက်မလဲ ဆိုတာတော့ ပြောလို့ မရဘူးနော်။ တက်လာတဲ့ အစိုးရက အခုအစိုးရလို ဆန္ဒရှိ၊ မရှိ ဆိုတာမျိုးပေါ့။ အဲလိုဆန္ဒ မရှိရင်တော့ နိုင်ငံရေးတွေ့ဆုံ ဆွေးနွေးမှု ဒီကိစ္စက အများအမြင့် မေ့လျော့သွားမယ့် သဘောရှိမလားလို့ တစ်ဖက်ကတော့ ကျွန်တော်တို့ တွက်ကြည့်တာပေါ့" ဟု ပဒိုကွယ်ထူးဝင်းက ပြောပါသည်။
"အစိုးရရဲ့ သဘောထား အပေါ်မှာလည်း မူတည်မယ် ထင်တယ်။ ဘာဖြစ်လို့လဲဆိုတော့ ၂၀၁၅ ရွေးကောက်ပွဲ အပေါ်မှာလည်း အများကြီး မူတည်တယ်။ ကျွန်တော်တို့ ၂၀၁၄ ခုနှစ် နှစ်ဦးပိုင်းမှာပဲဖြစ်ဖြစ် တစ်ပြည်လုံး အတိုင်းအတာ အပစ်အခတ် ရပ်စဲရေး လုပ်နိုင်မယ် ဆိုလို့ရှိရင်တော့ အခုအစိုးရရဲ့ တင်ပြနေတဲ့ သဘောတူညီချက် စာချုပ်မှာပါတဲ့ နှစ်လအတွင်း နိုင်ငံရေး စတင်ပြောဆိုနိုင်မယ်ဆိုတော့ ဒါကိုလွှတ်တော်မှာ ဆက်တင်နိုင်မယ် ဆိုလို့ရှိရင် ၂၀၁၅ ခုနှစ် နောက်ပိုင်းမှာလည်း နိုင်ငံရေး တွေ့ဆုံဆွေးနွေးပွဲ ဆက်လုပ်လို့ ရတာပေါ့" ဟု ၎င်းကဆက်လက် ပြောကြားသည်။
"၂၀၁၅ နောက်ပိုင်းမှာက အစိုးရအသစ် ဖြစ်မှာကိုး။ နောက်လွှတ်တော် အသစ်ဖြစ်မှာကိုး။ အဲဒီတော့ အခုလွှတ်တော် အဟောင်းကနေ ပြီးတော့မှ သူတို့အတည်ပြုတယ်။ ဒါမှမဟုတ် တစ်နည်းတစ်လမ်းအားဖြင့် အတည်ပြုနိုင်တာ သုံးနည်းရှိတာကိုး။ တစ်နည်းကတော့ အခုတည်ဆဲဖြစ်နေတဲ့ လွှတ်တော်က အခုသဘောတူညီချက်တွေကို အတည်ပြုပေးတယ် ဆိုရင်လည်း ၂၀၁၅ အတွက်ကို လိုက်နိုင်တယ်။ တစ်ဖက်ကလည်း ၂၀၁၅ မတိုင်မီမှာ ကျွန်တော်တို့ အတည်ပြုချက် ရယူနိုင်တယ်။ ဥပဒေအဖြစ် ရယူနိုင်တယ်ဆိုရင်တော့ ၂၀၁၅ နောက်ပိုင်းလည်း ဆက်သွားဖို့က သေချာတာပေါ့ဗျာ" ဟု ဦးခွန်ဆိုင်းက ပြောကြားသည်။
P-11-11
မြစ်ကြီးနားမြို့သို့ ထွက်ခွာလာသော တိုင်းရင်းသား ခေါင်းဆောင်များကို နှုတ်ဆက်နေသည့် လိုင်ဇာဒေသခံများကို နိုဝင်ဘာ ၃ ရက်က တွေ့ရစဉ် (ဓာတ်ပုံ-နေထွန်းနိုင်)
တိုင်းရင်းသား လက်နက်ကိုင် အဖွဲ့အစည်းများအား အပစ်ရပ်ရေးနှင့် နိုင်ငံရေး ဆွေးနွေးပွဲများကို ၂၀၁၅ ခုနှစ်မတိုင်မီ အပြီးသတ် လုပ်ဆောင်ရန် သပ်လျို သွေးခွဲမှုများ ရှိနေကြောင်း သိရှိရပြီး ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ အတွင်းမှာပင် ထိုကိစ္စရပ်များကို ယခုအစိုးရ လက်ထက်မှာပင် အပြတ်ဖြတ်ရန် ဆန္ဒရှိနေသူများ ရှိနေကြောင်း သိရသည်။
ထို့အပြင် တိုင်းရင်းသား လက်နက်ကိုင် အဖွဲ့အစည်းများ အနေဖြင့် ၂၀၀၈ ခုနှစ် ဖွဲ့စည်းပုံ အခြေခံဥပဒေကို လက်ခံခြင်း မရှိသောကြောင့် ၂၀၁၅ ခုနှစ် ရွေးကောက်ပွဲတွင် နိုင်ငံရေးပါတီ ထူထောင်ပြီး ရွေးကောက်ပွဲ ၀င်ရောက်ယှဉ်ပြိုင်ရေးမှာ ဖြစ်နိုင်ချေ နည်းကြောင်း သိရသည်။
"အဲဒီအဆင့်အထိ အနေအထားတော့ မရှိဘူး။ တစ်ခြားပုံစံနဲ့ ၀င်ရင်တော့ ၀င်မှာပေါ့လေ။ ပေါင်းပြီးဝင်တယ် ဆိုတာကလည်း ကိုယ့်ရဲ့နိုင်ငံရေး ရပ်တည်ချက်က ရှိသေးတယ်။ လိုအပ်မှု အရကလည်း နိုင်ငံရေးပါတီ တစ်ခုအနေနဲ့က လက်နက်ကိုင်လို့တော့ ရမှာမဟုတ်ဘူး။ ပေါင်းပြီးလုပ်လို့ရှိရင်လည်း တခြားနည်းလမ်းပဲ လုပ်ရင်လုပ်မယ်။ ပေါ်ပေါ်တင်တင်လုပ်မယ့် အနေအထားတော့ မရှိဘူးပေါ့" ဟု ပဒိုကွယ်ထူးဝင်းက ပြောကြားသည်။
"အခုလောလောဆယ် တိုင်းရင်းသား အဖွဲ့အစည်းတွေ အားလုံးမှာ ၂၀၀၈ ဖွဲ့စည်းပုံကို လက်ခံတယ်လို့ ပြောတဲ့အဖွဲ့ကို ကျွန်တော်မတွေ့သေးဘူး။ ပြင်တာတွေ အကောင်အထည် ပေါ်သွားတယ် ဆိုရင်တော့ ဒီဥစ္စာက တစ်ချို့အဖွဲ့တွေတော့ ဖြစ်မယ်။ ဒါပေမဲ့ ဥပမာ ရှမ်းဆိုပါတော့။ ရှမ်းဆိုတာ သူတို့ကိုယ်တိုင် ပါတီထောင်ဖို့ဆိုတာ ကျွန်တော် မမြင်ဘူး။ သူတို့က အခုလောလောဆယ် ရှမ်းပါတီက နှစ်ပါတီတောင် ရှိပြီးပြီဆိုတော့ ပါတီကို သူတို့ကြိုက်တဲ့ ပေါ်လစီအတိုင်း စည်းရုံးဖို့၊ မဲဆွယ်ဖို့ သူတို့ ဖိအားပေးနိုင်တယ်။ သူတို့ကိုယ်တိုင် ပါဝင်ဖို့ဆိုတာ ဗိုလ်ချုပ်ရွက်ဆစ်တို့၊ ဗိုလ်ချုပ်ပန်ဖတို့ဆိုတာ မဖြစ်နိုင်ဘူး ထင်ပါတယ်" ဟု ဦးခွမ်ဆိုင်းက ပြောကြားသည်။

ယုံကြည်မှု တည်ဆောက်ရေးနှင့် အချိန်လိုအပ်ချက်  
အပစ်အခတ် ရပ်စဲရေး၊ နိုင်ငံရေးဆွေးနွေးပွဲ မူဘောင်နှင့် နိုင်ငံရေးဆွေးနွေးပွဲ ကိစ္စရပ်များအတွက် အပြန်အလှန် ယုံကြည်စိတ်ချမှု တည်ဆောက်ရန် လိုအပ်နေကြောင်း ဒေါက်တာတူးဂျာက ဆိုသည်။
"အရမ်းလောလို့ မရဘူး။ ဖြည်းဖြည်းချင်း အချိန်ယူပြီးတော့ လုပ်သွားလို့ ရှိရင်တော့ ဖြစ်နိုင်တယ်။ ပြောရမယ်ဆိုရင် ၂၀၁၅ မတိုင်ခင် လုပ်နိုင်သလောက်လုပ်။ ၂၀၁၅ နောက်ပိုင်းလုပ်။ အခြေခံဥပဒေလည်း တစ်ထိုင်တည်းနဲ့ ပြင်လို့မရပါဘူး။ ၂၀၁၅ မတိုင်ခင် ပြင်နိုင်သလောက်ပြင်။ ၂၀၁၅ နောက်ပိုင်း ပြင်နိုင်သလောက်ပြင်။ ၂၀၂၀ နောက်ပိုင်း ပြင်နိုင်သလောက်ပြင်။ အဲလို တစ်ဆင့်ချင်း လုပ်သွားရမှာ" ဟု ဒေါက်တာတူးဂျာက ပြောကြားခဲ့သည်။
"နှစ် ၆၀ ဖြစ်ခဲ့တဲ့ ပြည်တွင်းစစ်ကို အချိန်တိုတိုနဲ့ ဆွေးနွေးပွဲ မလုပ်နိုင်ပါဘူး။ ဖက်ဒရယ်ပြည်ထောင်စု တည်ထောင်ဖို့ မူဘောင်တွေ ချမယ်ဆိုရင် အစိုးရနဲ့ လက်နက်ကိုင်တွေကြီးပဲ ဆုံးဖြတ်ဖို့ဆိုတာ မဖြစ်နိုင်ဘူး။ ပြည်ထောင်စု တပ်မတော် ဖွဲ့ဖို့ဆိုတာက ပိုပြီးတော့ လိုဦးမယ်။ အစိုးရစစ်တပ်က အမြဲတမ်းစစ်တပ် (Regular Army)၊ တိုင်းရင်းသား လက်နက်ကိုင် တပ်တွေက ဒီလိုမဟုတ်ဘူး။ ဗိုလ်ချုပ်ကြီးတွေ၊ ဗိုလ်ချုပ်တွေ တပ်ခေါ်ထားပေမယ့် ဒီ rank တွေ တန်းညှိဖို့က မလွယ်ဘူး။ ဒါကလည်း ပြဿနာ ရှိတယ်။ လွတ်လပ်ရေးအတွက် အမြဲတမ်း တပ်မတော်ဖွဲ့ဖို့ ကန္ဒီစာချုပ်မှာ ဒီသဘောမျိုးတွေ ပါခဲ့တယ်။ နိုင်ငံတကာ အမြင်ကောင်းရုံ သဘောတူညီချက်မျိုး မြန်မြန်မထုတ်ပြန် သင့်ဘူး။ လူထုရဲ့ ကိုယ်စားပြုမှုကသာ သဘောတူညီမှုတွေကို ခိုင်မာစေပါ လိမ့်မယ်။ ရွေးကောက်ပွဲကသာ လူထုရဲ့ ဆန္ဒပုံရိပ်ကို ဖော်ညွှန်းပါတယ်။ ဒါကြောင့် နိုင်ငံရေး မူဘောင်မှာ ၂၀၁၅ ရွေးကောက်ပွဲကို အသန့်ရှင်းဆုံး၊ အမျှတဆုံးဖြစ်အောင် ဆောင်ရွက်ဖို့ မူဘောင်တစ်ခု ပါသင့်တယ်" ဟု Eleven Media Group ၏ CEO ဒေါက်တာသန်းထွဋ်အောင်က ပြောကြားခဲ့ပါသည်။
မြစ်ကြီးနား ဆွေးနွေးပွဲတွင် တစ်နိုင်ငံလုံး အပစ်အခတ် ရပ်စဲရေးနှင့် ပတ်သက်ပြီး တိုင်းရင်းသား လက်နက်ကိုင်များထံသို့ သမ္မတ ဦးသိန်းစိန်နှင့် တပ်မတော်က တင်သွင်းခဲ့သည့် သဘောထားများ (နိုဝင်ဘာ ၄၊ ၂၀၁၃)
တပ်မတော်၏ သဘောထားကို ကာကွယ်ရေး ဦးစီးချုပ်ကိုယ်စား ဒုတိယဗိုလ်ချုပ်ကြီး သက်နိုင်ဝင်းက ပြောကြားပြီး အခြေခံမူ ၆ ချက် ပါဝင်သည်။
၁။     ငြိမ်းချမ်းရေး ရယူရန် အမှန်တကယ် ဆန္ဒရှိရန်
၂။     သဘောတူ စာချုပ်များ၌ ကတိတည်ရန်
၃။     ငြိမ်းချမ်းရေး သဘောတူညီချက်များကို အမြတ်မထုတ်ရန်
၎။    ဒေသခံများပေါ်တွင် ၀န်ထုတ်ဝန်ပိုး မဖြစ်စေရန်
၅။     နိုင်ငံတော်က ထုတ်ပြန်သည့် တည်ဆဲဥပဒေများကို တိတိကျကျ လိုက်နာရန်
၆။       ဒို့တာဝန် အရေးသုံးပါးနှင့် ဒီမိုကရေစီ ကျင့်စဉ်အရ ၂၀၀၈ ခုနှစ် ဖွဲ့စည်းပုံအရ လိုက်ပါဆောင်ရွက်ရန်
သမ္မတ ဦးသိန်းစိန်၏ သဘောထားမှာ အောက်ပါအတိုင်း ဖြစ်သည်။
၁။     တိုင်းရင်းသား လက်နက်ကိုင်များ၏ တောင်းဆိုချက်ကို ညှိနှိုင်းဆောင်ရွက်ရန်
၂။     ရေးထိုးပြီးသည့် အပစ်အခတ် ရပ်စဲရေးကို ထပ်လောင်းအတည်ပြုရန်
၃။     အပစ်အခတ်ရပ်စဲရေး လက်မှတ်ထိုး ပြီးပါက နိုင်ငံရေး ဆွေးနွေးပွဲကို လုပ်ဆောင်ရန်
၎။     ငြိမ်းချမ်းရေးအတွက် တိုင်းရင်းသားပေါင်းစုံနှင့် အဖွဲ့အစည်းအားလုံး စုပေါင်းလုပ်ဆောင်ရန်

တိုင်းရင်းသား လက်နက်ကိုင် တော်လှန်ရေး အဖွဲ့များ၏ တစ်နိုင်ငံလုံး အပစ်အခတ် ရပ်စဲရေးဆိုင်ရာ ဘုံသဘောထား ရပ်တည်ချက်များ
နိဒါန်း
၁။ အခြေခံမူများ
    ၁-၁။     ငြိမ်းချမ်းရေးအတွက် သန္နိဌာန်ချခြင်း    
    ၁-၂။     ပင်လုံသဘောတူညီချက်ကို အသိအမှတ်ပြုခြင်း
    ၁-၃။     စစ်မှန်သော ဖက်ဒရယ်ပြည်ထောင်စုစနစ်
    ၁-၄။     ပြည်ထောင်စု တပ်မတော် ဖွဲ့စည်းခြင်း
    ၁-၅။     တိုင်းရင်းသား လူမျိုးများ၏ အခြေခံ အခွင့်အရေးများကို ကာကွယ်ခြင်း
    ၁-၆။     တန်းတူညီမျှမှု
    ၁-၇။     အားလုံးပါဝင်ရေး
    ၁-၈။     သဘောတူညီမှု ရယူခြင်း
    ၁-၉။    ပူးပေါင်းဆောင်ရွက်မှု
    ၁-၁၀။ ပွင့်လင်းမြင်သာမှုနှင့် တာဝန်ခံမှု
၂။ ရည်ရွယ်ချက်များ
    ၂-၁။     အပြန်အလှန် ယုံကြည်မှု တည်ဆောက်နိုင်ရန်။
    ၂-၂။     ထိပ်တိုက်ရင်ဆိုင် တိုက်ခိုက်ခြင်းများနှင့် ရန်လိုမှုများ ရပ်စဲရန်။
    ၂-၃။     အားလုံး သဘောတူညီထားသည့် အပစ်ခတ် ရပ်စဲရေးဆိုင်ရာ စည်းကမ်းများကို လေးစားလိုက်နာရန်။
    ၂-၄။     အစိုးရနှင့် ရင်းရင်းသား လက်နက်ကိုင် အဖွဲ့များအကြား ချုပ်ဆိုထားသော သဘောတူညီချက်နှင့် ကတိက၀တ်များကို ထပ်လောင်းအတည်ပြု ထိန်းသိမ်းပြီး၊ တည်တံ့ခိုင်မြဲ၍ တရားမျှတသည့် ငြိမ်းချမ်းရေးသို့ ဦးတည်သည့် နိုင်ငံရေး ဆွေးနွေးပွဲ လုပ်ငန်းစဉ်ကို စတင်ကျင်းပသွားနိုင်ရန်။
    ၂-၅။ အဓိပ္ပာယ် ပြည့်ဝသော နိုင်ငံရေး တွေ့ဆုံဆွေးနွေးပွဲ များမှသည် အမျိုးသားပြည်နယ်များကို အခြေခံသော ဖက်ဒရယ် ပြည်ထောင်စု တည်ဆောက်ရန်။
၃။ နှစ်ဖက်လက်ခံနိုင်သော နိုင်ငံရေး လမ်းပြမြေပုံ ချမှတ်ခြင်း
    ၃-၁။    အားလုံးပါဝင်သော "အမျိုးသားအဆင့် နိုင်ငံရေး တွေ့ဆုံဆွေးနွေးရေးဆိုင်ရာမူဘောင်" (The Framework for National Political dialogue) သဘောတူညီမှု ရယူခြင်း။
    ၃-၂။    တစ်နိုင်ငံလုံး အဆိုင်ရာ အပစ်အခတ် ရပ်စဲရေးဆိုင်ရာ သဘောတူညီချက် လက်မှတ်    ရေးထိုးခြင်း။
    ၃-၃။    အမျိုးသားအဆင့် နိုင်ငံရေး တွေ့ဆုံဆွေးနွေးပွဲများ ကျင်းပခြင်း။
    ၃-၄။    ပင်လုံစိတ်ဓာတ်၊ ပင်လုံမူကို အခြေခံသော ပြည်ထောင်စု ညီလာခံ ကျင်းပပြီး "တိုင်းရင်းသား လူမျိုးများဆိုင်ရာ ပြည်ထောင်စု သဘောတူညီချက် (Pyidaungsu Accord)" ကို လက်မှတ်ရေးထိုးခြင်း။
    ၃-၅။   "တိုင်းရင်းသား လူမျိုးများဆိုင်ရာ ပြည်ထောင်စု သဘောတူညီချက် (Pyidaungsu Accord)" ကို အတည်ပြုခြင်း (Ratification)။
    ၃-၆။   "တိုင်းရင်းသား လူမျိုးများဆိုင်ရာ ပြည်ထောင်စု သဘောတူညီချက် (Pyidaungsu Accord)" အချက်များကို အကောင်အထည်ဖော်ခြင်း။
၎။ တစ်နိုင်ငံလုံး အပစ်အခတ် ရပ်စဲရေးတွင် အဓိက ပါဝင်ရမည့် အချက်များ
    ၄-၁။    တပ်ပိုင်းဆိုင်ရာကိစ္စ
    ၄-၂။    ဆက်ဆံရေး ရုံးများဆိုင်ရာကိစ္စ
    ၄-၃။    နိုင်ငံရေး ဆွေးနွေးပွဲများ ကျင်းပရန် ကတိပြုခြင်း
    ၄-၄။    နိုင်ငံရေး တွေ့ဆုံဆွေးနွေးပွဲ မူဘောင်ရေးဆွဲခြင်းနှင့် အတည်ပြုခြင်း
    ၄-၅။    အရပ်သားများအား အကာအကွယ်ပေးခြင်း
    ၄-၆။    စစ်ဖက်ဆိုင်ရာ ကျင့်ဝတ်များ သဘောတူညီခြင်း
၅။ အကောင်အထည်ဖော်ခြင်း
    ၅-၁။    ပူးတွဲစောင့်ကြည့်ရေးစနစ် လက်တွေ့သတ်မှတ် အကောင်အထည်ဖော်ခြင်း
    ၅-၂။    နိုင်ငံရေး ဆွေးနွေးပွဲများ ဆက်လက်အကောင်အထည် ဖော်သွားမည့် ပူးတွဲကော်မတီ ဖွဲ့စည်းခြင်း
    ၅-၃။    လွတ်လပ်သော လူ့အခွင့်အရေး စောင့်ကြည့်ရေး ကော်မတီ
    ၅-၄။    အချိန်ကာလ သတ်မှတ် အကောင်အထည်ဖော်ခြင်း
၆။ ယုံကြည်မှု တည်ဆောက်ရေးနှင့် စပ်လျဉ်းသည့် ဆောင်ရွက်ရမည့် အချက်များ
    ၆-၁။    စိတ်ရင်းစေတနာမှန်ဖြင့် ကြိုးစားလုပ်ဆောင်ရမည်။
    ၆-၂။    လွတ်လပ်စွာ သွားလာခွင့်
၇။ မတရား အသင်းများ အဖြစ်မှ ပယ်ဖျက်ပေးရေးနှင့် ဆက်စပ်အကြောင်းအရာများ
၈။ ဆွေးနွေးရေးကာလ အစီအစဉ်များ
    ၈-၁။    အုပ်ချုပ်ရေးဆိုင်ရာ အာဏာခွဲဝေခြင်း၊ ကျင့်သုံးခြင်း
    ၈-၂။    စီးပွားရေးဆိုင်ရာ အာဏာခွဲဝေခြင်း၊ ကျင့်သုံးခြင်း
    ၈-၃။    ဥပေဒပြုပြင်ရေးဆိုင်ရာ ကိစ္စရပ်များ
    ၈-၄။    ယဉ်ကျေးမှုနှင့် သဘာဝ ပတ်ဝန်းကျင်ဆိုင်ရာ ကိစ္စရပ်များ
    ၈-၅။    မြေယာပြုပြင်ရေးဆိုင်ရာ ကိစ္စရပ်များ
    ၈-၆။    သဘာဝ အရင်းအမြစ် စီမံခန့်ခွဲမှုဆိုင်ရာ ကိစ္စရပ်များ
    ၈-၇။    နယ်စပ်ရေးရာ ကိစ္စရပ်များ (Border Territorial, Immigration, Trade Issues)
    ၈-၈။    အကြီးစား စီးပွားရေး ရင်းနှီးမြှုပ်နှံမှုဆိုင်ရာ ကိစ္စရပ်များ (Mega Economic Projects)
    ၈-၉။    မူးယစ်ဆေးဝါး ကင်းစင်ပပျောက်ရေးဆိုင်ရာ ကိစ္စရပ်များ
၉။ လက်မှတ်ရေးထိုးခြင်း
၁၀။ အတည်ပြုခြင်း
၁၁။ အထွေထွေ

Monday, October 28, 2013

Posted by manphosan | File under :
အောက်တိုဘာ ၂၈ရက်၊ ၂၀၁၃ခုနှစ်။ စောခါးစူးညား 

IMG_5241

မြောက်ပိုင်းအိုင်ယာလန်၏ ငြိမ်းချမ်းရေးဆိုင်ရာ ဖော်ဆောင်ခဲ့မှုလုပ်ငန်းများကို လေ့လာရန် ကရင်အမျိုးသား အစည်းအရုံး(ကေအဲန်ယူ)မှ တွဲဖက်အတွင်းရေးမှူး(၂) ပဒို မန်းမန်းမန်းဦးဆောင်သည့် ကိုယ်စားလှယ် ၇ဦးသည် ယနေ့ အောက်တိုဘာ ၂၈ရက်နေ့ နံနက်တွင် အင်္ဂလန်(ဗြိတိန်)နိုင်ငံ လန်ဒန်မြို့သို့ ရောက်ရှိလျှက်ရှိသည်။
ခရီးစဉ်တွင် ကေအဲန်ယူ ကိုယ်စားလှယ်များအဖြစ် ပဒို မန်းမန်းမန်း အပါအ၀င် နိုင်ငံခြားရေးဌာနတာဝန်ခံ ပဒိုစောအောင်ဝင်းရွှေ၊ စောဆဲပွယ်၊ စောအော်ဘောမူ၊ နော်ဘလူးမင်းနိုက်ဇန်၊ နော်စူစဲန်နာလှလှစိုး နှင့် နော်ကညောဖောတို့ ပါဝင်ကြပြီး မြောက်ပိုင်းအိုင်ယာလန်ရှိ Inter Mediate အဖွဲ့အစည်း၏ ဖိတ်ခေါ်မှုဖြင့် သွားရောက်ခဲ့ခြင်းဖြစ်ကာ အောက်တိုဘာ ၂၇ရက်မှ နိုဝင်ဘာ ၂ရက်နေ့အထိ ၇ရက်ကြာမည်ဟု သိရသည်။
ကေအဲန်ယူ၏ ဒုဥက္ကဌ ပဒို နော်စီဖိုးရာစိန်က “အခု ကေအဲန်ယူ ကိုယ်စားလှယ်တွေ မြောက်ပိုင်းအိုင်ယာလန် သွားတဲ့ကိစ္စက တချိန်က အင်္ဂလန်မှာ အင်္ဂလိပ်(လူမျိုး)နဲ့ အိုင်းရစ်(လူမျိုး)အကြား အပစ်အခတ်ရပ်စဲရေးနဲ့ ငြိမ်းချမ်းရေးဆိုင်ရာ ဖော်ဆောင်ခဲ့မှုတွေကို သွားရောက်လေ့လာတာ ဖြစ်ပါတယ်”ဟု ကေအိုင်စီသို့ ပြောသည်။
ဆက်လက်၍ ယခု လေ့လာရေးခရီးစဉ်သွားရောက်နေသည့် ကေအဲန်ယူ ကိုယ်စားလှယ်အဖွဲ့သည် ခရီးစဉ် အတွင်း တွေ့ဆုံသွားမည့် ပုဂ္ဂိုလ်များနှင့် လေ့လာရရှိမည့် ဗဟုသုတ အတွေ့အကြုံများကို မိခင်ကေအဲန်ယူသို့ ပြန်လည်ရှင်းပြဖွယ် ရှိနိုင်သည်ဟု ပဒို နော်စီဖိုးရာစိန်က ဆိုသည်။
မြောက်ပိုင်းအိုင်ယာလန်သည် အင်္ဂလန်နိုင်ငံ၏ အစိတ်အပိုင်း နယ်မြေတစ်ခုဖြစ်ပြီး ၁၉၉၈ ခုနှစ်တွင် ဗြိတိန် အစိုးရက ကိုယ်ပိုင်အုပ်ချုပ်ခွင့်နယ်မြေအဖြစ် သဘောတူလက်မှတ်ထိုးပေးကာ လက်ရှိ မြောက်ပိုင်းအိုင်ယာ လန်ကို နိုင်ငံ၊ ခရိုင်၊ ဒေသ စသည့်ဖြင့် အမျိုးမျိုးသတ်မှတ်ခေါ်ဝေါ်ကြသည်။
ယခု ခရီးစဉ်အတွင်းတွင် ကေအဲန်ယူကိုယ်စားလှယ်များက ဗြိတိန်ဝန်ကြီးချုပ်ရုံးမှ အစိုးရတာဝန်ရှိပုဂ္ဂိုလ်များ အပြင် ဟားဗတ်တက္ကသိုလ်မှ ပါမောက္ခများနှင့် မြောက်ပိုင်းအိုင်ယာလန်မှ တာဝန်ရှိသူများအား တွေ့ဆုံရန် ရှိသည်ဟု သိရသည်။
ကေအဲန်ယူသည် ပြီးခဲ့သည့် ၂၀၁၂ခုနှစ်၊ ဇန်န၀ါရီလ ၁၂ရက်နေ့မှစ၍ မြန်မာအစိုးရနှင့် ပဏာမ အပစ်အခတ် ရစ်စဲရေး သဘောတူလက်မှတ်ထိုး ပြီးနောက်ပိုင်း မြောက်အိုင်ယာလန်သို့ လေ့လာရေးခရီးစဉ်အဖြစ် ပထမဆုံး အကြိမ် သွားရောက်ခဲ့ခြင်းဖြစ်သည်။
Posted by manphosan | File under :
အောက်တိုဘာ ၂၈ ရက်၊ ၂၀၁၃ ခုနှစ်။ စဖန်းရှောင်း

DSC09018

ပြီးခဲ့သည့် ရက်ပိုင်းအတွင်း မြန်မာပြည်တွင်းရှိ ဗုံးပေါက်ကွဲမှုများ ဖြစ်ပွားကာ ကရင်အမျိုးသားအစည်းအရုံး (KNU)နှင့် ဆက်စပ်မှုရှိသည်ဟု အစိုးရဘက်မှ ထုတ်ဖော်ပြောကြားပြီးနောက် အဖွဲ့ဝင် (၇) ဦးပါဝင်သော ဗုံးခွဲ တိုက်ခိုက်မှုဆိုင်ရာ အထူးစုံစမ်းစစ်ဆေးရေး ကော်မရှင်တစ်ရပ်ကို KNU က ဖွဲ့စည်းလိုက်သည်။
အောက်တိုဘာလ ၂၅ ရက်နေ့က ဖားအံခရိုင်ရှိ KNU တပ်မဟာ(၇)ဌာနချုပ်တွင် KNU ဗဟိုအလုပ်အမှု ဆောင်ကော်မတီဝင်များ၊ အမြဲတမ်းကော်မတီဝင်များ၊ ခရိုင်အသီးသီးမှ ဥက္ကဌများ၊ တပ်မဟာအသီးသီးမှ တပ်မဟာမှူးများနှင့် သက်ဆိုင်ရာခေါင်းဆောင် စုစုပေါင်း (၃၀)ကျော်သည် အရေးပေါ်အစည်းအဝေးတစ်ရပ် ပြုလုပ်ပြီး ၎င်းအထူးစုံစမ်း စစ်ဆေးရေးကော်မရှင်ကို ဖွဲ့စည်းခဲ့ခြင်းဖြစ်သည်ဟု KNU က ကြေညာချက် တစ်စောင်ထုတ်ပြန်ခဲ့သည်။
KNU အထွေထွေအတွင်းရေးမှူးချုပ်၏ ပဒိုစောကွယ်ထူးဝင်းက “ဒီဗုံးပေါက်ကွဲမှု ဖြစ်စဉ်ပတ်သက်ပြီး မီဒီယာမှာ KNU နဲ့ ပတ်သက်မှုရှိတယ်လို့ ဖော်ပြကြပေမယ့် တကယ်ဆိုရင် ကျနော်တို့ KNU အဖွဲ့အစည်းအနေနဲ့ ဆက်စပ် မှု မရှိဘူး။ ဘယ်လိုပဲဖြစ်ဖြစ် အလားတူဖြစ်ရပ်မျိုးကို ကြိုတင်ဟန့်တားနိုင်အောင်နဲ့ အများအမြင်ရှင်းအောင် ခေါင်းဆောင်တွေစုပြီးတော့ အဖြစ်မှန်ကိုစုံစမ်းဖော်ထုတ်နိုင်ဖို့ ကော်မရှင်ကို ဖွဲ့လိုက်တာပါ”ဟု ပြောသည်။
ဆက်လက်၍ KNU အနေဖြင့် အကြမ်ဖက် လုပ်ရပ်များကို ကန့်ကွက်ကြောင်း၊ နိုင်ငံရေးပြသာနာကို တွေ့ဆုံ ဆွေးနွေးမှုဖြင့် အဖြေရှာရမည်ဖြစ်ကြောင်းနှင့် ဗုံးပေါက်ကွဲမှုဖြစ်စဉ်တွင် KNU ပါဝင်ပတ်သက်နေသည်ဟု သတင်းထွက်ပေါ်မှုမှာ မည်မျှမှန်ကန်မှုရှိကြောင်းကို ဖော်ထုတ်ရန် ယခုကော်မရှင်က စုံစမ်းဖော်ထုတ်သွား မည်ဟု ပဒိုစောကွယ်ထူးဝင်းက ကေအိုင်စီသို့ ဆက်ပြောသည်။
၎င်းဖွဲ့စည်းလိုက်သော အထူးစုံစမ်းစစ်ဆေးရေးကော်မရှင်တွင် အဖွဲ့ခေါင်းဆောင်အဖြစ် ပဒိုစောရောဂျာခင်၊ အတွင်းရေးမှူးအဖြစ် ဗိုလ်မှူးကြီးစောဖောဒိုနှင့် အဖွဲ့ဝင်များအဖြစ် KNU/KNLA စစ်ဦးစီးချုပ် ဗိုလ်ချုပ်ကြီး စောဂျော်နီ၊ ဗိုလ်ချုပ် စောအိုင်းဇက်ဖိုး၊ ပဒိုစောအောင်မော်အေး၊ ဗိုလ်မှူး စောတာမလာသော၊ ပဒိုစောအယ် ကလူစေး စသည်တို့ ဖြစ်ကြသည်ဟု KNU ကြေညာချက်တွင် ဖော်ပြထားသည်။
KNU သည် နိုင်ငံရေးအဖြေရှာရာတွင် ငြိမ်းချမ်းစွာ တွေ့ဆုံဆွေးနွေးမှုပေါ်လစီကို ဆက်လက်ကျင့်သုံးသွား မည်ဖြစ်သလို မည်သည့်အကြမ်းဖက်တိုက်ခိုက်မှုလုပ်ရပ်မျိုးမဆို ပါဝင်ပတ်သက်မည် မဟုတ်သည့်အပြင် အကြမ်းဖက်လုပ်ရပ်များကို ပြင်းပြင်းထန်ထန် ဆန့်ကျင်ကန့်ကွက်ကြောင်းနှင့် ဗုံးပေါက်ကွဲမှုကြောင့် သေကြေ ထိခိုက်ဒဏ်ရာရသူများနှင့် မိသားစုဝင်များအတွက် ၀မ်းနည်းကြောင်းလည်း ကြေညာချက်တွင် ပါရှိသည်။

Saturday, October 26, 2013

Posted by manphosan | File under :

အောက်တိုဘာ ၂၆ရက်။ ၂၀၁၃ခုနှစ်။ စောသိန်းမြင့်

IMG_1640

ကရင်အမျိုးသား စည်းလုံးညီညွတ်ရေးနှင့် ငြိမ်းချမ်းရေး ကော်မတီ(KUPC)မှ ကြီးမှူးပြီး ကရင်အမျိုးသား စည်းလုံးညီညွတ်ရေးနှင့် ငြိမ်းချမ်းရေးဆိုင်ရာလူထုတွေ့ဆုံပွဲတစ်ရပ်ကို ယနေ့၌ ကရင်ပြည်နယ်၊ မြ၀တီမြို့၊ သောင်ရင်းခန်းမတွင် ကျင်းပကာ ကရင်အမျိုးသားအဖွဲ့အစည်း ပေါင်းစုံတက်ရောက်ခဲ့ကြသည်။

တွေ့ဆုံပွဲတွင် ကရင်လက်နက်ကိုင်တပ်ဖွဲ့များမှ ကိုယ်စားလှယ်ခေါင်းဆောင်များ၊ ဘာသာရေးဆိုင်ရာ ပုဂ္ဂိုလ် များ၊ ကရင်လွှတ်တော်အမတ်များ၊ ကရင်တိုင်းရင်းသားရေးရာ ၀န်ကြီးများ၊ ကရင်ပြည်နယ်အစိုးရမှ ကရင်ဝန် ကြီးများ၊ ကော့ကရိတ်၊ ကြားအင်းဆိပ်ကြီး၊ လှိုင်းဘွဲ၊ မြ၀တီ၊ သံတောင် ကျောက်ကြီး စသည့်မြို့နယ်များမှ ဒေသခံ ကိုယ်စားလှယ်များနှင့် ထိုင်းနိုင်ငံရောက် ကရင်အမျိုးသား ကိုယ်စားလှယ်များအပါအ၀င် စုစုပေါင်း ၅၀၀ကျော် တက်ရောက်ခဲ့ကြခြင်းဖြစ်သည်။
၎င်းတွေ့ဆုံပွဲသို့ တက်ရောက်သည့် ကရင်အမျိုးသားအစည်းအရုံး(KNU) ပြည်ထဲရေးနှင့် သာသနာရေး တာဝန် ခံ ပဒိုစောအားတိုးက “အမျိုးသားပြန်လည်ရင်ကြားစေ့ရေး၊ ညီလုံးညီညွတ်ရေးဆိုတာ သဘောထားမှန်ဖို့လို တယ်။ တစ်ဦးနဲ့တစ်ဦး၊ တစ်ဖွဲ့နဲ့တစ်ဖွဲ့သီးခံခွင့်လွတ်ကြဖို့ လိုတယ်။ အပေါ်ယံ အထင်မှားပြီး စည်းလုံးညီညွတ်ဖို့ မဖြစ်နိုင်ဘူး။ ဒီကနေ့ကစပြီး ကရင်တစ်မျိုးသားလုံး စည်းလုံးညီညွတ်မှုကို ဦးတည်ပြီးတော့ လုပ်ကြပါလို့ ကျနော်ပြောလိုပါတယ်”ဟု ပြောသည်။
နံနက် ၉ နာရီမှ ညနေ ၃နာရီခွဲအထိ ပြုလုပ်သည့် ယင်းတွေ့ဆုံပွဲတွင် ကရင်တော်လှန်ရေးသမိုင်း၊ ကရင် လက်နက်ကိုင်အဖွဲ့များ၏ အခြေအနေနှင့် ကရင်ငြိမ်းချမ်းရေးဖော်ဆောင်မှု ဖြစ်စဉ်နှင့် ရှေ့လုပ်ငန်းစဉ်များကို ရှင်းလင်းတင်ပြသကဲ့သို့ လက်ရှိမြန်မာ့နိုင်ငံရေးအခြေအနေ၊ ကရင်နိုင်ငံရေးပါတီ၏ အခြေအနေနှင့် ကရင်စည်းလုံးရေးနှင့် ငြိမ်းချမ်းရေးအတွက် (KUPC)၏ ကြိုးပမ်းမှုများကို တင်ပြခဲ့ကြသည်။
ထို့အပြင် တွေ့ဆုံပွဲသို့ တက်ရောက်လာသည့် ကိုယ်စားလှယ်များ၏ အမြင်သဘောထား ဆန္ဒနှင့် အကြံပြုချက် များကို တင်ပြဆွေးနွေး၊ မေးမြန်းမှုများကို သက်ဆိုင်ရာအဖွဲ့အစည်း၊ ပါတီခေါင်းဆောင်များမှ ရှင်းလင်းဖြေ ကြားခဲ့ကြသည်။
ကရင်နယ်ခြားစောင့်တပ်၏ အကြံပေးအရာရှိ တစ်ဦးဖြစ်သူ ဒေါက်တာစောဌေးမြင့်က“ KUPC ကို ဖွဲ့စည်း ကတည်းက ကျနော်တို့ BGF က သုံးဦးပါဝင်တယ်။ အဲဒီတော့ နိုင်ငံတော်က ချမှတ်ထားတဲ့ အခြေခံ ဥပဒေ နဲ့အညီ ကိုယ်ပြည်သူတွေကို စောင့်ရှောက်နိုင်သလောက်၊ ငြိမ်းချမ်းရေးအတွက် ပံ့ပိုးနိုင်သလောက် ပါဝင်တာဖြစ်တယ်။ ကျနော်တို့သည် ကရင်အမျိုးသားများဖြစ်တယ်။ ကရင်အမျိုးသားများ၏ ငြိမ်းချမ်းမှု ၊ တိုးတက်မှုဟာ ကျနော်တို့ တာဝန်ဖြစ်တယ်။ ဒါကြောင့်မို့လို့ ပါဝင်တာဖြစ်တယ်”ဟု ကေအိုင်စီသို့ ပြောသည်။
တဆက်တည်းမှာပင် ယနေ့တွေ့ဆုံပွဲတွင် ကရင်အမျိုးသားစည်းလုံးညီညွတ်ရေးအတွက် တစ်ခုတည်းသော ကရင့်အလံတော်အောက်တွင် ကရင်ဟူသော မျိုးချစ်စိတ်ဓာတ်ဖြင့် မျိုးနွယ်စုအရ၊ ကိုးကွယ်မှုအရ၊ ကျား မကွဲ ပြားမှုအရ ဘာသာစကား၊ စာပေ ယဉ်ကျေးမှုထုံးတမ်းအရ ခွဲခြားဆက်ဆံမှု၊ ဖိနှိပ်မှု မရှိစေရန် လုံးဝလိုအပ် ကြောင်းနှင့် ကရင့်လက်နက်ကိုင်များ ညီညွတ်ရေးအတွက် ကရင်အမျိုးသားအကျိုးစီးပွားရှေ့ ရှုကာကွယ်သော စောဘဦးကြီး မူလေးချက်ကို လက်ကိုင်ပြုသော ကရင့်အမျိုးသားတပ်မတော် ဖြစ်ရန် တည်ဆောက်ရမည် အပါအ၀င် သဘောထား ၅ချက်ကို ရယူနိုင်ခဲ့သည်ဟု သိရသည်။
ဒီကေဘီအေကိုယ်စားလှယ်အဖြစ်တက်ရောက်လာသူ ဗိုလ်မှူး စောဝိထူးက“ကျနော်တို့ ကရင်လူမျိုး အားလုံးရဲ့ ရည်မှန်းချက်ပန်းတိုင်ဟာ အတူတူပါပဲ။ ကျနော်တို့တွေ အဖွဲ့တွေကွဲနေကြပေမယ့်လည်း ကျနော်တို့ လျှောက် နေတဲ့လမ်းဟာ တစ်လမ်းတည်းဖြစ်သလို ရည်ရွယ်ချက်လည်း အတူတူပါပဲ။ ကျနော်တို့ ကိုယ့်ကိုယ်ကို ကရင်မှန်းသိရင် သူ့အလိုလို အဆင်ပြေသွားမှာပါ”ဟု ပြောသည်။
ယနေ့တွေ့ဆုံပွဲတွင် KNU မှ ဗဟိုကော်မတီဝင် ပဒိုမန်းငြိမ်းမောင်၊ ပဒိုစောအားတိုး၊ ပဒိုစောသမိန်ထွန်း၊ ကရင် နယ်ခြားစောင့်တပ်မှ အကြံပေးပုဂ္ဂိုလ် ဒေါက်တာစောဌေးမြင့်၊ BGF အမှတ် ၁၀၂၂တပ်မှူး၊ ဗိုလ်မှူး မုတ်သုန်၊ DKBA ကိုယ်စားလှယ် ဗိုလ်မှူး စောဝိထူး၊ KNU/KNLA-PC ကိုယ်စားလှယ် ဗိုလ်ကြီး စောနေစိုးမြ စသည့် ကရင် လက်နက်ကိုင်အဖွဲ့အစည်းများမှ ကိုယ်စားလှယ်များက တက်ရောက်ခဲ့ကြသည်။
IMG_1338
၎င်းအပြင် ပဲခူးတိုင်း ကရင်တိုင်းရင်းသားရေးရာ ၀န်ကြီး စောဂျူးပလီစံလှ၊ မွန်ပြည်နယ် တိုင်းရင်းသားရေးရာ ၀န်ကြီး စောအောင်ကျော်မင်း၊ ကရင်ပြည်နယ်အစိုးရ သတ္တုတွင်းဝန်ကြီး စောဆာ့လော်လာ ဖလုံ-စဝေါ်ဒီမို ကရက်တီပါတီ ဒု-ဥက္ကဌ မန်းအောင်ပြည်စိုးတို့ ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ မြ၀တီ မဲဆန္ဒနယ်အမှတ် (၁) လွှတ်တော်အမတ် ဦးစောချစ်လှိုင် စသည့် ကရင်ဝန်ကြီးများနှင့် နိုင်ရေးပါတီခေါင်း ဆောင်တို့လည်း တက်ရောက်ခဲ့ကြသည်။
ကရင်အမျိုးသား အဖွဲ့အစည်းပေါင်းစုံပါဝင်သော KUPC ကို ပြီးခဲ့သည့် ၂၀၁၃ခုနှစ်၊ မတ်လ ၂၉-၃၀ရက်နေ့တွင် ကရင်ပြည်နယ်၊ ဘားအံမြို့၊ ဇွဲကပင်ခန်းမ၌ ကျင်းပပြုလုပ်သည့် ကရင်ရေးရာအစည်းအဝေးတွင် ကော်မတီဝင် ၃၇ဖြင့် စတင်ဖွဲ့စည်းခဲ့ပြီး ၂၀၁၃ခုနှစ် မေလ ၁၈-၁၉ရက်နေ့တွင် ရန်ကုန်မြို့ ရွှေသံလွင်ကွန်ဒို (Hope International) သင်တန်းခန်းမ၌ ထပ်မံ ကျင်းပပြုလုပ်သည့် အစည်းအဝေးတွင် အဖွဲ့ဝင် ၅၄ဦးဖြင့် တိုးချဲ့ဖွဲ့ စည်းခဲ့သည်။
ကရင်တစ်မျိုးသားလုံး စည်းလုံးညီညွတ်ရေး၊ ငြိမ်းချမ်းပျော်ရွှင်ရေးနှင့် ကရင့်အနာဂါတ် သာယာလှပရေးကို ရည်ရွယ်၍ ကျင်းပပြုလုပ်သည့် ကရင်စည်းလုံးရေးနှင့် ငြိမ်းချမ်းရေးဆိုင်ရာ လူထုတွေ့ဆုံပွဲကို လှိုင်းဘွဲမြို့နယ် ၊ ဘားအံမြို့နယ်၊ သထုံမြို့၊ ပဲခူးမြို့၊ ထားဝယ်မြို့နှင့် မြိတ်မြို့တို့တွင် ကျင်းပပြီးစီးခဲ့ပြီးဖြစ်သည်။
Posted by manphosan | File under :
http://www.first-11.com/

ကရင်ပြည်နယ်၊ မြ၀တီမြို့ သောင်ရင်းခန်းမ၌ အောက်တိုဘာ ၂၆ ရက်က ပြုလုပ်သည့် ကရင်အမျိုးသား စည်းလုံးရေးနှင့် ငြိမ်းချမ်းရေးဆိုင်ရာ လူထုတွေ့ဆုံပွဲ အခမ်းအနားတွင် အချက်ငါးချက်ကို ဆွေးနွေးခဲ့ကြောင်း သိရသည်။

အဆိုပါ အခမ်းအနားတွင် ကရင်ဘာသာရေး အဖွဲ့အစည်းများ၊ ကရင်လက်နက်ကိုင် အဖွဲ့အစည်းများ၊ ကရင်လူထု အခြေပြု အဖွဲ့အစည်းများ၊ ကရင်နိုင်ငံရေး ပါတီများ၊ ပြည်တွင်းပြည်ပရှိ ကရင်တိုင်းရင်းသားများ တက်ရောက်ခဲ့ကြသည်။

သဘာပတိချုပ်အဖြစ် ဘားအံမြို့၊ သုမေဓာရာမ တောရကျောင်းတိုက် ဆရာတော် အရှင်စန္ဒာဝရက ဆောင်ရွက်ပြီး ငြိမ်းချမ်းရေး၏ ဆန့်ကျင်ဘက် အခြားတစ်ဖက်တွင် အကြမ်းဖက်ခြင်း သုံးမျိုးရှိကြောင်း အဖွင့်အမှာစကား ပြောကြားရာတွင် ထည့်သွင်း ပြောကြားသည်။

ထို့နောက် (KNU) ဗဟိုကော်မတီဝင် ဖဒိုမန်းငြိမ်းမောင်က "နှစ်ပေါင်း ၆၀ အတွင်း ကရင်တစ်မျိုးသားလုံး ဆန္ဒပြင်းပြစွာ တောင့်တလာခဲ့တဲ့ ငြိမ်းချမ်းရေး ရောင်ခြည်သန်းလာပြီ ဖြစ်သလို နှစ်ဖက် ပစ်ခတ်မှုတွေလည်း ချုပ်ငြိမ်းခဲ့ပြီ။ ရာနှုန်းပြည့်နီးပါး ယုံကြည်မှု ရရှိနေပြီ ဖြစ်တဲ့အတွက် ရှေ့ဆက်သွားရမယ့် ခရီးလမ်းမှာ အပစ်အခတ်ရပ်စဲရေးမှ တစ်ဆင့် ထာဝရငြိမ်းချမ်းရေးကြီး မလွဲမသွေ ရရှိတော့မှာ သေချာသလောက် ဖြစ်နေပြီ ဖြစ်ပါတယ်"ဟု ပြောကြားသည်။

ကရင်တော်လှန်ရေး သမိုင်း၊ ကရင်လက်နက်ကိုင် အဖွဲ့အစည်းများ၏ အခြေအနေ၊ ကရင်ငြိမ်းချမ်းရေး ဖော်ဆောင်မှုဖြစ်စဉ်များနှင့် ရှေ့ဆောင်လုပ်ငန်းစဉ်များကို ဖဒိုစောလှထွန်းက ရှင်းလင်းတင်ပြပြီး ဦးမန်းအောင်ပြည်စိုးက မြန်မာနိုင်ငံရေး အခြေအနေ၊ ကရင်နိုင်ငံရေး ပါတီများ၏ အခြေအနေ၊ ကရင်စည်းလုံးရေး ငြိမ်းချမ်းရေးအတွက် (KUPC) ၏ ကြိုးပမ်းမှုများကို တင်ပြ ဆွေးနွေးခဲ့သည်။

အခမ်းအနားသို့ တက်ရောက်လာသူများက အပြန်အလှန် ဆွေးနွေးခဲ့ကြပြီးနောက် ကရင်အမျိုးသား စည်းလုံးညီညွတ်ရေး၊ ခိုင်မြဲတည်တံ့သော ငြိမ်းချမ်းရေးအတွက် ငြိမ်းချမ်းရေးကို ဦးတည်၍ တန်းတူရေးနှင့် ကိုယ်ပိုင်ပြဋ္ဌာန်းချက်ကို အခြေခံသည့် ဖက်ဒရယ် ပြည်ထောင်စုစစ်ကို အခြေခံမည်ဖြစ်သည်။ ကရင် အနာဂတ် ရေးလှပရေးအတွက် ကရင်တိုင်းရင်းသားများ အားလုံးအတွက် အာမခံချက်မရှိသည့် ကိုယ်ပိုင်ပြဋ္ဌာန်းခွင့်များကို လက်ခံမည်မဟုတ်ပါ။ အာမခံချက်ရှိသော ဖွဲ့စည်းပုံ အခြေခံ ဥပဒေနှင့်အညီ ကရင်အမျိုးသားများ၏ စီးပွားရေး၊ လူမှုရေး၊ ပညာရေး၊ ကျန်းမာရေး၊ ယဉ်ကျေးမှုတို့ကို အာမခံချက် ပေးနိုင်မည့် အခြေအနေတစ်ရပ်ကို ဖန်တီး တည်ဆောက်ရန် လိုအပ်သည်။ ကရင် လက်နက်ကိုင်များ ညီညွတ်ရေးအတွက် ကရင်တစ်မျိုးသားလုံး အကျိုးစီးပွားကို ရှေးရှု ကာကွယ်သော ကရင်အမျိုးသား တပ်မတော်အဖြစ် ဖွဲ့စည်းတည်ထောင်ရန် လိုအပ်သည်။ ကရင်နိုင်ငံရေး ပါတီများ ညီညွတ်ရေးအတွက် ကရင်နိုင်ငံရေး ပါတီများအနေဖြင့် ၎င်းတို့၏ မူဘောင်များကို ကရင်တစ်မျိုးသားလုံး တိုးတက်ရေးကို ဦးတည်ချက်ထား၍ ညှိနှိုင်းဆောင်ရွက်မှု အားဖြင့် ကရင်နိုင်ငံရေးပါတီများ ညီညွတ်ရေးကို ဆောင်ရွက်ရန် ဖြစ်သည်ဟု သဘောတူညီမှု ချမှတ်ခဲ့ကြကြောင်း သိရသည်။

ဧရာဝတီ 
မြ၀တီမြို့မှာ ဒီနေ့ပြုလုပ်တဲ့ ကရင်အမျိုးသားစည်းလုံးရေးနဲ့ ငြိမ်းချမ်းရေးဆိုင်ရာ ကရင်လူထုတွေ့ဆုံပွဲမှာ တက်ရောက်လာကြတဲ့ လူထုတွေက ကရင်အမျိုးသားအစည်းအရုံး KNU အပါအ၀င် ကရင်လက်နက်ကိုင်အဖွဲ့အစည်းတွေရဲ့ ချို့ယွင်းချက်တွေနဲ့ ပတ်သက်ပြီး ပေါ်ပေါ်ထင်ထင်ဝေဖန်ခဲ့ကြပါတယ်။

ဒီပွဲကိုကရင်လူထု ၃၀၀ ကျော်တက်ရောက်ခဲ့ကြပါတယ်။

KNU နဲ့ပတ်သက်ပြီး တက်ရောက်လာတဲ့ ဘုန်းတော်ကြီးတပါးက KNU ကို ကရင်တမျိုးသားလုံးက ပိုင်တာဖြစ်တဲ့ အတွက် KNU ဘာဘဲလုပ်လုပ် ကရင်တမျိုးသားလုံးရဲ့ ဆန္ဒ သဘောထားကို မမေ့ဘို့လိုတယ်ဆိုပြီး ဆွေးနွေးပါတယ်။

ပွင့်ပွင့်လင်းလင်း ဆွေးနွေးခွင့်ရတဲ့ဒီလိုပွဲမျိုး ကရင်ပြည်နယ်မှာ လစဉ်လုပ်နိုင်ရင်ိကောင်းမယ်
ဆိုပြီး တက်ရောက်လာသူတဦးက ပြောပါတယ်။

ဒီပွဲကို ကရင်လက်နက်ကိုင်အဖွဲ့တွေ၊ မြ၀တီခရိုင်တာဝန်ရှိသူတွေ၊ ကရင်နိုင်ငံရေးပါတီတွေ၊ ပြည်နယ်အစိုးရ၀န်ါကြီးတွေ၊လူထုအခြေပြုအဖွဲ့အစည်းတွေနဲ့အောက်ခြေလူထုတွေ၊ကျောင်းသားလူငယ်တွေ တက်ရောက်ခဲ့ကြပါတယ်။

သတင်းနှင့်ဓာတ်ပုံ-မန်းမျိုးမြင့်(မီဒီယာ)












Monday, October 21, 2013

Posted by manphosan | File under :
ဧရာဝတီ
 
ပြီးခဲ့တဲ့ စနေနေ့၊  သီတင်းကျွတ်လပြည်နေ့က ကျိုက်ထီးရိုးရင်ပြင်မှာ တွေ့ရတဲ့ ဒေသခံ နိုင်ငံရေးသမားကြီး ၃ ယောက်ကို ဧရာဝတီသတင်းထောက် ထက်နိုင်ဇော်က လတ်တလော အခြေအနေဲ့ ဆက်စပ်တဲ့ မေးခွန်းတချို့  မေးမြန်းခဲ့ပါတယ်။

သူတို့ကတော့   မွန်ပြည်နယ် ၀န်ကြီးချုပ် ဦးအုန်းမြင့်၊  မွန်ပြည်သစ်ပါတီ ဗဟိုကော်မတီဝင် နိုင်တလငြိမ်း၊ ကရင်အမျိုးသားအစည်းအရုံး (KNU) ရဲ့ အမှတ် ၁ တပ်မဟာမှူး ဗိုလ်မှူးချုပ် စောကျော်လင်းတို့ ဖြစ်ပါတယ်။
အမေးအဖြေများကို ဖော်ပြပေးလိုက်ပါတယ်။


ဧရာဝတီ- အခုလို ဗုံးခွဲမှုဖြစ်စဉ်တွေမှာ KNU ပါဝင်ပတ်သက်မှုတွေ ရှိနေတယ်လို့ အသံတွေထွက်လာတော့ အစိုးရနဲ့ ငြိမ်းချမ်းရေး ပူးပေါင်းဆောင်ရွက်မှုတွေမှာ  ဘယ်လိုအခက်အခဲတွေ ဖြစ်လာနိုင်မလဲ။


စောကျော်လင်း- ဒီလိုပြဿနာတွေ ဖြစ်လာရင် ညှိနှိုင်းမယ်။ အဆင့်ဆင့် တင်ပြပေးရမယ်။ ပြဿနာပိုမကြီးသွားအောင် လုပ်ရမယ်။
အောက်ခြေမှာ ညီညီညွှတ်ညွှတ်ဖြစ်ဖို့ အရေးကြီးတာပဲ။ အဓိကက အောက်ခြေမှာ ညီညီညွှတ်ညွှတ်ဖြစ်နေရင် အထက်မှာလည်း လုပ်ရကိုင်ရတာ လွယ်ကူတာပေါ့။

တပ်မဟာမှူး ဗိုလ်မှူးချုပ် စောကျော်လင်း

ဧရာဝတီ- KNU တပ်တွေက   စုစုစည်းစည်း
ညီညီညွှတ်ညွှတ်နဲ့ ဗဟိုထိန်းချုပ်မှုအောက်မှာ ရှိရဲ့လား။ အခုဆိုရင်  တပ်မဟာ ၅ က သဘောထားတင်းမာတယ်၊ အခုနိုင်ငံရေးဖြစ်စဉ်တွေကို မယုံကြည်ဘူးဆိုတာမျိုး ပြောသံ ကြားနေရတယ်။


စောကျော်လင်း- စုစုစည်းစည်းတော့ ရှိတယ်။  ဒါပေမဲ့ ညီညွှတ်ရဲ့လားမေးရင် တယောက်တလေတော့လည်း ဒါမျိုးက ရှိတတ်တယ်လေ။
 သားသမီးထဲမှာတောင် ပေတာ တေတာရှိတာပဲ။ ဆိုးတဲ့ သားသမီးလည်း ရှိတာပဲ။ မွေးတဲ့ သားသမီးတိုင်း မလိမ္မာပါဘူး။ ဘောင်မလွတ်တဲ့ အလုပ်မျိုးတွေ လုပ်နေတဲ့ သားသမီးတွေ ရှိသလို KNU မှာ ကောင်းတဲ့ သာသမီးတွေလည်း ရှိပါတယ်။

ဧရာဝတီ- နေရာအများအပြားမှာ  အထိတ်တလန့်ဖြစ်အောင် လုပ်နေတဲ့ သူတွေကို KNU က ဘာပြောချင်လဲ။ သူတို့တွေက KNU နဲ့ ပတ်သက်ခဲ့ရင် ဘယ်လိုတာဝန်ယူမလဲ။

စောကျော်လင်း - ဒီလိုမျိုးလုပ်တာတော့ မကောင်းဘူး။ ပြည်သူတွေ မထိတ်လန့်ရအောင် အခုကျနော်တို့ အဖွဲ့တွေနဲ့ တပ်နဲ့ပေါင်းပြီးတော့ ပူးပေါင်းဆောင်ရွက်နေတယ်။ တိုင်းပြည်က ငြိမ်းချမ်းမှ တိုးတက်မှာ။
ကျနော်တို့က နှစ်ပေါင်း ၆၀ ကျော် မငြိမ်းချမ်းလို့ ကျနော်တို့ နိုင်ငံကြီးဟာ မတိုးတက်ခဲ့တာ။ အခုကျနော်တို့က ငြိမ်းချမ်းအောင် ပြန်ကြိုးစားနေတယ်။
မြတ်စွာဘုရားတောင်မှ တောထွက်တာကို လိုက်ဖျက်တာခံရသေးတာပဲ။ အဖျက်သမားကတော့ ရှိတာပဲ။

မွန်ပြည်နယ်အစိုးရ၀န်ကြီးချုပ် ဦးအုန်းမြင့်
ဝန်ကြီးချုပ် ဦးအုန်းမြင့် - အခုချိန်မှာ အားလုံးအေးအေးဆေးဆေး ဖြစ်နေပါပြီ။ ...  KNU တပ်မဟာမှူး၊ ဒီမှာက မွန်ပြည်သစ်၊ စစ်တပ်လည်းပါတယ်။
အခုအားလုံး တစည်းတလုံးတည်း ရှိတယ်။ အဲဒါပြယုဂ်ပဲ။ ရှင်းပြီးနော်။ မနှစ်ကထက်စာရင် ကျိုက်ထီးရိုးဘုရားဖူးက ဒီနှစ်ပိုလာတယ်။
 မောင်ရင်တို့ ပြောတဲ့ ဗုံးက ဟိုဘက်ကဗုံး။ သူ့ဟာသူရှိနေပစေ။ တို့က ဗုံးအကြောင်းမစဉ်းစားဘူး။ ဘုရားရဲ့တန်ခိုးနဲ့။ တို့စည်းလုံးမှုနဲ့ တို့မွန်ပြည်နယ်မှာ အေးချမ်းနေတယ်။

ဧရာဝတီ- ဗုံးလန့်မှုတွေ ဖြစ်နေတာကို မွန်ပြည်သစ်ပါတီအနေနဲ့ရော  ဘာပြောချင်ပါသလဲ။

နိုင်တလငြိမ်း - အခုဗုံးကွဲမှုတွေကို သက်ဆိုင်သူအားလုံး ၀ိုင်းဝန်း ဟန့်တားနိုင်ဖို့ လိုတယ်။ တရားခံကို ဖော်ထုတ်ပေးရမယ်။


နိုင်တလငြိမ်း
ဧရာဝတီ- မွန်ပြည်သစ်ပါတီနဲ့ အစိုးရ ပြည်ထောင်စုအဆင့် ဆွေးနွေးပွဲ ဘယ်တော့လောက်ပြန်စမလဲ။

နိုင်တလငြိမ်း- ပြည်ထောင်စုအဆင့် ဆွေးနွေးပွဲကို အပစ်ရပ်အဖွဲ့တွေ အားလုံး ညှိနှိုင်းပြီးတော့ တနိုင်ငံလုံး အတိုင်းအတာနဲ့ အပစ်ခတ်ရပ်စဲရေးဖြစ်အောင် အရင်လုပ်မယ်။ ပြီးမှ နိုင်ငံရေး ဆွေးနွေးပွဲသွားဖို့ ရှိတယ်။ ကျနော်တို့ တဖွဲ့ချင်းအနေနဲ့ နိုင်ငံရေးဆွေးနွေးတာ မလုပ်ဘူး။ တိုင်းရင်းသား လက်နက်ကိုင် အဖွဲ့အစည်းတွေ အားလုံးအနေနဲ့ ဆက်ဆွေးနွေးသွားဖို့ ရှိတယ်။

Friday, October 18, 2013

Posted by manphosan | File under :
Eleven Media Group

ယခုရက်ပိုင်းအတွင်း ဖြစ်ပေါ်ခဲ့သော ဗုံးပေါက်ကွဲမှုများ၌ ကျူးလွန်သူဟု စွပ်စွဲခံရ သူများသည် KNU (ကရင် အမျိုးသား အစည်အရုံး) နှင့် ဆက်စပ်မှု ရှိသူများဟု ပြောကြားခြင်းများ ရှိလာခဲ့ပြီးနောက် ထိုသို့ ပြောဆိုမှုများနှင့် ပတ်သက်ပြီး KNU တွဲဖက် အတွင်းရေးမှူး-၁ ပဒိုသောသီဘွဲ့အား အောက်တိုဘာ ၁၇ ရက်က ဆက်သွယ် မေးမြန်းခဲ့သည်များကို ဖော်ပြအပ်ပါသည်။
မေး - ရန်ကုန်နဲ့ မန္တလေး ဗုံးပေါက်ကွဲမှုတွေမှာ ဖမ်းဆီးခံထား ရသူတွေဟာ KNU က လူတွေလို့ ပြောထားပါတယ်။ တပ်မဟာ-၅ နဲ့ ပတ်သက်တယ်လို့ ပြောတာတွေရှိပါတယ်။ ဒီအပေါ်မှာ ဘာပြောချင်ပါသလဲ။
ဖြေ- တပ်မဟာ ၅၊ ဖာပွန်ခရိုင်ကနေပြီး ထုတ်ပြန် ကြေညာချက်တစ်ခု ရှိထားပါတယ်။ (အစိုးရ၏) ထုတ်ပြန်မှု ပေါ်မှာ ဗုံးခွဲတာတို့၊ အနှောင့်အယှက် ပြုတာတို့ သူတို့မှာ မရှိပါဘူးတဲ့။
မေး - အစိုးရက အောက်တိုဘာ ၁၈ ရက်မှာ သတင်းစာ ရှင်းလင်းပွဲလုပ်ဖို့ အစီအစဉ် ရှိပါတယ်။ အဲဒီမှာဗုံးခွဲမှုကို ကျူးလွန်သူတွေဟာ KNU က လူတွေလို့ သက်သေ အထောက်အထားနဲ့ ပြောလာခဲ့ရင် ဘယ်လိုဖြေရှင်းဖို့ ပြင်ဆင်ထားပါသလဲ။
ဖြေ - ကျွန်တော်တို့ကတော့ သတင်းရရှိတဲ့၊ နာမည်တွေနဲ့တကွ တပ်ထားတဲ့ လူပုဂ္ဂိုလ်တွေက KNU ဟုတ်ကြောင်း၊ မဟုတ်ကြောင်း ဆိုတာကို ပြန်လည် ဆန်းစစ်ရမှာပေါ့။ ဟုတ်သော်၊ မဟုတ်သော်ပေါ့။ အဲဒါမှလည်း ကျွန်တော်တို့က အတိအကျ ပြောနိုင်မှာပါ။
မေး - အခုဖမ်းဆီး ခံထားရပြီး သံသယရှိတယ် ဆိုတဲ့သူတွေက KNU ကလူတွေ မဟုတ်ဘူးလို့ ဆိုလိုချင်တာလား။
ဖြေ - တချို့အပိုင်း တွေကတော့ ရှိပါတယ်။ သူတို့ရဲ့ စစ်ဆေးချက်အရ ပြောရမယ်ဆိုရင် တချို့ဟာ ယခင်တုန်းက အချိန်စေ့ ဆောင်ရွက်သွားတာမျိုးတွေ၊ အချိန်ပိုင်း ဆောင်ရွက်သွားတာ မျိုးတွေရှိရင် ရှိမယ်။ KNU ဟောင်းတွေလည်း ဖြစ်ကောင်း ဖြစ်မယ်။ တပ်ထွက်တချို့ ဖြစ်ကောင်းဖြစ်နိုင်တယ်။ ဒါကတော့ ယတိပြတ် ပြောလို့မရသေးဘူး။
မေး - အခုထွက်နေတဲ့ သတင်းတွေအရ ဖမ်းမမိသေးဘဲ လွတ်နေတဲ့ သူတွေဟာ KNU ထိန်းချုပ် နယ်မြေထဲကို ရောက်သွားတဲ့အတွက် ဖမ်းဖို့ခက်နေတယ်လို့ ပြောပါတယ်။ ဒီသတင်းတွေက အမှန်ပဲလားဗျ။
ဖြေ - ပြစ်မှုကျူးလွန်တယ်လို့ ယူဆတဲ့သူတွေကို ဖမ်းလို့မရဘဲနဲ့ KNU လို့ စွပ်စွဲတာကတော့ သိပ်သဘာဝ မကျဘူးလေ။ တွေ့ဆုံဆွေးနွေးကာလ သော်လည်းကောင်း၊ အပစ်အခတ် ရပ်စဲရေး ကာလမှာသော် လည်းကောင်း ဖြစ်လာတဲ့ ပြဿနာအသီးသီးကို အစိုးရဘက်ရော၊ KNU ကရင်အမျိုးသား အစည်းအရုံးဘက်ရော ပူးပေါင်း ဆောင်ရွက်ရမယ့် ကိစ္စကို နဂိုက သဘောတူထားတာ ရှိပါတယ်။
မေး - KNU ထိန်းချုပ် နယ်မြေထဲမှာ လွတ်နေတဲ့သူတွေ အမှန်တကယ် ရှိနေမယ်ဆိုရင် ဘယ်လိုဆောင်ရွက် သွားမလဲ။
ဖြေ - အကယ်၍သာ ဟုတ်မယ်ဆိုလို့ ရှိရင်တော့ သက်ဆိုင်ရာ တပ်ရင်းတပ်ဖွဲ့ ကနေပြီး ခေါ်ယူ စစ်ဆေးမှာပါ။ ကျွန်တော်တို့က အရေးယူ ဆောင်ရွက်မယ်။ အရေးမယူ မဆောင်ရွက်ဘူးဆိုတဲ့ ဟာမျိုးကိုတော့ မပြောချင်ဘူး။ အကယ်၍ ရှောင်နေတိမ်းနေတဲ့ သူတွေကို ဘယ်သူဘယ်ဝါ မျိုးတွေလဲဆိုတာ ကျွန်တော်တို့ အမှန်တကယ် သူတို့နဲ့ တွေ့ဆုံပြီးမှ၊ တွေ့နိုင်မှ ပြောလို့ရမယ်။
မေး - အစိုးရနဲ့ ငြိမ်းချမ်းရေး ဖော်ဆောင်မှုနဲ့ ပတ်သက်ပြီး KNU ထဲမှာလည်း သဘောထား ကွဲနေတဲ့သူတွေ ရှိတယ်ဆိုတဲ့ သတင်းတွေ ထွက်ခဲ့ပါတယ်။ ဒီသဘောထား ကွဲမှုတွေကြောင့် အခုလို ကိစ္စတွေကို ဖြစ်လာစေတယ်လို့ ယူဆပါသလား။
ဖြေ - အဲဒီအဆင့် အထိတော့ မရှိနိုင်ဘူး ထင်ပါတယ်။ ဘာဖြစ်လို့လဲဆိုတော့ ကျွန်တော်တို့က ယခင်က ပြောတဲ့အတိုင်းပဲလေ။ အချင်းချင်းကြား မတူတာကတော့ သံသယ ရှိစရာ မလိုပါဘူး။ ဓမ္မဓိဋ္ဌာန် ကျပါတယ်။ သို့သော်လည်း ကျွန်တော်တို့က အဖွဲ့အစည်းရဲ့ ဆုံးဖြတ်ချက်နဲ့ အဖွဲ့အစည်းရဲ့ ဦးစီးဦးဆောင်မှုနဲ့ပဲ ဆောင်ရွက်သွားတာကို အောက်ခြေ အဆင့်အထိတော့ လက်ခံနေကြတာပါပဲ။
တချို့ကာကယံရှင်တွေ ပြောတာကတော့ ဖြစ်နိုင်ဖွယ်ရှိမယ်။ သို့သော်လည်း ကျွန်တော်တို့ အနေနဲ့ အဲဒီလိုမျိုး မမြင်ဘူးခင်ဗျ။ အဲဒါတွေကတော့ လူပုဂ္ဂိုလ် တစ်ဦးတစ်ယောက်ရဲ့ ယူဆချက်တွေပဲ ဖြစ်နိုင်မယ် ထင်ပါတယ်။ ကျွန်တော်တို့က ဗဟိုဆုံးဖြတ်ချက်နဲ့ နောက်အခြေခံ လုပ်ငန်းစဉ်တွေမှာလည်း တွေ့ဆုံဆွေးနွေးရေး ဖြစ်လာတဲ့ ပြဿနာတွေကို ငြိမ်းချမ်းတဲ့နည်းနဲ့ ဖြေရှင်းဖို့ ဆိုတာကတော့ အဖွဲ့အစည်း တစ်ခုလုံးမှာ ချထားတဲ့ဆုံး ဖြတ်ချက်ပါ။
မေး - လောလောဆယ် အခြေအနေမှာ အစိုးရက KNU ကို တရားဝင် ဆက်သွယ် အကြောင်းကြားတာမျိုး ရှိပါသလား။
ဖြေ - အစိုးရပိုင်းက အကြောင်းကြားတာမျိုး မရှိသေးဘူးခင်ဗျ။ ဘာဖြစ်လို့လဲဆိုတော့ ကျွန်တော်တို့ စကားပြောနေတဲ့ အချိန်အခါ ကာလမှာ ဧရိယာအတွင်းမှာ ကျွန်တော်တို့ သွားလာတာမျိုးတွေ၊ တပ်မတော်နဲ့ အနှောင့်အယှက် ဖြစ်မယ့်ကိစ္စတွေ ဆိုလို့ရှိရင် သူတို့တိုင်ကြားစာတွေ၊ သတိပေးစာတွေ၊ ဒါတွေကိုတော့ သူတို့အချိန်မီ ပေးတာတွေ ရှိတယ်။ အခုချိန်ထိတော့ သူတို့ဘက်က အကြောင်းကြားတာကို လက်ခံရရှိသေးတာ မရှိသေးဘူး။
ကျွန်တော်တို့က ဗဟိုအဆင့်တွေနဲ့ တိုက်ရိုက်ဆက်သွယ်တဲ့ အနေအထားတော့ရှိတယ်။ အကြောင်းတ စ်စုံတစ်ရာ ရှိရင်တော့ ဒါကိုတ ရားဝင် သော်လည်းကောင်း ဆက်သွယ်လိမ့်မယ်လို့ ကျွန်တော်တို့ ယုံကြည်တယ်။ အခုလိုမျိုး အဆက်အသွယ် မရှိဘဲနဲ့ စစ်ဆေးချက်အရ ဖြစ်ပေါ်လာတာကိုတော့ ကျွန်တော်တို့က အတိအကျ မပြောနိုင်သေးဘူးခင်ဗျ။
အခုဖမ်းမိတဲ့ ကိစ္စကို သော်လည်းကောင်း၊ ရဲက စစ်ဆေးချက်ကို သော်လည်းကောင်း သံသယရှိနေတဲ့ သူသော်လည်းကောင်း ပေါ့လေ။ ကာယကံရှင် အထူးသဖြင့်ပေါ့လေ။ တပ်မဟာ-၅ ကိုစွပ်စွဲတာမျိုးတွေ ပါပါတယ်။ တပ်မဟာ-၅ က ရှင်းလင်းချက်တွေလည်း ထုတ်ထားပါတယ်။ အဲဒါကို တွေ့လိုက်မယ် ဆိုရင် ပိုရှင်းသွားမှာပါ။

Thursday, October 17, 2013

Posted by manphosan | File under :
Saw Ag Ko Latt-Saw Nay Blue images

အောက်တိုဘာ ၁၇ရက်၊ ၂၀၁၃ခုနှစ်။ (ကေအိုင်စီ)

အပစ်အခတ် ရပ်စဲချိန်အတွင်း နယ်မြေပိုင်းခြား သတ်မှတ်ထားသင့်ကြောင်း အစိုးရစစ်တပ်၏ ဖမ်းဆီးခြင်းမှ ပြန်လည်လွတ် မြောက်လာခဲ့သူ ကရင်အမျိုးသားအစည်းအရုံး(ကေအဲန်ယူ) တောင်ငူခရိုင်၊ တပ်မဟာ(၂)မှ တပ်သားနှစ်ဦးက ပြောဆိုလိုက် သည်။
ဖမ်းဆီးခံရခြင်းမှ ပြန်လည် လွတ်မြောက်လာသူ စောနေဘလုက “အခုလို အပစ်ခတ်ရပ်ထားချိန်မှာ တိကျတဲ့နယ်မြေ ပိုင်းခြား သတ်မှတ်ပေးပြီး ကျနော်တို့နယ်မြေထဲမှာ အုပ်ချုပ်ရေးလုပ်ငန်းတွေ အစိုးရဘက်က ၀င်ရောက်နှောက်ယှက်တာ မလုပ်ဖို့ ကျနော်တို့ ခေါင်းဆောင်တွေကို အလေးထား ဆွေးနွေးစေချင်ပါတယ်။”ဟု ပြောသည်။
အောက်တိုဘာ ၁ရက်နေ့က သံတောင်မြို့နယ် KNU ထိန်းချုပ်နယ်မြေ၏ ယာယီ အခွန်ကောက်ဂိတ် ထားရှိသည့်နေရာတွင် တာဝန်ယူနေသူ KNLA တပ်မဟာ(၂)၊ တပ်ရင်း(၅)မှ တပ်သား စောအောင်ကိုလတ်နှင့် စောနေဘလူးတို့ကို မြန်မာအစိုးရ၏ တောင်ပိုင်းတိုင်းစစ်ဌာနချုပ် လက်အောက်ခံ ခြေမြန်တပ်ရင်း(ခမရ-၄၄၀) စစ်ကြောင်းမှ ဖမ်းဆီးကာ တောင်ငူမြို့ အမှတ်(၃) ရဲခစန်းသို့ ပို့ဆောင်ခဲ့သည်။
၎င်းတို့နှစ်ဦး တောင်ငူ အမှတ်(၃)ရဲစခန်းသို့ ပို့ဆောင်ခံရချိန်တွင် တောင်ပိုင်းတိုင်း စစ်ဌာနချုပ်(တပခ) စစ်ဗျူဟာ လိပ်သိုအခြေ စိုက်စခန်းရှိ ဗိုလ်ကြီးခိုင်သင်းထွန်းမှ တရားလိုပြုလုပ်ကာ လုယက်မှု၊ ဓါးပြမှုနှင့် စပ်လျဉ်းသည့် ပြစ်မှုဆိုင်ရာ ပုဒ်မ-၃၈၂ဖြင့် အမှု ဖွင့် တိုင်ကြားခဲ့သည်ဟု သိရသည်။ ယင်းသို့ ဖမ်းဆီးခံရပြီး နောက်တစ်ရက်တွင် KNU တပ်မဟာ(၂)က ၎င်းတို့၏စစ်ဦးစီးချုပ်ထံ အကြောင်းကြားခဲ့ပြီးနောက် ၉ရက်ကြာ အောက်တိုဘာ ၁၀ရက်နေ့တွင် ချုပ်နှောင်ခံရခြင်းမှ ပြန်လည်လွတ်မြောက်လာခဲ့သည်။
ဖမ်းဆီးခံရသူများကို KNU သံတောင်မြို့နယ် ဥက္ကဌ ပဒိုစောသဲဒယ်ထံ ပြန်လည်လွဲပြောင်းအပ်နှံခဲ့ရာတွင် မြန်မာစစ်တပ်မှ ပူးတွဲ ပေးပို့လာသည့် တရားခံ လွှဲပြောင်းလက်ခံဆောင်ရွက်ခြင်းစာအရ သံတောင်ကြီးမြို့နယ်၊ လိပ်သိုမြို့နယ်ခွဲ၊ သာမိုးတောင်ကျေးရွာ အုပ်စု၊ မီးခတ်ချောင်းတံတားထိပ်တွင် မော်တော်ယာဉ်၊ မော်တော်ဆိုင်ကယ်များကို ၀ါးမောင်းတံဖြင့် တားဆီးပြီး ခြောက်လှန့်ငွေ တောင်းခံနေသည်ဟု ဖော်ပြထားသည်။
ထိုကိစ္စနှင့် ပတ်သက်၍ စောအောင်ကိုလတ်က “ကျနော်တို့က အဖွဲ့အစည်းရဲ့ အုပ်ချုပ်ရေးဆိုင်ရာ လုပ်ငန်းတွေကို လုပ်ပေးတာ ပါ။ ဒီအတွက် ဂိတ်ဆောက်ပြီး ဒေသတွင်းက ထွက်ကုန်တွေအတွက် အခွန်ကောက်ဖို့ပါ။ နောက်ပြီး ဒေသတွင်း မူးယစ်ဆေးဝါး တွေ မ၀င်လာရေး ကြိုတင်ကာကွယ်ဖို့ အစီအစဉ်လုပ်ပြီး ရှာဖွေသွားဖို့ ကျနော်တို့ မြို့နယ်၊ ခရိုင်ရဲ့ ဆုံးဖြတ်ချက်နဲ့ လုပ်တာပါ။” ဟု ဆိုသည်။
အစိုးရ၏ လွဲပြောင်းစာပါ အကြောင်းအရာများအပေါ် KNU တောင်ငူခရိုင် ဥက္ကဌ ပဒိုစောအယ်ဝါးက ၎င်းတို့အဖွဲ့အတွင်း လိုအပ် ချက်များ ဖြည့်ဆည်းပေးနိုင်ရေးအတွက် KNU ၏ အခွန်ပေါ်လစီအရ ငွေကောက်ခံခြင်း မပြုလုပ်မီ တပ်မဟာ(၂) စစ်ဆင်ရေးမှူး က အစိုးရ၏ တောင်ပိုင်းတိုင်းစစ်ဌာနချုပ်၊ သစ်တောဌာနနှင့် သက်ဆိုင်ရာ အုပ်ချုပ်ရေးဌာနများထံသို့ သြဂုတ်လက ကြိုတင်အ ကြောင်းကြားခဲ့ကြောင်းနှင့် လူထုကိုလည်း အသိပေး ညှိနှိုင်းထားပြီးဖြစ်ကြောင်း ပြောသည်။
“တကယ်ဆိုရင် ကျနော်တို့ ပေါ်လစီအရ လုပ်နေတဲ့အလုပ်ကို သူတို့ဝင်ပြီး တားမြစ်စရာ အကြောင်းမရှိဘူး။ တကယ်လို့ ရှင်းရှင်း လင်းလင်း ဖြစ်ချင်တယ်ဆိုရင် သူ့နယ်မြေ၊ ကိုယ့်နယ်မြေဆိုပြီး သတ်မှတ်မှုလုပ်နိုင်ရင် ပိုကောင်းမယ်။”ဟု ပဒိုစောအယ်ဝါးက ကေအိုင်စီသို့ ပြောဆိုသည်။
ပြန်လည်လွတ်မြောက်လာသူ တပ်သားနှစ်ဦးက ယခုလို အပစ်အခတ်ရပ်စဲထားချိန်တွင် KNU ၏ အုပ်ချုပ်ရေးနယ်မြေအတွင်း ၀င်ရောက်၍ တရားခံအဖြစ် စွပ်စွဲဖမ်းဆီးကာ ချုပ်နှောင်ထားခြင်းမျိုး မလုပ်သင့်ကြောင်း၊ အစိုးရမှ သဘောထား မှန်ကန်စွာနှင့် အပစ်ရပ်အဖွဲ့များကို တန်းတူဆက်ဆံသင့်သလို ကေအဲန်ယူခေါင်းဆောင်များအနေဖြင့်လည်း အစိုးရနှင့် တွေ့ဆုံဆွေးနွေးရာတွင် နှစ်ဖက်တပ်များ လိုက်နာရမည့် ကျင့်ဝတ်ဆိုင်ရာစည်းကမ်းများနှင့် အုပ်ချုပ်ရေးဆိုင်ရာများ ၀င်ရောက်နှောက်ယှက်ခြင်းမပြုရန် အလေးထား ဆွေးနွေးစေလိုကြောင်း တောင်းဆိုခဲ့သည်။
Posted by manphosan | File under :

အောက်တိုဘာ ၁၇ရက်၊ ၂၀၁၃ခုနှစ်။ စောခါးစူးညား

 လက်ရှိ မြန်မာအစိုးရနှင့် ယုံကြည်မှုတည်ဆောက်ရေးကို ထောက်ခံသလို ဗဟို၏ ဦးဆောင်မှုကို အပြည့်အ၀ လိုက်နာကြောင်း ကရင်အမျိုးသားအစည်းအရုံး(KNU)၊ မူတြော်(ဖာပွန်)ခရိုင်၊ တပ်မဟာ(၅)မှ ယနေ့ရက်စွဲဖြင့် ကြေညာချက်တစ်စောင် ထုတ်ပြန် လိုက်သည်။

လတ်တလောအချိန်တွင် KNU တပ်မဟာ(၅)သည် KNU ဗဟို၏ ဦးဆောင်မှုကို မလိုက်နာဘဲ သီးသန့်ရပ်တည်လိုသည်ဟု သတင်းများ ထွက်ပေါ်လာသည့်အပေါ် ယခုလို ကြေညာချက် ထုတ်ပြန်ရခြင်းဖြစ်ကြောင်း KNU တပ်မဟာ(၅) ရုံးထိုင်မှူး ပြောခွင့် ရသူ ဗိုလ်မှူးစောကလယ်ဒို့က ကေအိုင်စီသို့ ပြောသည်။
“ကျနော်တို့ တပ်မဟာ(၅)ဟာ ခေါင်းမာတယ်။ သီးသန့် ရပ်တည်လိုတယ်လို့ သတင်းထွက်ပေါ်နေတာ ကြားနေရတယ်။ ဒါ လုံးဝ မဟုတ်သလို လက်ရှိ အစိုးရတို့နှင့် ဖော်ဆောင်နေတဲ့ ငြိမ်းချမ်းရေးကိစ္စမှာ ဗဟိုရဲ့ ဦးဆောင်မှုအတိုင်း ကျနော်တို့ လိုက်နာပြီး သွားနေတာပါ။”ဟု ဗိုလ်မှူးစောကလယ်ဒို့က ပြောဆိုသည်။

KNU တပ်မဟာ(၅)၏ ထုတ်ပြန်ချက်တွင် အများပြည်သူများ လိုလားတောင့်တနေသော စစ်မှန်သည့် ငြိမ်းချမ်းရေး တည် ဆောက်ရေးအတွက် ကြိုးပမ်းနေသည့်ကာလအတွင်း အစိုးရနှင့် တိုင်းရင်းသား အဖွဲ့အစည်းများအကြား ဆွေးနွေးညှိနှိုင်းပြီး အပြန်အလှန် ယုံကြည်မှုတည်ဆောက်နေသည်ကို ၎င်းတို့အနေဖြင့် အပြည့်အ၀ ထောက်ခံခဲ့သည်သာမက တတ်စွမ်းသမျှ အဖက်ဖက်မှ ကူညီပံ့ပိုးမှုများ ပြုလုပ်နေသည်ဟု ဖော်ပြထားသည်။
ထို့အပြင် မြန်မာနိုင်ငံ၌ အဓွန့်ရှည်သော ငြိမ်းချမ်းရေးဖော်ဆောင်ရေးအတွက် ဆောင်ရွက်နေသည့် လုပ်ငန်းများကို တစုံတရာ နှောက်ယှက်ပျက်ပြားစေသည့်လုပ်ရပ်များ၊ အများပြည်သူ ထိခိုက်နာကျင်စေခြင်းများ၊ ထိတ်လန့်ကြောက်ရွံ့စေခြင်းများကို လုံးဝ ဆန့်ကျင်ကြောင်းလည်း ၎င်းကြေညာချက်တွင် ထည့်သွင်းပါရှိသည်။

အောက်တိုဘာ ၁၂ရက်နေ့က ရန်ကုန်တိုင်းဒေသကြီး အင်းစိန်မြို့နယ်၊ စော်ဘွားကြီးကုန်း အဝေးပြေး ကားဝင်းရှေ့ ကားမှတ်တိုင် အနီး ဗုံးပေါက်ကွဲမှု၊ အောက်တိုဘာ ၁၄ရက်နေ့က အလုံမြို့နယ်ရှိ Western Park 2 စားသောက်ဆိုင် ဗုံးခွဲမှုနှင့် ကျောက်တံတား မြို့နယ် ကုန်သည်ကြီးများဟိုတယ်အခန်း ဗုံးခွဲမှုတို့၌ သံသယရှိသူ စောမြင့်လွင် (ခ) မောထဆိုသူကို အစိုးရအာဏာပိုင်များက ဖမ်းဆီးထိန်းသိမ်းထားပြီး ၎င်းမှာ ဖာပွန်ဒေသတွင် KNU တပ်ဖွဲ့ဝင်ဖြစ်ဖူးကြောင်း အစိုးရရဲတာဝန်ရှိသူများက သတင်းဌာနများကို ပြောဆိုသည်။

ဗိုလ်မှူးစောကလယ်ဒို့က “သတင်းတွေမှာပြောတာက ဗုံးခွဲတယ်လို့ ဖမ်းဆီးခံထားရတဲ့ စောမြင့်လွင်ဟာ ဖာပွန်ခရိုင်မှာ KNU တပ်ဖွဲ့ဝင် ဖြစ်ခဲ့ဖူးတယ်လို့ ဖော်ပြထားတယ်။ ဒါပေမယ့် ဒီလူနာမည်နဲ့ ကျနော်တို့ တပ်ဖွဲ့ဝင်စာရင်းထဲမှာ ပြန်ရှာမတွေ့ဘူး။ နောက် ပြည်သူတွေကို တိုက်ခိုက်ပြီး ဒီလိုအောက်တန်းကျတဲ့ လုပ်ရပ်တွေ ကျနော်တို့ လုပ်စရာ အကြောင်းမရှိဘူး။”ဟု ထပ်မံ ပြောဆိုသည်။
KNU ဒုဥက္ကဌ ပဒိုနော်စီဖိုးရာစိန်က “အခုထုတ်ပြန်ချက်ဟာ KNU ဖာပွန်ခရိုင်ရဲ့ စစ်မှန်တဲ့ သဘောထားတွေပါ။ သူတို့ဟာ ဗဟိုရဲ့ ဦးဆောင်မှု၊ ညွှန်ကြားမှုအောက်မှာ ရှိတယ်ဆိုတာ ငြင်းလို့မရသလို အစိုးရနဲ့ လက်ရှိ ယုံကြည်မှု တည်ဆောက်နေတာကို အပြည့်အ၀ ထောက်ခံတာဖြစ်ပါတယ်။”ဟု ကေအိုင်စီသို့ ပြောသည်။
မြန်မာနိုင်ငံတွင် အများပြည်သူများ လိုလားတောင်းတနေသော စစ်မှန်သော ငြိမ်းချမ်းရေး ပေါ်ပေါက်လာသည်အထိ ၎င်းတို့ KNU ဖာပွန်ခရိုင်၊ တပ်မဟာ(၅)အနေဖြင့် ဗဟိုဌာနချုပ်၏ ဦးဆောင်မှုအတိုင်း လိုက်နာဆောင်ရွက်သွားမည်ဟု ၎င်းထုတ်ပြန် ကြေညာချက်အဆုံးတွင် ဖော်ပြထားသည်။
Posted by manphosan | File under :
သောသီခိုဘလော့မှကော်ပီယူထားသည်

အခုတလောဗုံးခွဲမှုနဲ့ပသတ်သက်ပြီး မြန်မာနိုင်ငံရဲမှုးကတော့ ကေအန်ယူကိုစွပ်စွဲတာတွေ့ရတယ်။ အမှန်တရားလား
နိုင်ငံရေးပရိယာယ်လေလားဆိုတာ ၎င်းရဲမှူးကိုယ်တိုင်ကပဲသိပါလိမ့်မယ်။ ငြိမ်းချမ်းရေးရဲ့အစစ်အမှန်ဘယ်သူက
လိုလားတယ်။ ဘယ်သူအကြမ်းဖက်နည်းကိုလိုလားတယ်ဆိုတာ တာဝန်ရှိသူတွေကသာအသိဆုံးဖြစ်ပါလိမ့်မယ်။
မြန်မာနိုင်ငံရေးပရိယာယ်ကိုနားမလည်လို့ ၀င်မိပြီး ဓားစားခံဖြစ်ခဲ့သူပေါင်းမနည်းတော့ပါဘူး။

ဖြစ်နိုင်တဲ့ပရိယာယ်တစ်ခုကတော့ ဒီလအကုန်မှာကေအန်ယူကငြိမ်းချမ်းရေးအတွက် Code Of Conduct
သဘောတူညီချက်အရ မြန်မာတပ်မတော်ကိုမလိုအပ်တဲ့တပ်စခန်းသေးသေးလေးတွေဖယ်ရှားပေးဖို့ ကာ/ချုပ်
ကိုတောင်းဆိုထားတာရှိပါတယ်။ အဲဒါကိုမဖယ်ရှားလိုတဲ့ မြန်မာ့တပ်မတော်တစ်စုတစ်ဖွဲ့ကလက်ချက်ဖြစ်နိုင်
တယ်လို့ ရေးရေးလေးမြင်မိပါတယ်။
Mutraw Statement on Peace Process 17 October 2013

Wednesday, October 16, 2013

Posted by manphosan | File under :
ရွှေဟင်္သာသတင်းဌာန 

KNU စစ်ဦးစီးချုပ် ဗိုလ်ချုပ်ကြီး ဂျော်နီ KNU စစ်ဦးစီးချုပ် ဗိုလ်ချုပ်ကြီး ဂျော်နီ ဓါတ်ပုံ - (KNU)



ပြည်တွင်း ဗုံးဖေါက်ခွဲ မှုနှင့် ထရိတ်ဒါး ဗုံးပေါက်ခွဲ မှုသည် KNU လက်ချက်ဟု စွပ်စွဲ ခဲ့လျှင် မည်သည့် အချက် အလက်ဖြင့် စွပ်စွဲ နေသည်ကို သိလိုကြောင်း၊ KNU စစ်ဦးစီးရုံး တာဝန်ခံ ဗိုလ်မှူးချုပ် ရော်ဂျာခင်က ထုတ်ဖေါ်ပြောကြား ခဲ့ပါသည်။
“ KNU မှာ ပြည်တွင်းမှာ ဗုံးဖေါက် ခွဲဖို့ ပေါ်လစီ မရှိဘူး။ လုပ်လည်း မလုပ်ဘူး။ တကယ်လို့ စွပ်စွဲမယ် ဆိုရင် ဘယ်သူက စွပ်စွဲတာလဲ ဘယ်အချက် အလက် အပေါ် အခြေခံပြီး စွပ်စွဲ တာလဲ ကျနော်တို့ ဆန်းစစ်မယ်။ မဟုတ်ဘူး ဆိုရင်တော့ အဲဒီ စွပ်စွဲ ချက်ကို ဘယ်သူ တာဝန်ခံ မှာလဲ သိချင်တယ်။ မဟုတ်ရင် KNU ကို သိက္ခာ ချဖို့ ဖန်တီး နေတာလား ဆိုတာ ဖြေရှင်း လိုတယ်” ဟု ဆိုပါသည်။
အလားတူ KNU စစ်ဦးစီးချုပ် ဗိုလ်ချုပ်ကြီး ဂျော်နီကလည်း စွပ်စွဲချက်ရှိခဲ့လျှင် KNU ကလည်း အဖြစ်မှန်ကို ဖေါ်ထုတ် ချင်ပါသည်ဟု ဆိုပါသည်။
ယခု ဗုံးဖေါက် ခွဲမှုသည် လက်ရှိ နိုင်ငံရေး အခြေအနေအား သဘောမကျ သူများက ဖေါက်ခွဲ သည်လည်း ဖြစ်နိုင်ကြောင်း၊ တချို့ ကမူ ရည်ရွယ်ချက် တခုဖြင့် ဆီးဂိမ်း လုံခြုံရေးကို ထိုးစစ် သဘော တရားဖြင့် တပ်လှန့် ခြင်းသာ ဖြစ်သည့် အတွက် အစိုးရ လက်ချက်ဟု ပြောကြကြောင်း၊ တချို့ကမူ ဗုံးပေါက်မှု သမိုင်းကို အခြေခံပြီး တပ်တွင်း ပြသနာလည်း ဖြစ်နိုင်ကြောင်း သုံးသပ် ကြပါသည်။
ယခင် နိုင်ငံတော် ငြိမ်ဝပ် ပိပြားရေး ခေတ်က ဗုံးပေါက်ကွဲ မှုများသည် အများ စုသည် လက်သည် မပေါ်သဖြင့် အစိုးရ အပေါ်သံသယ ပွားကြ ပါသည်။ KNU ကမူ ယခုကဲ့သို့ ငြိမ်းချမ်းရေး ကြိုးပမ်းမှု ကာလတွင် KNU အား စွပ်စွဲ လာခြင်း ဖြစ်လာ ပါက စွပ်စွဲချက် အပေါ် အလေးအနက် ထားမည် ဖြစ်ကြောင်း ဆိုပါသည်။
အထူး သဖြင့် KNU တပ်မဟာ (၅) ၏ လက်ချက် ဖြစ်သည်ဟု သတင်များ ထွက်ပေါ်နေသော်လည်း တိကျသော စွပ်စွဲမှု မရှိသေးကြောင်း ဆိုပါသည်။ ဖြစ်နိုင်ခြေ ရှိသည်မှာ ဆီးဂိမ်း အားကစားပွဲ လုံခြုံရေး အတွက် အာရုံလွှဲ ပြောင်းခြင်း ဖြစ်နိုင် ကြောင်း၊ ယခု အချိန်အထိ ဟိုလိုလို သည်လိုလိုသာ ရှိနေ သေးသည်ဟု ထုတ်ဖေါ်ပြောဆို ခဲ့ပါသည်။
KNU သည် မြန်မာ နိုင်ငံ ပြုပြင် ပြောင်းလဲရေးကို ထောက်ခံသည့် အဖွဲ့ ဖြစ်ကြောင်း၊ နိုင်ငံရေး ပြသနာကို နိုင်ငံရေးအရ ဖြေရှင်းလိုသည့်အတွက် အပစ်အခတ် ရပ်စဲ ခဲ့ကြောင်း၊ အပစ်အခတ် ရပ်စဲ ရာတွင် KNU နှင့် သဘောတူ ထားသည့် အချက်များ အစိုးရဖက်မှ လိုက်လံ အကောင် အထည် ဖေါ်ခြင်း မရှိသော်လည်း ပြေလည်မှု ရသည် အထိ ဆွေးနွေး သွားမည်ဟု ခံယူ ထာေးကြာင်း ဆိုပါသည်။
ဤကဲ့သို့ သဘောထား ရှိသည့် KNU အား ဗုံးဖေါက်သည့် အဖွဲ့ဟု စွပ်စွဲ လာပါက စွပ်စွဲမှုကို တာဝန်ခံ ရမည် ဖြစ်ကြောင်း၊ ဤကဲ့သို့ ဖြစ်လာ ပါက အပြုသဘောဖြင့် KNU မှ လေးနက်စွာ ပူးပေါင်း ဆောင်ရွက် သွားမည် ဖြစ်ကြောင်း ဆိုပါသည်။

Saturday, October 12, 2013

Posted by manphosan | File under :
“ကျမတို့ တောင်းဆိုတဲ့ ‘စစ်တပ်တွေ ပြန်လည်ဆုတ်ခွာပေးဖို့’ ဆိုတာက တစ်ဖက်နဲ့တစ်ဖက် ယုံကြည်မှု တည်ဆောက်ဖို့အတွက်ပဲ ဖြစ်တယ်။” ဆိုတဲ့
ကရင်အမျိုးသားအစည်းအရုံး (ကေအဲန်ယူ) ဒုဥက္ကဌ ပဒိုနော်စီဖိုးရာစိန်ရဲ့  တနိုင်ငံလုံး အပစ်အခတ်ရပ်စဲရေးအပေါ် အမြင်
အစိုးရဘက်က တောင်းဆိုနေတဲ့ တနိုင်ငံလုံးအပစ်အခတ်ရပ်စဲရေး (Nationwide Ceasefire) နှင့် ပတ်သက်ပြီးတော့ ကျမတစ် ယောက်အမြင်နဲ့ဆိုရင် ကျမတို့ သေချာ စဉ်းစားဖို့ လိုအပ်ပါတယ်။ ဘာဖြစ်လို့လဲဆိုတော့ တနိုင်ငံလုံး အတိုင်းအတာ အပစ်အ ခတ်ရပ်စဲရေးဟာ ပထမဦးဆုံး ကျမတို့ ကေအဲန်ယူနဲ့ တိုင်းရင်းသားတွေက ဆွေးနွေးဖို့အတွက် စတင် တောင်းဆိုတဲ့အထဲမှာ ပါဝင်နေပါတယ်။ ကျမတို့ လိုလားတောင်းဆိုတာက အစိုးရအနေနဲ့ တနိုင်ငံလုံး အပစ်အခတ်ရပ်စဲကြောင်း ကြေညာဖို့အတွက်နဲ့ တိုင်းရင်းသားဒေသတွေမှာ ဖြစ်ပွားနေတဲ့ ပစ်ခတ်မှုတွေကို ရပ်ဆိုင်းဖို့ပါ။
သို့ပေမယ့် အခု အစိုးရ တောင်းဆိုနေတဲ့ တနိုင်ငံလုံး အပစ်အခတ်ရပ်စဲရေးဟာ တိုင်းရင်းသားတွေအားလုံး သွားရောက်လက် မှတ်ရေးထိုးဖို့အတွက် ဖြစ်နေတယ်။ အပစ်အခတ်ရပ်စဲရေးကို ပြည်နယ်အဆင့် လက်မှတ်ထိုးထားတဲ့ တိုင်းရင်းသားအဖွဲ့တွေက နေပြည်တော်မှာ အောက်တိုဘာလအတွင်း လက်မှတ်သွားထိုးရမှာ ဖြစ်တယ်။ အရင် ပြည်နယ်အဆင့် လက်မှတ်ရေးထိုးတုန်း က လုပ်ဆောင်ရမယ့် စစ်ဘက်ဆိုင်ရာလိုက်နာရမည် ကျင့်ဝတ်စည်းကမ်းတွေကို ကျမတို့ မလိုက်နာသေးတာ အများကြီး ရှိပါ သေးတယ်။ စစ်ဘက်ဆိုင်ရာနဲ့ တိုက်ရိုက်သက်ဆိုင်တဲ့ တပ်နေရာပြန်လည်ချထားရေး၊ တပ်နေရာ သတ်မှတ်ရေး စတာတွေဟာ ကျမတို့ ဘာမှမလုပ်ရသေးဘူး။ ဒါကြောင့် တနိုင်ငံလုံး အပစ်အခတ်ရပ်စဲရေးလုပ်ဖို့အတွက် ကျမတို့ ပထမအဆင့် သဘောတူ ညီပြီး လက်မှတ်ရေးထိုးထားတဲ့ ကိစ္စရပ်တွေကို အကောင်အထည်ဖော်ဆောင်ဖို့ အရင် လိုအပ်တယ်လို့ ကျမ မြင်ပါတယ်။
ပြင်ဆင်မှုဆိုင်ရာ
သူတို့(အစိုးရစစ်တပ်)ရဲ့ ကြိုတင်ပြင်ဆင်မှုတွေနဲ့ ပတ်သက်ပြီး မပြည့်စုံသေးဘူးလို့ ကျမမြင်တယ်။ ဘာကြောင့်လဲဆိုတော့ ပြီးခဲ့ တဲ့ ဇူလိုင်လအတွင်းမှာ ကျမတို့ (Technical Team)က အပစ်အခတ်ရပ်စဲရေးဆိုင်ရာ လိုက်နာရမယ့် စည်းမျဉ်းစည်းကမ်း (Code of Conduct)နဲ့ ပတ်သက်ပြီး သွားရောက်တွေ့ဆုံရာမှာ အစိုးရဘက်က အကြမ်းရေးဆွဲထားတာရှိတယ်လို့ ပြောတယ်။ ဒါပေမယ့်လည်း မပြီးသေးတဲ့အတွက် ချမပြနိုင်သေးဘဲ ရေးဆွဲလို့ ပြီးစီးခဲ့တဲ့အခါကျမှ ထုတ်ပြမယ်လို့ ပြောပေမယ့် အခုချိန်ထိ ထုတ်ဖော်ပြသတာ မရှိသေးပါဘူး။ ဒီကိစ္စကို ရေးဆွဲဖို့အတွက် ကျမတို့ ကေအဲန်ယူက အချိန်တွေ အများကြီး အကုန်ခံခဲ့ပြီး ထပ်တလဲလဲ အကြမ်းရေးဆွဲ၊ တင်ပြထားပြီးပါပြီ။
ဒါ့အပြင် သြဂုတ်လက ကေအဲန်ယူ ဥက္ကဌနဲ့ အထွေထွေ အတွင်းရေးမှူးတို့ ဗိုလ်ချုပ်မှူးကြီးမင်းအောင်လှိုင် (တပ်မတော်ကာ ကွယ်ရေးဦးစီးချုပ်)ကို သွားရောက်တွေ့ဆုံရာမှာ မပြီးသေးဘူးလို့ တင်ပြခဲ့ပြန်တယ်။ သူတို့က ဗိုလ်ချုပ်သက်နိုင်ဝင်းကို ဆွဲခိုင်း ထားတဲ့ အကြမ်းတစ်ခုလည်း မပြီးသေးဘူးလို့ ပြောတယ်။ ဒါ့ကြောင့် အစိုးရအနေနဲ့ တနိုင်ငံလုံး အတိုင်းအတာနဲ့ အပစ်အခတ် ရပ်စဲရေး လုပ်ဆောင်ဖို့ ကြိုတင်ပြင်ဆင်မှုက လုံလောက်မှု မရှိသေးတာ ပေါ်လွင်နေပါတယ်။ ကျမတို့ဖက်က အမှန်တကယ် ကြို တင်ပြင်ဆင်မှုတွေ လုပ်ဆောင်နေသလို ပြန်လည်ပြင်ဆင်မှုတွေလည်း အကြိမ်ကြိမ် လုပ်ဆောင်ခဲ့ပြီးပြီမို့ အခု သူတို့ဘက်က ကြိုတင်ပြင်ဆင်မှုကို စောင့်နေရတဲ့ အခြေအနေမှာ ရှိနေပါတယ်။
KNLA နဲ့ အစိုးရတပ် သဘောထား
တနိုင်ငံလုံး အတိုင်းအတာ အပစ်အခတ်ရပ်စဲရေးအပေါ် ကျမတို့ရဲ့ KNLA ဘက်က အမြင်သဘောထားတွေကတော့ ပြီးခဲ့တဲ့ စက်တင်ဘာလက စစ်ဘက်ဆိုင်ရာ အစည်းအဝေးမှာ ဆုံးဖြတ်ချက် ၈ချက် ဆုံးဖြတ်ထားပြီးဖြစ်တယ်။ အဲဒီဆုံးဖြတ်ချက်တွေ ထဲမှာ အထူးသဖြင့် စစ်တပ်ရဲ့ နေရာ၊ စစ်တပ်နေရာ ပြန်လည်ချထားရေးကိစ္စကို လက်မှတ်မရေးထိုးသေးခင်မှာ အရင်ဆုံး လုပ်ရ မယ်၊ အရင်ဆုံး သဘောတူညီရမယ်။ အဲဒါက (၈)ချက်ထဲက တစ်ချက်ပါပဲ။ ဒါကို ကျမတို့ တင်ပြရမှာ ဖြစ်သလို လုပ်လည်းလုပ် ဆောင်ရမှာ ဖြစ်ပါတယ်။
ကျမပြောခဲ့တဲ့ စစ်တပ်ရဲ့ အခန်းကဏ္ဍနဲ့ပတ်သက်ပြီး အစိုးရဘက်က ဘယ်လိုပဲ သဘောထားရှိပါစေ၊ အချိန်အတိုင်းအတာတစ် ခုအနေနဲ့ သတ်မှတ်ပြီး ပြီးအောင်လုပ်မယ်လို့ ပြောပေမယ့်လည်း ဗိုလ်ချုပ်မှူးကြီးမင်းအောင်လှိုင်ရဲ့ တင်ပြချက်အရ စစ်တပ် လိုက်နာရမယ့် ကျင့်ဝတ်စည်းကမ်းများ (Code of Conduct)ကို သူတို့ရေးဆွဲလို့ မပြီးသေးတဲ့အပေါ်မှာ သူတို့ရဲ့ ကြိုတင်ပြင်ဆင် မှု အဆင်သင့် မဖြစ်သေးတာတွေက ကျမတို့ အလေးထား စဉ်းစားရမယ့်ကိစ္စတစ်ခု ဖြစ်ပါတယ်။
အဲဒါကြောင့် အခြေအနေတစ်ခုလုံးကို ပြန်ကြည့်မယ်ဆိုရင် ကျမတို့ လုပ်ဆောင်ခဲ့တဲ့အရာတွေ၊ ကျမတို့ နှစ်ဘက် သဘောတူ ထားတဲ့ ကတိက၀တ်အချို့ကို အစိုးရဘက်က လိုက်နာဆောင်ရွက်မှု မရှိသေးတာရှိတယ်။ ပြီးစီးအောင် လုပ်ဆောင်ရမယ့်ဟာကို မလုပ်ဆောင်ဘဲနဲ့ တနိုင်ငံလုံးအတိုင်းအတာ အပစ်အခတ်ရပ်စဲရေးအတွက် သွားရောက်လက်မှတ်ရေးထိုးမယ်ဆိုရင် အရင်က ကျမတို့ လက်မှတ်ရေးထိုးခဲ့တာဟာ အာမခံချက် ဘယ်လောက်ရှိပြီလဲဆိုတာကလည်း ကျမတို့ ကေအဲန်ယူအတွက်ဖြစ်စေ၊ တိုင်းရင်းသားတွေအတွက်ဖြစ်စေ စဉ်းစားချက်တစ်ခုလည်း ဖြစ်ပါတယ်။
ဖြစ်လာနိုင်သော စိုးရိမ်မှု
နောက်တစ်ခုက လောလောဆယ်မှာ တိုက်ပွဲတွေ မရပ်တန့်သေးပါဘူး။ အထူးသဖြင့် ကချင်ပြည်နယ်မှာ နေ့တိုင်းလိုလို ပစ်ခတ် မှုတွေ ဖြစ်ပွားနေသလို စစ်ပြေးဒုက္ခသည်တွေလည်း နေ့စဉ်လိုလို ပြေးလွှားနေရဆဲဆိုတာကို ကြည့်ခြင်းအားဖြင့် တိုက်ပွဲတွေ ရှိနေတုန်းပဲဆိုတာ ကျမတို့ ပြောလို့ရတယ်။ ခိုင်မာတဲ့ အပစ်အခတ် ရပ်စဲရေးဆိုင်ရာ ကျင့်ဝတ်တွေကို မလုပ်နိုင်သေးတဲ့အတွက် ကျမတို့ ကေအဲန်ယူနယ်မြေအတွင်းမှာလည်း အလားတူ ဖြစ်ပွားမှုတွေရှိသေးသလို မလိုက်နာမှုတွေလည်း ရှိပါတယ်။ ဒါကြောင့် ကချင်ပြည်နယ်ဘက် တိုက်ပွဲတွေ ဖြစ်ပွားနေဆဲအချိန်မှာ ကေအဲန်ယူတစ်ဖွဲ့တည်းဖြစ်စေ၊ ကေအဲန်ယူနှင့် အခြားအဖွဲ့တွေဖြစ်စေ သွားရောက် လက်မှတ်ရေးထိုးမယ်ဆိုရင် ကြီးမားတဲ့ စိုးရိမ်မှုတွေ ဖြစ်လာစေနိုင်ပါတယ်။ ဘာဖြစ်လို့လဲဆိုတော့ အရင်တုန်းက ကြုံတွေ့ခဲ့ရတဲ့ အဖြစ်အပျက်တွေအရ ကျမတို့ တိုင်းရင်းသားတွေကို တစ်ဖွဲ့ပြီးတစ်ဖွဲ့ အကွဲအပြဲဖြစ်အောင် လုပ်ဆောင်ခဲ့တာကို ကြည့်ခြင်းအားဖြင့် ဒီပုံစံအတိုင်းသာ ဆက်ပြီးဖြစ်မယ်ဆိုလို့ရှိရင် ကျမတို့ တိုင်းရင်းသားတွေအကြားမှာ အမြင်မတူညီတာတွေနဲ့ အကွဲအပြဲတွေ ဖြစ်လာစေပြီး တစ်ဖက်နဲ့တစ်ဖက် အမြင်မှားတာတွေလည်း ဖြစ်ပေါ်လာနိုင်ပါတယ်။
တိုင်းရင်းသားအဖွဲ့ အနည်းငယ်သာ သွားရောက်လက်မှတ်ရေးထိုးမယ်ဆိုရင် တနိုင်ငံလုံးအတွက် ငြိမ်းချမ်းရေးမဟုတ်သလို အပစ်အခတ် ရပ်စဲရေးအတွက်လည်း မဟုတ်သေးဘူးလို့ ကျမမြင်ပါတယ်။ ဒါကြောင့် တနိုင်ငံလုံး အပစ်အခတ်ရပ်စဲရေးကို ကျမတို့ သွားရောက်လက်မှတ်ရေးထိုးဖို့ ဆိုတာက တိုင်းရင်းသားအဖွဲ့တွေ အကုန်လုံး မပါဝင်သေးတာမို့ အခုအခြေအနေမှာ မဖြစ်နိုင်သေးသလို၊ ဖြစ်လည်းမဖြစ်သင့်သေးပါဘူး။ ဒါကြောင့် အားလုံးအကျိုးကျေးဇူးနဲ့ တိုင်းရင်းသားတွေ အကျိူးကျေးဇူးအ တွက် ကျမတို့ တိုင်းရင်းသားတွေအားလုံး အခြေအနေ အစစ်အမှန်ကို စောင့်ကြည့်ဖို့က သင့်တော်တဲ့ လမ်းကြောင်းတစ်ခုပဲလို့ ကျမအနေနဲ့ မြင်ပါတယ်။ အပစ်အခတ် ရပ်စဲရေးရယ်လို့ ကျမတို့ ပြောနေပြီဆိုရင် တနိုင်ငံလုံးမှာ အပစ်အခတ်တွေ အကုန်လုံး ရပ်စဲသွားမယ်။ ပြီးတော့ တနိုင်ငံလုံး သေနတ်သံတွေလည်း အကုန်လုံး တိတ်ဆိတ်နေရမှာ ဖြစ်ပါတယ်။ တနိုင်ငံလုံး အပစ်အ ခတ်ရပ်စဲရေးဖြစ်စေ၊ တနိုင်ငံလုံး ငြိမ်းချမ်းရေး တည်ဆောက်မှုမှာဖြစ်စေ၊ ကျမတို့ဘက်က စိတ်ရင်းစေတနာ အရင်းခံနဲ့ အားကြိုး မာန်တက် ကြိုးပမ်းလုပ်ဆောင်နေပါတယ်။ ဒါကြောင့် အခုကျမတို့ သွားနေတဲ့လမ်းကြောင်းကို အလဟဿ မဖြစ်စေချင်ဘူး။ ဘယ်အချိန် လုပ်ဆောင်ရမလဲ၊ ဘယ်အချိန်ပြီးစီးအောင် လုပ်ရမလဲဆိုတာကလည်း အချိန်အကန့်အသတ်နဲ့ သတ်မှတ်ထားတာ မရှိပါဘူး။ တိုင်းရင်းသားတွေအကုန်လုံး ပါဝင်ပြီး တနိုင်ငံလုံး အတိုင်းအတာကို တစ်ခါတည်း လက်မှတ်ထိုးသွားမှသာ တိုင်းရင်း သားတွေ အားလုံးအတွက် အာမခံချက်ဖြစ်သလို တနိုင်ငံလုံးအတွက်လည်း ဖြစ်ပါတယ်။
ကျမတို့ အမှန်တကယ် လိုလားတောင်းတနေတာက စစ်မှန်တဲ့ ငြိမ်းချမ်းရေးတည်ဆောက်နိုင်ဖို့။ ဒါကြောင့် အခု ခိုင်မာတဲ့ အပစ် အခတ်ရပ်စဲရေးကို ကျမတို့ တိတိကျကျနဲ့ တစ်ဆင့်ပြီးတစ်ဆင့် လျှောက်လှမ်းလုပ်ဆောင်သွားချင်ပါတယ်။ ဒါမှ ကျမတို့သွားနေ တဲ့လမ်းကြောင်းဟာ အကျိုးကျေးဇူးရှိပြီး ပြည်သူလူထုတွေအတွက် ယုံကြည်မှုတွေ သယ်ဆောင်လာနိုင်မှာ ဖြစ်ပါတယ်။ ကျမ တို့ အခု လုပ်ဆောင်နေတဲ့ အပစ်အခတ်ရပ်စဲရေးကို ပြည်သူတွေအတွက် ဘယ်လောက်အကျိုးကျေးဇူးရသလဲဆိုတာကို ကျမ တို့အနေနဲ့ အလေးထားစဉ်းစားဖို့ လိုအပ်လာပါတယ်။
အခု အစိုးရတောင်းဆိုတဲ့ နောက်တစ်ဆင့်တက်လှမ်းဖို့ ဆက်သွားမယ်ဆိုလို့ရှိရင် အရင်လုပ်ထားတဲ့ ပြည်နယ်အဆင့်၊ ပြည်ထောင်စုအဆင့် လက်မှတ်ရေးထိုးထားတာတဲ့ ကိစ္စရပ်တွေကို ပြီးစလွယ် လုပ်ဆောင်သလို ဖြစ်သွားမယ်။ အရင်က အစိုးရ နဲ့ သဘောတူညီထားတဲ့ ကတိက၀တ်တွေကို အခုထက်ထိ ဘာမှမလုပ်ရသေးဘဲ နောက်တဆင့် ဆက်သွားမယ်ဆိုရင် ကျမတို့ လုပ်ထားခဲ့တာတွေဟာ ဘာအကျိုးကျေးဇူးမှမရှိဘဲ အလဟဿ ဖြစ်သွားတာနဲ့ တူပါတယ်။ အဲဒါကြောင့် အခုအချိန်မှာ ကျမတို့ အဓိကထားပြီး စဉ်းစားလုပ်ဆောင်ရမှာ ဖြစ်ပါတယ်။
ကျင့်ဝတ်များကို လိုက်နာဆောင်ရွက်သင့်
အပစ်အခတ်ရပ်စဲရေး ကာလအတွင်း စစ်တပ်တွေ လိုက်နာရမယ့် ကျင့်ဝတ်စည်းကမ်းတွေကို လုပ်ဆောင်ဖို့ ကျမတို့ သဘော တူညီခဲ့တာကို မလုပ်ရသေးဘဲ နောက်တစ်ဆင့် တက်လှမ်းဖို့ မသင့်သေးပါဘူး။ ဥပမာ ပြန်ကြည့်မယ်ဆိုရင် ပထမအဆင့် ကျမ တို့ အပစ်အခတ်ရပ်စဲရေးတုန်းက ဆွေးနွေးခဲ့ရာမှာ တစ်ဖက်နဲ့တစ်ဖက် ယုံကြည်မှု တည်ဆောက်နိုင်ရေးအတွက် ကျမတို့ ကေအဲန်ယူနယ်မြေ ခရိုင်၊ တပ်မဟာတွေမှာ ၀င်ရောက်နေရာယူ လှုပ်ရှားနေတဲ့ အစိုးရစစ်တပ်တွေ ပြန်လည်နောက်ဆုတ်ပေးဖို့ တွေဟာ စစ်ရေးလှုပ်ရှားမှုရှိတဲ့နေရာတွေပဲ ဖြစ်တယ်။ စခန်းအသေ လာချထားတဲ့ စစ်တပ်တွေ မဟုတ်ဘူး။ ရှေ့တန်းစစ်မျက်နှာ ပြင်မှာ လာရောက်လှုပ်ရှားပြီး နယ်မြေလာရောက် တိုးချဲ့တဲ့အဖွဲ့နဲ့ စစ်တပ်စခန်းငယ်လေးတွေကို ဆိုလိုတာပါ။ ကျမတို့ တောင်း ဆိုတဲ့ “စစ်တပ်တွေ ပြန်လည်ဆုတ်ခွာပေးဖို့” ဆိုတာက တစ်ဖက်နဲ့တစ်ဖက် ယုံကြည်မှု တည်ဆောက်ဖို့အတွက်ပဲ ဖြစ်တယ်။
အဲဒီနေရာတွေဟာ ပြည်သူတွေ နေထိုင်ရာ၊ လုပ်ကိုင်စားသောက်တဲ့နေရာ၊ ကျေးရွာတွေ တည်ရှိတဲ့နေရာနဲ့ အများပြည်သူ ကိုး ကွယ်ယုံကြည်သက်ဝင်တဲ့ ဘာသာရေးအဆောက်အအုံတွေ ရှိတဲ့နေရာတွေဖြစ်တယ်။ ဒီကိစ္စတွေကို ၂၀၁၂ခုနှစ်၊ စက်တင်ဘာ လတုန်းက သူတို့ဆီကို ကျမတို့ အသေအချာ တင်ပြတောင်းဆိုခဲ့ပါတယ်။ ဒါကို အစိုးရဘက်က တစုံတရာ လုပ်ဆောင်တာ အခု ထိ မတွေ့ရသေးတာမို့ ဒီကိစ္စကို အရင်ပြီးအောင် ဆောင်ရွက်ဖို့ လိုပါတယ်။ ခိုင်မာတဲ့ အပစ်အခတ်ရပ်စဲရေးအတွက် အပစ်ရပ် နေစဉ်ကာလအတွင်း စစ်ဘက်ဆိုင်ရာ လိုက်နာရမယ့် ကျင့်ဝတ်စည်းကမ်းတွေကို စစ်တပ်အနေနဲ့ လိုက်နာဆောင်ရွက်ဖို့က အလွန် အရေးကြီးပါတယ်။

ပဒိုနော်စီဖိုးရာစိန်သည် ၂၀၀၈ခုနှစ်တွင် ကျင်းပခဲ့သည့် ၁၄ကြိမ်မြောက် ကေအဲန်ယူ ရွေးကောက်ပွဲတွင် အထွေထွေ အတွင်းရေးမှူးအဖြစ် ရွေးကောက်ခံရပြီး ၂၀၁၂ခုနှစ်၊ ဧပြီလနှင့် စက်တင်ဘာလအတွင်း အစိုးရနှင့် တွေ့ဆုံဆွေးနွေးရာ၌ ဦးဆောင်ပါဝင်ခဲ့သည်။ ၎င်းနောက် ၂၀၁၂ခု နှစ် ၁၅ကြိမ်မြောက် ကေအဲန်ယူ ရွေးကောက်ပွဲအပြီးတွင် ဒုဥက္ကဌအဖြစ် ထပ်မံ ရွေးကောက်ခံရသူ အမျိုးသမီးခေါင်းဆောင်တစ်ဦးဖြစ်သည်။

Friday, October 11, 2013

Posted by manphosan | File under :
DSC03239-1

အောက်တိုဘာ ၁၁ရက်၊ ၂၀၁၃ခုနှစ်။ စောညွှန့်သောင်း

စည်းလုံးညီညွှတ်ရေးကို ရှေးရှုပြီး ကရင်အမျိုးသားတစ်ရပ်လုံးအတွက် တစ်ခုတည်းသော ကရင်အမျိုးသား စာပေ ဖြစ်ပေါ်လာရန် မလွယ်ကူသေးကြောင်း ကရင်ပြည်နယ် ကရင်စာပေနှင့် ယဉ်ကျေးမှုကော်မတီ ဥက္ကဌ စောအေးမြတ်က ယမန်နေ့က ပြောကြား လိုက်သည်။
ဖားအံမြို့နယ်၊ ကြာအင်းပေါ်တော်မူ ဘုန်းတော်ကြီးကျောင်းတွင် အောက်တိုဘာ ၁၀ရက်နေ့က ဆရာတော်အရှင်ဆန္ဒသာရ ဦးစီး ပြုလုပ်သော ဒုတိယအကြိမ် စကောကရင် စာပေနှင့် ယဉ်ကျေးမှု အကြိုသင်တန်းဆင်းပွဲအခမ်းအနား စောအေးမြတ်က ထိုသို့ ပြောကြားခဲ့ခြင်းဖြစ်သည်။
“တစ်ခုတည်းသော စာပေဖြစ်ဖို့ ကရင်လူထုတွေက ဆန္ဒရှိကြပါတယ်။ ဒါပေမယ့် ကရင်အမျိုးသားတွေကြားမှာ သာဘာစကားနဲ့ ကိုးကွယ်တဲ့ ဘာသာတွေ ကွဲပြားခြားနာမှု အများကြီးရှိတယ်။ နောက် လက်ရှိ ကရင်မျိုးနွယ်စုတွေဟာ ဒေသအလိုက် သူ့နည်း သူ့ဟန်နဲ့ စာပေတွေရှိတဲ့အတွက် တစ်ခုတည်းဖြစ်အောင် လုပ်ဖို့ မလွယ်သေးပါဘူး”ဟု စောအေးမြတ်က ကေအိုင်စီသို့ ပြော သည်။
တစ်မျိုးသားလုံး လက်ခံနိုင်မည့် ကရင်စာပေကို တီထွင်ရန်ဖြစ်စေ၊ ရှိနှင့်ပြီး ကရင်စာပေတစ်ခုခုကို အတည်ပြုရန်ဖြစ်စေ အခက် အခဲရှိကြောင်းနှင့် လုပ်ဆောင်မည်ဆိုပါကလည်း ကရင်ဒေသအားလုံးသို့ ကွင်းဆင်းကာ လူထု၏ ဆန္ဒသဘောထားများကို ကောက်ခံရမည်ဖြစ်သလို သက်ဆိုင်ရာ ကရင်စာပေခေါင်းဆောင်များနှင့်လည်း တွေ့ဆုံညှိနှိုင်းရမည်ဖြစ်၍ အချိန်ယူဦးမည်ဖြစ် ကြောင်း သူက ဆက်ပြောသည်။
တစ်ခုတည်းသော ကရင်စာပေဖြစ်ပေါ်လာနိုင်ရေးနှင့် ပတ်သက်၍ ၎င်းစကောကရင်စာပေနှင့် ယဉ်ကျေးမှု အကြိုသင်တန်းမှ သင်တန်းမှူးတစ်ဦးဖြစ်သူ စောဆာ့စပေါ်က “ကရင်စာပေကို တစ်ခုတည်း အတည်ထားဖို့ဆိုရင် အင်မတန်ကောင်းတဲ့ အရာပါ။ လောလောဆယ် အဲဒါတွေ မလုပ်နိုင်သေးခင်မှာ ကရင်စာပေတစ်ခုခုတော့ တတ်သင့်တယ်။ ဒါကြောင့် ဒီသင်တန်းကို ဖွင့်ရတာ ပါ”ဟု ကေအိုင်စီသို့ ပြောသည်။
ထိုစကောကရင် စာပေနှင့် ယဉ်ကျေးမှု အကြိုသင်တန်းဆင်းပွဲတွင် ပြည်နယ်လွှတ်တော်ကိုယ်စားလှယ်နှင့် ကရင်စာပေနှင့် ယဉ်ကျေးမှုအဖွဲ့၊ သံဃာတော်များ၊ သင်တန်းသူ သင်တန်းသားများ အပါအ၀င် ဒေသခံစုစုပေါင်း လူ ၃၀၀ကျော် တက်ရောက်ခဲ့ ကြသည်။
မွန်ပြည်နယ်၊ ကျိုက်ထိုမြို့နယ်မှ ကရင်စာပေ၊ ယဉ်ကျေးမှုသင်တန်းကို တက်ရောက်သင်ကြားသည့် စောသန်းထွေးက “ကျနော် က မွန်ပြည်နယ်မှာနေတော့ ကရင်အကြောင်းအရာတွေကို ဒီသင်တန်းတက်ရောက်မှပဲ သိရတယ်။ ပထမဦးဆုံးအကြိမ် ကရင် စာကို သင်ကြားခွင့်ရတာပါ။ ကရင်စာပေတစ်ခုတည်း ဖြစ်ပေါ်လာနိုင်ရင်တော့ ပိုကောင်းတယ်”ဟု စောသန်းထွေးကပြောသည်။
DSC03234
ဒုတိယအကြိမ် စကောကရင် စာပေနှင့်ယဉ်ကျေးမှု အကြိုသင်တန်းတွင် မွန်ပြည်နယ် ဘီးလင်မြို့နယ်၊ ကျိုက်ထုံမြို့နယ်၊ ပေါင်မြို့ နယ်နှင့် ကရင်ပြည်နယ် လှိုင်းဘွဲ့မြို့နယ်၊ ဖားအံမြို့နယ်များရှိ ရွာပေါင်း ၄၆ရွာမှ ကရင်လူငယ်မောင်မယ် ၄၉ဦး တက်ရောက်သင် ကြားခဲ့ကြသည်။
ယခုပြုလုပ်သည့် စကောကရင် စာပေနှင့်ယဉ်ကျေးမှု အကြိုသင်တန်းမှာ ကရင်စာပေနှင့် ဘာသာစကားများ မပျောက်ပျက်ရန် ရည်ရွယ်ဖွင့်လှစ်ခဲ့ခြင်းဖြစ်ပြီး တစ်လသင်၊ တစ်လနားဖြင့်သင်ကြားကာ လာမည့်လများ၌ ဆက်လက်ဖွင့်လှစ်သွားမည့် သင်တန်း တွင် ယခင်ထက် ပိုမိုတက်ရောက်သင်ကြားနိုင်ရန် လုပ်ဆောင်သွားမည်ဟု သင်တန်းမှူး စောဆာ့စပေါ်က ပြောသည်။
Posted by manphosan | File under :

အံ့ခေါင်မင်း (မြန်မာသံတော်ဆင့် သတင်းစာ)

လူထုဘက် မရပ်တည်တဲ့  . . . ပြည်နယ် ၀န်ကြီးချုပ်ကိုတော့ တို့ပြည်သူတွေ ဒီအတိုင်းထားလို့မရဘူး

အကျင့်ပျက်ခြစား ခရိုနီနှင့်ပေါင်းထားတဲ့ အစိုးရမျိုး၊  ကရင်ပြည်နယ် အစိုးရမျိုးကိုတော့ လုံးဝ မကြိုက် မနှစ်သက်တဲ့အပြင် ဒီအစိုးရကို ရှုတ်ချတယ် . . .

ကရင်ပြည်နယ်အတွင်း လတ်တလော ဖြစ်ပေါ်လျက်ရှိသော ပြည်နယ် အစိုးရနှင့် လူထုကြား ပြဿနာရပ်များ အပြင် ပြည်နယ်အစိုးရ၊ ပြည်ထောင်စု အစိုးရတို့၏ ဆောင်ရွက်ချက်များ၊ ပြည်ထောင်စု အစိုးရ၏ ငြိမ်းချမ်းရေး ဖော်ဆောင်နေမှု လုပ်ငန်းစဉ်များ အပေါ်တွင် ကရင်ပြည်နယ် ငြိမ်းချမ်းရေး သြ၀ါဒါစရိယ ဖြစ်သော တောင်ကလေး ဆရာတော် အဂ္ဂမဟာသဒ္ဓမ္မ ဇောတိကဓဇ အရှင်ပညာသာမိ မထေရ်ထံ သွားရောက် လျှောက်ထား မေးမြန်း ခဲ့သည်များကို ဖော်ပြ အပ်ပါသည်။
တောင်ကလေး ဆရာတော် အရှင်ပညာသာမိသည် ကရင်ပြည်နယ် အတွင်း တိုင်းရင်းသား လက်နက်ကိုင် တပ်ဖွဲ့များ၊ အစိုးရ လက်နက်ကိုင် တပ်ဖွဲ့များ၏ ယုံကြည် ကိုးကွယ်မှုကို ရရှိထားသူဖြစ်ပြီး ယခင်အစိုးရ လက်ကလည်း နိုင်ငံ အကြီးအကဲများ၏ ယုံကြည် ကိုးကွယ်မှုကို အထူးရရှိခဲ့သဖြင့် ဆရာတော်၏ သုံးသပ် ပြောကြားမှုများသည် ကရင်ပြည်နယ်၏ အခြေအနေ၊ အစိုးရအဖွဲ့၏ နိုင်ငံရေး ဆောင်ရွက်မှု၊ ငြိမ်းချမ်းရေး ဆောင်ရွက်မှုတို့ကို လက်တွေ့ကျကျ ရှုမြင် သုံးသပ်ထားသည်။
ပြည်နယ်မှာ လက်ရှိဖြစ်နေတဲ့  ဘားအံမြို့မ အားကစားကွင်း ကိစ္စရပ်အပေါ် ဆရာတော့် သဘောထားကို မိန့်ကြားပေးပါဘုရား။
ကရင်ပြည်နယ် အစိုးရမှာ တာဝန်ရှိတယ်။ ကရင်ပြည်နယ် အစိုးရ တစ်ရပ်လုံးမှာ တာဝန်ရှိတယ်။ ကရင်ပြည်နယ် အစိုးရရဲ့ လုပ်ဆောင်ချက်ဟာ လူထုကို မလေးစားဘူး။ လူတွေကို မလေးစားတဲ့ အတွက် သူတို့ကိုလည်း လူတွေက မလေးစားဘူး။ ဖွဲ့စည်းပုံ အခြေခံဥပဒေမှာ နိုင်ငံတော်နှင့် ပတ်သက်လာပြီဆိုရင် နိုင်ငံသားမှာ အခွင့်အရေး ဆိုတာ ရှိရမယ်။ မဟုတ်ရင် ဒီနိုင်ငံသား အခွင့်အရေးကို ဆုံးရှုံးအောင် လုပ်တာပဲ။ …
မြို့မဘောလုံးကွင်းက တော်တော်လေးကို သမိုင်းဝင်တဲ့ နေရာ။ ၁၉၂၀ ပြည့်နှစ် ကာလတုန်းက စတင်ခဲ့တဲ့ နေရာ။ ဒီနေရာသည် ဆရာတော်တို့ ကရင်ပြည်နယ်မှာ အထင်ကရ ဘောလုံးကွင်းကြီးပါ။ ဒီ ဘောလုံးကွင်းရဲ့ အခြေအနေဟာ သမိုင်းနဲ့ပြောရင် တော်တော် အရေးကြီးတဲ့နေရာ တွေပါ။ ကရင်ပြည်နယ် အစိုးရက ဒီလိုမျိုး ဆောင်ရွက် လိုက်လို့ ခွင့်ပြုလိုက်လို့ ဒီလို ဖြစ်လာတာကို ပြည်သူတွေက လက်မခံဘူးဆိုရင် ပြည်နယ် အစိုးရမှာ တာဝန်ရှိတယ်။ ပြည်သူလူထုကို ဂရုမစိုက်တဲ့ အတွက်ကြောင့် တစ်ဖက်သတ် ဖြစ်တဲ့ ခရိုနီတွေ အားကိုးတဲ့ ဒီအစိုးရကို ဖြုတ်ကို ဖြုတ်ချပစ်ရမယ်။ ဒီအစိုးရကို လူထုတွေကို ဒါကို လုပ်စရာရှိတာ ဆက်လုပ် ရမှာပဲ။ ဒီအတိုင်း ထားလို့တော့ မရဘူး။
တချို့ အစိုးရအဖွဲ့ ၀န်ကြီးတွေကတော့ ဒီပြည်သူတွေရဲ့ ဆန္ဒကို လိုက်လျောချင်တယ်လို့ သိရပါတယ် ခင်ဗျ။ သူတို့က ၀န်ကြီးချုပ်ကို ကြောက်ပြီးတော့ ဘာမှ မပြောရဲဘူးလို့ သူတို့ အစိုးရအဖွဲ့ အတွင်းကနေ ကြားရ ပါတယ်။
ကရင်ပြည်နယ် ၀န်ကြီးချုပ်က ဆရာတော်တို့ အတွင်းရေး ပတ်သက်တာတွေ ရှိပါတယ်။ ဒါပေမဲ့ အတွင်းရေးကို မပြောလိုပါဘူး။ လက်ရှိ ကရင်ပြည်နယ် အစိုးရက လူထုကို လုံးဝ ဂရုမစိုက်တဲ့အပြင်၊ ကိုယ်ကျိုး အတွက် ပိုပြီးတော့ အသုံးပြု လာတဲ့အပြင် မည်သူ့ကိုမျှ ဂရုမစိုက်ဘူး ဆိုတဲ့ စရိုက်က တော်တော်လေးကို ဆိုးတယ်။ အထူးသဖြင့် ပြည်နယ် ၀န်ကြီး အဖွဲ့ထဲက တခြားသော အထွေထွေ အုပ်ချုပ်ရေး ဌာနတွေက ပြည်သူဘက်မှာ ရပ်တည်လိုတဲ့ ဆန္ဒလေးတွေ ရှိပါတယ်။ သံဃာတော်တွေကိုလည်း ကတိပေးခဲ့တာတွေ ရှိပါတယ်။ အဲဒီပေးခဲ့ တဲ့ ကတိတွေကို နောက်ဆုံးတော့ ကရင်ပြည်နယ် ၀န်ကြီးချုပ်က သစ္စာဖောက်ပါတယ်။
သူကိုယ်တိုင်က  ပြည်သူတောင်းဆိုလို့ ပိတ်ထားတာကို ကွင်းဆင်းပြီးတော့ကို ဒါကို ပြန်ဖွင့်ပေးတယ်။ ခုလို လူထုဘက် မရပ်တည်တဲ့၊ စီးပွားရေးသမားဘက်ကို ရပ်တည်တဲ့ ပြည်နယ် ၀န်ကြီးချုပ်ကိုတော့ တို့ပြည်သူတွေ ဒီအတိုင်း ထားလို့မရဘူး။ လုပ်စရာ ရှိတာတော့ လုပ်ရမှာပဲ။
ဆရာတော့် အနေနှင့် ပြည်သူတွေက ဘယ်လိုမျိုး လုပ်သင့်တယ် မိန့်ကြားပါဦးဘုရား။
ပြည်သူ့ကိုယ်စားလှယ် မဟုတ်တဲ့ တပ်မတော် ကိုယ်စားလှယ်ကပဲ ဖြစ်ဖြစ်ပေါ့။ ၀န်ကြီးချုပ် တစ်ယောက် ဖြစ်လာပြီ ဆိုကတည်းကိုက ပြည်သူက မကြိုက်ရင် နုတ်ထွက်။ ဒါဖြစ်သင့်တယ်။ ပြည်သူက မကြိုက်တာ သိရဲ့သားနဲ့ ဒီအတိုင်းပဲ လျစ်လျူရှုပြီး နေနေတာ ဆရာတော့် အနေနဲ့တော့ လုံးဝ မကြိုက်ဘူး။  သမ္မတကြီး ကိုယ်တိုင်က သူကိုယ်တိုင် ခန့်ထားတဲ့ပုဂ္ဂိုလ် ဒီလောက် ဆိုးပေနေတာ မသိဘဲ ဟန်ဆောင်ပြီးနေတာ သမ္မတကြီးလည်း ကရင်ပြည်နယ် ၀န်ကြီးချုပ်နှင့် စေတနာ တူတယ်လို့ ဆရာတော်တို့ ယူဆတယ်။  သူ့လူကို သူမနိုင်တော့ ပြည်သူတွေ တော်တော်လေး ဆူဆူပူပူ ဖြစ်လာပြီပေ့ါ။ ဒီ့ထက်မက ပြည်သူ တွေက ဆူပူအုံကြွ ဖြစ်လာမယ် ဆိုရင် အမှန်ကတော့ ဒီလို မဖြစ်သင့်ဘူး။
ပြည်နယ် ၀န်ကြီးချုပ်က ကရင်ပြည်နယ် တစ်ခုလုံးရဲ့ အထွတ်အထိပ် ပုဂ္ဂိုလ်ဆိုတော့ ကရင်ပြည်သူ ပြည်သားနှင့်တကွ ကရင်ပြည်နယ်မှာ ရှိတဲ့ လူထုတွေအားလုံးကို သူလေးစားသင့်တယ်။ သူမလေးစားပဲနဲ့ စီးပွားရေးသမားပဲ လေးစားမယ်ဆိုရင် ပြည်နယ် ၀န်ကြီးချုပ်ဟာ အလကားပဲ။ သမ္မတလူ၊ သမ္မတက ပြန် မရုပ်သိမ်းဘူးဆိုရင် ပြည်သူပဲ လုပ်စရာရှိတာ လုပ်ရမှာ သေချာတယ်။
ဆန္ဒထုတ်ဖော်မှု၊ ဆန္ဒပြရင် ပြည်သူကို ခွင့်မပြုဘဲ အရေးယူနိုင်တဲ့ ပုဒ်မ ၁၈၊ ပုဒ်မမျိုးတွေက ရှိနေတဲ့ အခါကျတော့ ပြည်သူ့ လိုအင်ဆန္ဒလည်း ပြည့်ဝအောင် ပြည်သူလည်း ဘေးဥပဒ် မဖြစ်အောင် လုပ်ဆောင် နိုင်တဲ့ဟာမျိုး ရှိရင်တော့ လမ်းညွှန် ပေးပါဦးဘုရား။
ဆရာတော်တို့က အကျင့်ပျက်ခြစား ခရိုနီနှင့် ပေါင်းထားတဲ့ အစိုးရမျိုး၊ ကရင်ပြည်နယ် အစိုးရမျိုးကိုတော့ လုံးဝမကြိုက် မနှစ်သက်တဲ့အပြင် ဒီအစိုးရကို ရှုတ်ချတယ်။ နောက်တစ်ခု ရှိတာက ဆန္ဒပြလို့ ပြည်သူတွေကို အရေးယူ ဆောင်ရွက်မယ် ဆိုရင် ပြည်သူတွေက ပြန်အရေးယူ ဆောင်ရွက်တဲ့ ဒီအစိုးရကို အရေးယူ ဆောင်ရွက်နိုင်တဲ့ နည်းဥပဒေတွေ ရှိပါတယ်။ ပြစ်မှုဆိုင်ရာ ဥပဒေနဲ့ ဆရာတော်တို့နဲ့ တွေ့ကြသေးတာပေ့ါ။
ဒီအစိုးရကို နည်းဥပဒေဖြင့် စီစဉ် ဆောင်ရွက် နိုင်ပါတယ်။ ပြည်သူတွေဘာမှ အားငယ်စရာ၊ အားနည်းစရာ မလိုပါဘူး။ အကြမ်းဖက်ခြင်းကတော့ ကောင်းတဲ့ အလုပ် မဟုတ်တော့ ပြည်သူ့ဘက်ကို မရပ်တည်တဲ့၊ ခရိုနီဘက်ကို ရပ်တည်တဲ့၊ အားပေးနေတဲ့ ဒီလို အစိုးရကို ဆရာတော်တို့ကတော့ အကြမ်းမဖက်ခြင်း ပုံစံနှင့် ဒီအစိုးရကို အမြစ်ပြုတ်အောင် တိုက်ဖို့ သို့မဟုတ် အမြစ်ပြုတ်အောင် နည်းလမ်းတွေ လုပ်ရမှာပဲ။
၂၀၁၁ က ၂၀၁၃ ကို ၂နှစ်ခွဲ ကျော်သွားပြီပေ့ါဘုရား။ သမ္မတကြီး ဦးသ်ိန်းစိန် ကလည်း လစဉ်လတိုင်း ပြည်သူကိုပြောတဲ့ ရေဒီယို မိန်းခွန်းတွေမှာ ဒီမိုကရေစီ၊ လူ့အခွင့်အရေး တိုးတက်အောင် ဘယ်လိုတွေ လုပ်နေပါတယ်။ အဲလိုပဲ ပြည်ထောင်စုဝန်ကြီး၊ လွှတ်တော်ဥက္ကဋ္ဌတွေလည်း  ဒီမိုကရေစီ စကား တွင်တွင် ပြောကြားနေတယ်။ ဒီလိုအချိန်မှာ ကရင်ပြည်နယ်မှာ ဒီလိုဖြစ်နေတဲ့ အစိုးရရဲ့တစ်ဖက် စောင်းနင်း ဆောင်ရွက်မှုတွေလည်း ရှိနေတော့ မြန်မာနိုင်ငံရဲ့ အခြေအနေကို ဆရာတော့် အနေနှင့် ဘယ်လို သုံးသပ် မိပါသလဲ။
တိုင်းရင်းသားတွေက အစိုးရ အဖွဲ့အစည်းတွေကို သည်းခံနေရတဲ့ သဘောတွေပါ။ တိုင်းရင်းသား ပြည်သူလူထုတွေက အစိုးရကို သည်းခံပေးရတဲ့ သဘောတရား  တကယ်တမ်းတော့ စီးပွားရေး ပြုပြင်ပြောင်း လဲနေပါတယ်။ ငြိမ်းချမ်းရေး အကောင်အထည် ဖော်နေပါတယ် ဆိုကြပေမယ့် ငြိမ်းချမ်းရေးလည်း ဟုတ်တိပတ်တိ အောင်မြင်လာတာ မရှိပါဘူး။ စီးပွားရေးလည်း ဘာမှ မအောင်မြင်တဲ့အပြင်ကို ဘာဆိုဘာမှ မအောင်မြင်ပါဘူး။
နိုင်ငံရေး ပြုပြင် ပြောင်းလဲတယ်ဆိုတာ ဘာတွေ ပြုပြင် ပြောင်းလဲနေတာလဲ။ ဒီမိုကရေစီနိုင်ငံ ပြုပြင်ပြောင်းလဲ နေတာလား။ လူထုနိုင်ငံရေး ပြုပြင်ပြောင်းလဲ နေတာလား။ လူမှုဘ၀ ယဉ်ကျေးမှုကို ပြုပြင်ပြောင်းလဲ နေတာလား။ ဘာယဉ်ကျေးမှုကို ပြုပြင်ပြောင်းလဲ နေတာလဲ။ ဘာတစ်ခုမှ မပြောင်းလဲနိုင်ပါဘူး။ မပြောင်းလဲတဲ့အပြင်  ပြည်နယ် ဒုက္ခဖြစ်နေတယ်ဆိုတော့ အစိုးရ လုပ်ဆောင်ချက်တွေက ဘာမှ အသိအမှတ် ပြုစရာမရှိဘူး။ ရှင်းရှင်း ပြောရရင်တော့ ပြည်ထောင်စု အစိုးရ လုပ်ဆောင်တဲ့ အစီအစဉ် တွေဟာ ကြွားလုံး ထုတ်ပြီးတော့ နိုင်ငံတကာမှာ လိမ်စားတာပါပဲ။
ဗဟိုအစိုးရနဲ့ ပြည်နယ် အစိုးရတွေ အာဏာ ခွဲဝေမှုမှာ တချို့ဆိုရင် ပြည်နယ် အစိုးရက ကောင်းကောင်းမွန်မွန် လုပ်နေပေမယ့် လုပ်ခွင့်မရှိလို့ အာဏာခွဲဝေမှု မညီမျှလို့ဆိုပြီး ဖြစ်နေတာမျိုးတွေ ရှိပါတယ်ဘုရား။
အာဏာခွဲဝေမှုနှင့် ပတ်သက်လာပြီ ဆိုရင်တော့၂၀၀၈ ဖွဲ့စည်းပုံ အခြေခံဥပဒေ ဇယား ၂အရ ပြည်နယ်တိုင်း အစိုးရတွေကို ပေးထားတဲ့ အာဏာ သို့မဟုတ် လုပ်ပိုင်ခွင့်က ဘာမှမရှိဘူး။ဘာမှမရှိတဲ့ အဆင်အပြေဆုံးလို့ အာဏာမျိုးဆိုတော့ အစိုးရ တစ်ရပ်ရယ်လို့ ဘယ်လိုမှ လုပ်ဆောင်လုိ့ မရဘူး။ အားလုံး နေရာတိုင်းမှာ ပြည် ထောင်စု အစိုးရချည်းပဲ ချုပ်ကိုင်ထားတာ ဖြစ်တဲ့အတွက် အာဏာခွဲဝေမှုမှာ အာဏာ ခွဲဝေတယ်လို့ မခေါ်ဘူး။ ဘာနှင့်တူသလဲ ဆိုလို့ရှိရင် အာဏာရယူမှုနှင့်ပဲ တူနေပါတယ်။ အာဏာခွဲဝေမှုက ပြည်ထောင်စုက အများကြီး ယူထားပြီးတော့ ပြည်နယ်နှင့် တိုင်း အစိုးရတွေက ဘာမှ သုံးစားလို့ မရတဲ့အဆုံး ဖြစ်နေတယ်။ အဲလို ပြန်လည် စဉ်းစား ကြည့်မယ်ဆိုရင် တိုင်းအစိုးရတွေကို ကိုယ်ပိုင် အုပ်ချုပ်ခွင့်ရ အစိုးရတွေကို တော်တော်လေး သနားစရာ ကောင်းပါတယ်။ အဲဒီ ဥပဒေကို အဲဒီအတိုင်းသာ ထားမယ်ဆိုရင် ဆရာတော်တို့ မြန်မာပြည်ဟာ ဘာမှ သုံးလို့မရဘူး။
ဘားအံမြို့မကွင်း ကိစ္စဟာ စတင်ပြီးတော့ ဖြစ်ပေါ်တာ ၁၉၉၀က DKBA ကို အဲဒီအချိန်တုန်းက တာဝန်ရှိတဲ့ ပုဂ္ဂိုလ်ကြီးက ပေးအပ် လိုက်တာက စတာပေ့ါဘုရား။ DKBA ကနေပြီးတော့ အဆင့်ဆင့် လွှဲပြီးတော့ လေး၊ ငါးဆင့် လောက် ပြောင်းပြီးတော့ အခုလို အခြေအနေမျိုးအဖြစ် ပေါ်ပေါက် လာတဲ့ အခါကျတော့ ကရင်ပြည် နယ်ရဲ့ငြိမ်းချမ်းရေး သြ၀ါဒဆရာတော် တစ်ပါးအနေနှင့် မိန့်ကြားပေးပါဦး ဘုရား။
ကရင်ပြည်နယ် မြို့မ ဘောလုံးကွင်းဟာ တန်ဖိုး ထားရမယ့် နေရာဖြစ်ပေမယ့် အဲဒီအချိန်ခါ ကာလတုန်းက အဖွဲ့အစည်း တစ်ခုရဲ့ မိသားစုအတွက် ဆိုပြီးတော့ကို ပေးခဲ့တာက ပိုဆိုးတယ်။ ဒါက တပ်မတော် အစိုးရ တစ်ရပ်လုံးကို မျက်နှာပြောင်ပြောင်နှင့် ဖျက်ဆီးလိုက်တာ။ ဒါကလည်း ပြည်နယ်တိုင်းမှာ တကယ့်ဖြစ်နေတဲ့ ကိစ္စတွေကို အဲဒီအချိန်က နိုင်ငံတော် အကြီးအကဲတွေက ဒါမပေးသင့်၊ မပေးအပ်၊ မပေးထိုက်တဲ့ ပစ္စည်း တစ်ခုကို လုပ်နေတာကနေ စတာ။ အဲဒီတည်းက လူထုတွေက မကျေနပ်ဘူး။ ဒါပေမဲ့ ပြောလို့မရဘူး။
ဘာလို့မရလဲ ဆိုတော့  တိုင်းပြည်က တပ်မတော် အစိုးရက အုပ်ချုပ်ထားတယ်ဆိုတော့ တစ်မိန့်၊ တစ်သြဇာ၊ တစ်အာဏာ၊ အာဏာစက်က လွှမ်းမိုးထားတဲ့ အခါကျတော့ ဘယ်သူမှ မပြောဘူး။ ငြိမ်ဝပ်ပိပြား ကာလ အလျောက် တော်တော်လေးကို ခံထားရသလို အေးချမ်းသာယာရေး တစ်ခေတ်တစ်ခါလည်း တော်တော် လေး ခံစား ခဲ့ရပါတယ်။ ဒါတွေဟာ မဖြစ်သင့်၊ မဖြစ်ထိုက်၊ မဖြစ်အပ်တဲ့ အခြေအနေတွေကို အဲဒီအချိန် ကာလက အုပ်ချုပ်မှု လုပ်ဆောင်ချက်ကြောင့် အမှားတွေက ပြည်သူတွေ အခု ခံစားနေရတယ်။ ဒီနေ့ထိ ဆရာတော်တို့ တိုင်းပြည်က ခံစားနေရတယ်။

 

Posted by manphosan | File under :

လင်းယုန် / ကျော်စိုးဦး (မြန်မာသံတော်ဆင့် သတင်းစာ)

ဘားအံမြို့မအားကစားကွင်းမြေပေါ် ဟိုတယ်ဆောက်လုပ်မှုခွင့်ပြုသည့် ပြည်နယ်အစိုးရအပေါ် လူထုမှ ပြင်းထန်စွာကန့်ကွက်ရှုံ့ချ အားကစားကွင်းမြေ ပြန်လည်ရရှိရေး ပြည်သူ့ဆန္ဒနှင့် ဆောင်ရွက်သွားမည် လူကြီးတွေက ကရင်ပြည်နယ် အကျိုးစီးပွားအတွက် ဟိုတယ် ဆောက်လုပ်ခွင့် ပေးထားတယ်လို့ ပြောခဲ့ပါတယ် အဲဒီအဖြေက ကရင်လူထု တစ်ရပ်လုံး လက်မခံ နိုင်တဲ့စကားပါ …
13
ဘားအံ၊ အောက်တိုဘာ ၆
ကရင်ပြည်နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်နန်းစေအွာ၊ အမျိုးသား လွှတ်တော် ကိုယ်စားလှယ် ဦးစောအောင်ကျော်နိုင်၊ အမျိုးသား လွှတ်တော် ကိုယ်စားလှယ် ဦးမန်းကံညွန့် တို့၏ အောက်တိုဘာ ၆ ရက်က ဘားအံမြို့မ အားကစားကွင်းရှိ အာဇာနည် ကျောက်တိုင် ရှေ့တွင် ပြုလုပ်သော လွှတ်တော် ကိုယ်စားလှယ် အတွေ့အကြုံ ရှင်းလင်းပွဲ၌ တက်ရောက် လာသည့် ရဟန်း သံဃာများ၊ လွှတ်တော် ကိုယ်စားလှယ်များ၊ ပြည်သူ လူထုများက ယင်း ဘားအံမြို့မ အားကစားကွင်း မြေပေါ်တွင် မြဌေးကြွယ်လင်း ကုမ္ပဏီ အမည်ခံကာ ဟိုတယ် ဆောက်လုပ် နေခြင်း အပေါ် ကန့်ကွက်သည့် ကိစ္စရပ် များကိုသာ အဓိက ပြောကြားမှု ပြုခဲ့ကြပြီး ပြည်နယ်တွင်း ရဟန်း သံဃာများနှင့် ပြည်သူလူထု ကန့်ကွက် နေသည့်ကြားမှ ဟိုတယ် ဆောက်လုပ် ခွင့်အား ဆက်လက်ခွင့် ပြုခဲ့သော ကရင်ပြည်နယ် အစိုးရ အဖွဲ့နှင့် ၀န်ကြီးချုပ် တို့ကို ပြင်းထန်စွာ ကန့်ကွက် ရှုတ်ချကြခြင်း၊ အားကစားကွင်း မြေပြန်လည် ရရှိရန် ကြိုးပမ်းမှုများ မအောင်မြင်၍ ယခုမှ စတင်၍ ဥပဒေဘောင် အတွင်းမှ ပြည်သူ့ ဆန္ဒနှင့် အညီ ကန့်ကွက်မှုများ ပြုလုပ် ဆောင်ရွက် သွားတော့ မည်ဖြစ်ကြောင်း ဆုံးဖြတ်ချက်များ ချမှတ်ခဲ့ကြသည်။ …
ဘားအံ မြို့မ အားကစား ကွင်းသည် လွန်ခဲ့သည့် ၂၀၀၀ ခုနှစ် အတွင်း ကပင် ယင်းအချိန်က အစိုးရ တာဝန်ရှိ သူများက အစိုးရ စီမံခန့်ခွဲ ပိုင်ခွင့်ရှိ မြေဖြစ်သည် ဟုဆိုကာ အစိုးရ အဖွဲ့နှင့် ငြိမ်းချမ်းရေး ဆောင်ရွက် မှုပြုလုပ် ခဲ့သော DKBA ကရင်တိုင်းရင်းသား လက်နက်ကိုင် တပ်ဖွဲ့၏ မြိုင်ကြီးငူ အထူးဒေသ၊ မြဌေးကြွယ် ကုမ္ပဏီ လီမိတက်ထံ ခေတ်မီ ကုန်တိုက်နှင့် ဟိုတယ်ဆောက် လုပ်ရန် လွှဲပြောင်း ပေးခဲ့သည်။
သို့သော် ယင်းကုမ္ပဏီမှ ဆောင်ရွက် နိုင်ခဲ့ခြင်း မရှိဘဲ အဆင့်ဆင့် လက်လွှဲရောင်း ချမှုများ ပြုလုပ်ခဲ့ရာ ၂၀၀၇ ခုနှစ်တွင် တစ်ကြိမ်၊ ၂၀၁၁ ခုနှစ်တွင် တစ်ကြိမ် ပြုလုပ် ခဲ့ကြသည်။ ထိုသို့ အဆင့်ဆင့် လက်လွှဲ ရောင်းချ ရာတွင် မြေတန်ဖိုးမှာ ကျပ်သိန်းပေါင်း သောင်းဂဏန်း ကျော်အထိပင် ဈေးနှုန်း ရှိခဲ့သည်။ ၂၀၁၂ ခုနှစ် နိုဝင်ဘာ က ပြည်သူ့လွှတ်တော် ဥက္ကဋ္ဌ သူရဦးရွှေမန်း၏ ကရင်ပြည်နယ် ခရီးစဉ်တွင် အမျိုးသား လွှတ်တော် ကိုယ်စားလှယ် ဦးစောအောင် ကျော်နိုင်က အာဇာနည် ကျောက်တိုင်တည် ရှိသည့် အားကစားကွင်းနှင့် ပတ်သက်၍ ဖြစ်ပေါ် နေသည် များကို တင်ပြခဲ့ရာ ပြည်ထဲရေး ၀န်ကြီးဌာနက စိစစ် တွေ့ရှိပြီးနောက် အစိုးရ စီမံခန့်ခွဲ ပိုင်ခွင့်ရှိသော မြေအဖြစ် ပြန်လည် သိမ်းယူရန် ၂၀၁၂ ခုနှစ် ဒီဇင်ဘာတွင် ပြည်နယ် ၀န်ကြီးချုပ်ထံ အကြောင်း ကြားမှု ပြုလုပ်ခဲ့သည်။ သို့သော် ထိုအချိန်က လက်ဝယ် ပိုင်ဆိုင် ထားသော ငွေမိုးဟိုတယ် ပိုင်ရှင် ဦးမိုးကျော် ဖြစ်သော်လည်း မြဌေး ကြွယ်ကုမ္ပဏီမှ ယခုအချိန်တွင် ပြောင်းလဲ တိုးတက်လာသော အခြေအနေ များအရ ခေတ်မီ ကုန်တိုက်နှင့် ဟိုတယ်များတည် ဆောက်ရန်ဟုဆိုကာ ၂၀၁၃ ခုနှစ် မတ်လ အတွင်း ပြည်နယ် ၀န်ကြီး ချုပ်ထံ လိပ်မူ၍ ထောက်ခံချက် ပေးရန် တင်ပြခဲ့ရာ ခွင့်ပြုချက် ရရှိခဲ့ပြီး ဟိုတယ် တည်ဆောက်မှုများကို ယခုအချိန် အထိ ပြုလုပ်နေခြင်း ဖြစ်သည်။ ယင်းအပေါ်တွင် ပြည်နယ်တွင်းရှိ ရဟန်း သံဃာများနှင့် ပြည်သူလူထုက ကော်မတီများ ဖွဲ့စည်းကာ ဟိုတယ် တည်ဆောက်မှု ရပ်တန့်ရေး အတွက် အစိုးရနှင့် လွှတ်တော် များသို့ မေတ္တာရပ်ခံစာ ပေးပို့ တောင်းဆို မှုများ ပြုလုပ်ခဲ့သလို ပြည်သူ့ လွှတ်တော် ကိုယ်စားလှယ် ဒေါ်နန်း စေအွာက ၂၀၁၃ခုနှစ် သြဂုတ် လတွင် တစ်ကြိမ်၊ အမျိုးသားလွှတ်တော် ကိုယ်စားလှယ် ဦးစောအောင်ကျော်နိုင်က ၂၀၁၃ ခုနှစ် စက်တင်ဘာလတွင် တစ်ကြိမ် လွှတ်တော်များတွင် မေးခွန်းများ မေးမြန်းမှု ပြုလုပ်ခဲ့ရာ ပြည်ထဲရေး ၀န်ကြီးဌာန၊ ပြည်နယ် အစိုးရ အဖွဲ့တို့က ပြန်လည် ရှင်းလင်းချက်များ ပြုလုပ် ခဲ့သော်လည်း ဥပဒေနှင့် အညီဟု ဆိုကာ ဟိုတယ် ဆောက်လုပ်မှုကို ဆက်လက် ဆောင်ရွက်လျက် ရှိခြင်းကြောင့် ယခုကဲ့သို့ လွှတ်တော် ကိုယ်စားလှယ် အတွေ့ အကြုံရှင်းလင်းပွဲ ပြုလုပ်၍ ပြည်သူ့ ဆန္ဒကို ဖော်ထုတ်ကာ ဆက်လက် ဆောင်ရွက်သွားမည့် အစီအစဉ် များကို ချမှတ်ခဲ့ကြသည်။
ယင်းကိစ္စ ရပ်တွင် ၎င်းမြေအား ပြန်သိမ်း ရမည် ဖြစ်သော်လည်း အမှန်တကယ် ပိုင်ရှင် မဟုတ်တော့ သော်လည်း ဥပဒေအရ မြေပြန် မသိမ်းနိုင်သည့် ကုမ္ပဏီ အမည်ခံကာ ဟိုတယ် ဆောက်လုပ်ခွင့်ကို တင်ပြ ခြင်း၊ ယင်းတင်ပြချက်ကို ကန့်ကွက်သူ မရှိ ဟုဆိုကာ ပြည်နယ် အစိုးရအဖွဲ့ ထောက်ခံချက် များဖြင့်  ပြည်ထောင်စု အစိုးရအဖွဲ့  ဟိုတယ်နှင့် ခရီးသွား လာရေး ၀န်ကြီးဌာနထံ တင်ပြ ခွင့်ပြုချက် ရယူခဲ့ခြင်း၊ လူထု၏ ကန့်ကွက်မှုများ ရှိနေသော်လည်း အုပ်ချုပ်ရေးနှင့် စည်ပင် သာယာဌာန များက ကန့် ကွက်မှု မရှိကြောင်း ထောက်ခံချက် ပေးခဲ့ခြင်း၊ ၀န်ကြီးချုပ်နှင့် စီးပွားရေး လုပ်ငန်းရှင်များ ပူးပေါင်းကာ ပြည်သူ့ ဆန္ဒကိုမျက် ကွယ်ပြု၍ ဥပဒေမဲ့ ဆောင်ရွက်ခြင်း တို့သည် တရား ဥပဒေနှင့် အကျုံးမ၀င်၍ ပြည်သူလူထု က တရား ဥပဒေ အတွင်းမှ ကန့်ကွက်၍ ရသော နည်းလမ်း မျိုးစုံဖြင့် ကန့်ကွက်သွား ကြရန်နှင့် မိမိတို့ လွှတ်တော် ကိုယ်စားလှယ် များကလည်း လွှတ်တော်ပိုင်း ဆိုင်ရာမှ နောက်ဆုံး အခြေအနေ အထိ ဆောင်ရွက် သွားမည် ဖြစ်ကြောင်း အမျိုးသားလွှတ်တော် ကိုယ်စားလှယ် ဦးမန်းကံညွန့်က ပြောကြားကာ ယင်းအစီအစဉ်များ အတိုင်း ဆောင်ရွက် သွားကြရန် ဆုံးဖြတ်ချက် ချမှတ်ခဲ့ ကြသည်။
ယင်းနေ့က အားကစားကွင်း နေရာသို့ ရဟန်း သံဃာများနှင့် ပြည်သူလူထု ထောင်ဂဏန်းကျော် တက်ရောက် ခဲ့ကြပြီး တိုင်းဒေသကြီး လွှတ်တော် ကိုယ်စားလှယ် များကို ဖိတ်ကြားထား သော်လည်း တက်ရောက် ခဲ့ခြင်း မရှိသလို ပြည်နယ် အစိုးရ အဖွဲ့မှာလည်း တက်ရောက် လာခြင်း မရှိပေ။ ပြည်နယ် အစိုးရ အဖွဲ့မှ ဦးစီး အရာရှိ ရာထူးရှိသူ တစ်ဦးသာ သတင်းရယူရန် တက်ရောက် လာခြင်း မျိုးကို တွေ့ရှိ ရသည်။ ယင်းအခမ်းအနားကို ပြည်သူများ ဆန္ဒ ထုတ်ဖော် နိုင်ရန် ကရင်ပြည်နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ ဘားအံမြို့ ရပ်မိရပ်ဖ များက စီစဉ် ခဲ့ကြခြင်း ဖြစ်သည်။
မြိုင်သဇင်ဆရာတော်
တို့လိုချင်တာ ဘောလုံးကွင်း လိုချင်လို့ မဟုတ်ဘူး။ ဘောလုံးကွင်း လိုချင်ရင် မြေတစ်ကွက် သွားဝယ်လိုက်ရင် အကျယ် ကြီးရပါတယ်။ ဒီနေရာဟာ သမိုင်းဝင်မှတ် တိုင်ဖြစ်နေတဲ့ အတွက်ကြောင့် ဒီဟာကို တော့မလုပ်ပါနဲ့။ သူတို့ ဟိုတယ်တို့ ဘာတို့ ဆောက်ချင်တယ် ဆိုရင် တခြားနေရာ ရှိပါတယ် ဆိုပြီးတော့။ မြေတွေအများကြီး သူတို့ ကိုယ်တိုင်ပဲ မနည်းဘူး။ ဒါကြောင့် ဘောလုံးကွင်း ဆိုတာ ကတော့ မဖြစ်စလောက် ကိစ္စလေး။ ဘောလုံးကွင်း ဆိုတဲ့ အမည် သုံးတာ။ တကယ်တမ်း တို့သုံးရမှာက ဒီဟာသည် သမိုင်းဝင်၊ ဒီမှာ အာဇာနည် ကျောက်တိုင် လည်းရှိတယ်။ ဗိုလ်ချုပ်တို့ လာပြီးတော့ ကရင်-မြန်မာ ချစ်ကြည်ရေး ကိစ္စနဲ့ ပတ်သက်ပြီးတော့ စည်းစည်း လုံးလုံး ညီညီ ညွတ်ညွတ်ဖြစ်ဖို့ တရား လာဟောသွား တဲ့နေရာ ဖြစ်သည့် အတွက်ကြောင့် ဒီနေရာ ကတော့ သမိုင်းဝင် အဖြစ်ထားဦးလို့ ပြောနေကြတာ။
 မဂ္ဂင်ဆရာတော် စက်တင်ဘာ ၂၇ရက်နေ့ ဦးဇင်းတို့ မဲဘောင်ကျောင်းတိုက်ကြီးမှာ သံဃာအပါး ငွေမိုးကုမ္ပဏီမှ လှူဒါန်း ခဲ့သော အလှူ ငွေကျပ် သိန်း ၃၀ ကိုသံဃာတော်အများ၏ ဆုံးဖြတ်ချက်ဖြင့် ပြန်လည် ပေးအပ်
၄၀၀ နည်းနည်း ကျော်မယ်။ သံဃာတွေ စုပြီးတော့ ဟိုတယ် ဆောက်လုပ်မှုနှင့် ပတ်သက် ပြီးတော့ မြို့ထဲမှာ ရှိနေတဲ့ လူထု ပရိသတ် ဘုန်းကြီးတို့ရဲ့ ဒကာမတွေ စိတ်မချမ်း မသာ ဖြစ်တယ်။
ပူပင်သောက ရောက်တယ်။ ကနေ့ လူငယ်က မသိပေမယ့် အသက် ၈၀ကျော် လူကြီးတွေက စိတ်မချမ်း သာဘူး။ သောက ရောက်တယ်။ ဒါကို ဘုန်းကြီးတို့ သံဃာတော်တွေ အနေနဲ့ စိတ်သောက ပြေပျောက် သွားအောင်၊ နောက်တစ်ချက် ဘုန်းကြီးတို့ရဲ့ ဆန္ဒ သဘောထားလေး ဘယ်လို ရှိသလဲ ဆိုတာ နိုင်ငံတော် အကြီးအကဲတွေ သိအောင် ဘုန်းကြီးတို့က ကျောင်းတိုက် အသီးသီး ကနေ မဲဘောင် ကျောင်းတိုက်မှာ စုတယ်။
စုပြီးတော့ အာဇာနည် ကျောက်တိုင် ကွင်းတစ် ပတ်ပတ်ပြီးတော့ ပရိတ် ရွတ်ပြီးတော့ စီတန်း လှည့်လည် ခဲ့တယ်။ အဲဒီလို စီတန်း လှည့်လည်ပြီး ပရိတ်ရွတ်ဖို့ စီစဉ် ထားတုန်းမှာ လူမှုရေး ၀န်ကြီး ဖြစ်တဲ့ ဦးချစ် လှိုင်၊ ခရိုင် အုပ်ချုပ်ရေးမှူး ဦးရဲလှိုင်၊ ရောက်လာပြီးတော့ ဘုန်းကြီးတို့ကို မေတ္တာရပ်ခံ တယ်။ အရှင်ဘုရား ဒီကနေ့ မြို့တွင်း စီတန်း လှည့်လည်ပြီးတော့ ပရိတ်ရွတ်တဲ့ အခမ်းအနား တပည့်တော်တို့ တားမြစ်ချင်လို့ မဟုတ်ပါဘူး။ ဟန့်တား ခြင်းလည်း မဟုတ်ပါဘူး။
ဒါပေမဲ့ ဘေးပတ်ဝန်းကျင် ပယောကကြောင့် မမျှော်မှန်း နိုင်တဲ့ ဖြစ်ရပ်လေးတွေ ဖြစ်ပွားသွား နိုင်တယ်။ အဲဒီတော့ အတတ်နိုင်ဆုံး ကျွန်တော်တို့ အနေနဲ့ ဒီကျောင်းတိုက်မှာပဲ ဒီအခမ်းအနားကို သိမ်းပေးလိုက်ရင် ကောင်းမယ် ဆိုပြီးတော့ လာရောက် လျှောက်ထားတယ်။
အဲဒီတော့ ဦးဇင်းတို့ သံဃာတွေ ကလည်း ပြန်ပြီးတော့ တိုင်ပင် လိုက်တာပေါ့။ ရာသီဥတုရဲ့ အခြေအနေ၊ ဘေးပတ်ဝန်းကျင် ပယောကရဲ့ အခြေအနေကို အာဏာပိုင် အဖွဲ့ကတော့ ဦးဇင်းတို့ကို လာရောက် လျှောက်ထားတယ်။ ဘုန်းကြီးတို့ ဘက်က ကိုယ့်ဒကာတွေ လျှောက်ထားတဲ့ အတွက်ကြောင့် ကိုယ့်ဒကာတွေရဲ့ ဆန္ဒကို လိုက်လျောပြီးတော့ ဒီအစီအစဉ် လေးကို ကျောင်းတိုက်မှာပဲ နိဂုံးချုပ် လိုက်မယ်။
ဒကာကြီးတို့ ဘက်က ဘာတွေများ လုပ်ပေး နိုင်သလဲ။ ဘုန်းကြီးတို့က မေးတော့ သီရိမဏ္ဍိုင် ကျောင်းက ဘုန်းကြီး ဦးတေဇောက မေးတယ်။ ခရိုင် အတွင်းရေးမှူးက ဘာပြောလဲ ဆိုတော့ ဒီနေ့ အခြေအနေအရ ပဋိပက္ခ ဖြစ်နိုင်တဲ့ အခြေအနေ လေးတွေကို ထောက်ထားပြီးတော့ တပည့်တော်က အစိုးရ အဖွဲ့ရဲ့ကိုယ်စား သူ့တစ်ဦးတည်း ဆန္ဒနှင့် ဟိုတယ် လုပ်ငန်းရှင်တွေကို ခေတ္တခဏ ရပ်ဆိုင်း ပေးမယ်လို့ ကတိ ပေးသွားတယ်။
မီဒီယာ တွေကလည်း ဦးဇင်းကို မေးတယ်။ တာဝန်ရှိတဲ့ သူတစ်ယောက် လျှောက်ထားတဲ့ အတွက်ကြောင့် ဦးဇင်းတို့က အခမ်းအနားကို  မြို့တွင်းကို မလှည့်တော့ဘဲ မဲဘောင် ကျောင်းတိုက်မှာပဲ အခမ်းအနားကို ရုပ်သိမ်း လိုက်တယ်။ ရုပ်သိမ်း လိုက်ပြီးတော့ နှစ်ရက်မြောက် နေ့မှာ ဟိုတယ် ဆောက်လုပ်ငန်းနဲ့ ပတ်သက်ပြီးတော့ ဦးဇင်း တစ်ပါးကားနဲ့ လှည့်ပြီးတော့ ကြည့်လိုက်တဲ့ အချိန်မှာ ဟိုတယ် ဆက်လက် ဆောက်နေ တာကို တွေ့ရပါတယ်။ ဦးဇင်းကိုလှမ်း အကြောင်းကြားတယ်။ ခရိုင် အုပ်ချုပ်ရေးမှူးက ရပ်ဆိုင်း ထားတယ် ပြောပြီးတော့ အခု ဟိုတယ် ဆက်ဆောက် နေတယ်။ ဘုန်းကြီး ဘယ်လို ယူဆပါသလဲ။ ဒီလိုရှိပါတယ်။ ခရိုင် အုပ်ချုပ်ရေးမှူး အနေနဲ့ လတ်တလော ပြေငြိမ်းသွားအောင် သူ့ရဲ့တစ်ဦးတည်း ဆန္ဒနှင့် သူက ရပ်ဆိုင်း ခိုင်းတယ်။ သူ့ကိုလည်း အပြစ် ပြောလို့ မရပါဘူး။ လတ်တလော အခြေအနေကို ကြည့်ပြီးတော့ ဆုံးဖြတ် လိုက်တာပါ။
ပတ္တနိက္ကုဇ်္ဇိနကံ ဆောင်တယ်ဆိုတာ ဆိုဆုံးမရ ခက်ခဲသော ဒါယကာ များအား သံဃာတော်များက ရှင်းရှင်း လင်းလင်း ပြောရရင် သပိတ်မှောက် ကံဆောင်တယ်လို့ ခေါ်တာပေါ့။ ပတ္တနိက္ကုဇ်္ဇိနကံက လက်ရှိ ကရင်ပြည်နယ်ကို အုပ်ချုပ်တဲ့ အစိုးရများအား ၎င်းတို့ လှူဒါန်းတာကို ငြင်းပယ်ခြင်း၊ ၎င်းတို့ ပင့်ဖိတ်သော ကိစ္စရပ် များအား ငြင်းပယ်ခြင်း၊ အလှူ မခံခြင်း၊ အဆက်အဆံ မလုပ်တဲ့ကိစ္စတွေကို ပတ္တနိက္ကုဇ်္ဇိနကံလို့ ခေါ်တာပေါ့။ ရှင်းရှင်း လင်းလင်း ကတော့ သပိတ်မှောက် ကံဆောင်တာပေါ့။ ဒီကိစ္စကို ရဟန်း သံဃာတော် များကလည်း လုပ်တဲ့ ကိုင်တဲ့ နေရာမှာ တော်တော် ခက်ခက်ခဲခဲ ချင့်ချိန်စဉ်းစား ပြီးတော့ ဆုံးဖြတ်ရပါတယ်။ ကရင်ပြည်နယ် အစိုးရ ဆိုတာကလည်း တစ်ချိန်တုန်းက ဦးဇင်းတို့ ရဲ့ ပစ္စည်းလေးပါး လှူဒါန်းထားတဲ့ ဒါယကာ တွေပဲဖြစ်ပါတယ်။
ဟိုတယ် လုပ်ငန်းရှင် များနဲ့ ဒေသဆိုင်ရာ အာဏာပိုင်များက တစ်ဖက်၊ ဒီဘက်က ကရင်ပြည်နယ် ထဲမှာရှိတဲ့ ဒေသခံ လုပ်သား ပြည်သူများနဲ့ ရဟန်း သံဃာတော်များက တစ်ဖက်၊ တွေ့ဆုံ ညှိနှိုင်းပြီးတော့ ရရှိလာတဲ့ အဖြေပေါ်မှာ မူတည်ပြီးမှ လုပ်ကြပါလို့ ဦးဇင်းက သံဃာတော်များကို မေတ္တာ ရပ်ခံပါတယ်။ ဦးဇင်း ကြားတာ ကတော့ ဒေသဆိုင်ရာ အာဏာပိုင် များကလည်းပဲ မိမိတို့ရဲ့ အပေါင်းအသင်း တွေဖြစ်တဲ့ ဟိုတယ် လုပ်ငန်းရှင် များနဲ့ ညှိနှိုင်း ပြီးတော့ ဦးဇင်းတို့ ဆရာတော် သံဃာတော် များနဲ့ ညှိနှိုင်း မယ်လို့ ကြားထား ပါတယ်။ အဲဒီ တော့ ကံဆောင်တဲ့ ကိစ္စက နှစ်ဦးနှစ်ဖက် ဒါမှမဟုတ်ရင် သုံးဦးသုံးဖက်ပေါ့ ညှိနှိုင်း တိုင်ပင်ပြီးမှ ရရှိလာတဲ့ အဖြေပေါ်ကို မူတည်ပြီး ဆောင်ရွက် ရမှာဖြစ်ပါတယ်။
ဦးစောထားလုံ (ကရင်ပြည်နယ် ပြည်ခိုင်ဖြိုးပါတီ အတွင်းရေးမှူး)
ကျွန်တော်တို့က ပြည်သူ လူထုနဲ့ ပြည်နယ် အစိုးရကြားမှာ နားလည်မှုလေး မကွဲရအောင် ကျွန်တော်တို့မှာ စေ့စပ်ပေး ရမယ့် တာဝန် ရှိတာ ပေါ့နော်။ အဲတော့ ကျွန်တော်တို့က အခုပြည်သူတွေ ကလည်း ဘောလုံးကွင်း ရရှိရေးကို ဒီနေရာ ရရှိရေး အတွက်ကို အရမ်းကြီးကို တက်ကြွ နေကြတယ်။ တစ်မြို့နယ်လုံး ပေါ့နော်။ တစ်မြို့နယ် လုံးတင် မကဘူး တစ်ပြည်နယ် လုံးလည်း ဖြစ်နေတယ်။ ပြီးတော့ ပြည်သူတွေ ပါမကဘူး သံဃာတော် တွေပါ ပါလာတဲ့ အခါကျတော့ ကျွန်တော်တို့က သံဃာတော်တွေနဲ့ ပြည်သူတွေ အမြင်ရှင်းအောင် ကျွန်တော်တို့ ဒီပွဲလေးကို ကျင်းပမှ ဖြစ်တော့မယ်။ ဒီပွဲကလည်း ပွင့်လင်း မြင်သာမှု ရှိတဲ့ အတွက်ကြောင့် တက်ရောက် လာတဲ့ သူတွေ ကလည်း ပွင့်ပွင့် လင်းလင်း မေးမြန်းနိုင်တယ်။ ကျွန်တော်တို့ ကလည်း သိရှိ သမျှကို ပွင့်ပွင့် လင်းလင်း ဖြေကြား ပေးမှာပေါ့။ အစိုးရ ဘက်မှာလည်း မနေဘူး။ ပြည်သူဘက် မှာလည်း ကျွန်တော်တို့ မနေဘူး။ မှန်ကန်တဲ့ လမ်းကြောင်း ပေါ်မှာ ကျွန်တော်တို့ နေတာ ပေါ့နော်။
ဒေါ်နန်းစေအွာ (ကရင်ပြည်နယ်လွှတ် တော်ကိုယ်စားလှယ်)
ဒီကွင်းကြီး မူလအတိုင်း ဖြစ်ပေါ်ဖို့ ကြံ့ခိုင်ရေး အပါအ၀င် နိုင်ငံတစ်ဝန်းမှာ ရှိတဲ့ နိုင်ငံရေး ပါတီတွေ ပေါင်းပြီး တောင်းဆို နေတာပါ။ အခုလို လူထုတွေရဲ့ အသံ တွေကိုလည်း သက်ဆိုင်ရာ ၀န်ကြီးတွေကို တင်ပြ ခဲ့ဖူးပါတယ်။ လူကြီးတွေက ကရင်ပြည်နယ် အကျိုး စီးပွားအတွက် ဟိုတယ် ဆောက်လုပ်ခွင့် ပေးထားတယ်လို့ ပြောခဲ့ပါတယ်။ အဲဒီ အဖြေက ကရင် လူထု တစ်ရပ်လုံး လက်မခံ နိုင်တဲ့ စကားပါ။ ဒီအဆောက်အအုံကို ရပ်ဆိုင်း ပေးပါလို့ ဟန့်တား ထားနိုင်တာ ပြည်နယ် အစိုးရပဲ ဖြစ်ပါတယ်။ လွှတ်တော် ကိုယ်စားလှယ် တွေကတော့ ပြည်သူတွေရဲ့ အသံကို နိုင်ငံတော် သမ္မတထိ တင်ပြသွား မှာပါ။
ဦးမန်းကံညွန့် (ကရင်ပြည်နယ် အမျိုးသား လွှတ်တော် ကိုယ်စားလှယ်)
ဒီသမိုင်းဝင် ဘောလုံးကွင်းကို ဟိုတယ် ဆောက်လုပ်တာနဲ့ ပတ်သက် ပြီးတော့မှ ပြည်သူပြည်သား အားလုံးက မကျေနပ်ဘူး အဲလို မကျေနပ်တဲ့ အတွက် ကျွန်တော်တို့က ဆန္ဒဖော်ထုတ်ခြင်း လုပ်ငန်းကိုလည်း လုပ်လိုတယ်။ ဒါပေမဲ့ အဲဒီလို လုပ်တဲ့အခါ ကျရင်လည်း ခွင့်ပြုချက် မရမှာလည်း စိုးတယ်။ ဥပဒေနဲ့ လွဲချော်သွားရင် အရေးယူ ခံရမှာလည်း စိုးတယ်။ အဲသလို စိုးရိမ်တဲ့ အတွက် ဒီဟာကို ဘယ်လိုလုပ်ရင် ကောင်းမလဲ ကျွန်တော်တို့ စဉ်းစားပါတယ်။
အဲဒီတော့ ကျွန်တော် တို့သည် ပြည်သူ့ ကိုယ်စားလှယ် ဖြစ်တယ်။ ပြည်သူ့ ကိုယ်စားလှယ် ဖြစ်တယ်ဆိုရင် ပြည်သူ့ဆန္ဒကို ဖော်ထုတ်ဖို့ အတွက် ကျွန်တော်တို့မှာ ဆောင်ရွက် ပေးရမယ့် အခွင့်အရေး ရှိတယ်။ ပြည်သူ အားလုံးရော၊ ဆရာတော် အားလုံးရော ဟောဒီ မြဌေးကြွယ် အမည်ခံ ဦးမိုးကျော်ရဲ့ ငွေမိုးကုမ္ပဏီက ဆောက်နေတဲ့ ဟောဒီ အဆောက်အအုံကိုလည်း ထင်ထင် ရှားရှား မြင်ရမယ်။ ဒီအဆောက် အအုံကိစ္စနဲ့ ပတ်သက် ပြီးတော့လည်း တစ်ခါတည်း အားလုံး မျက်ဝါးထင် ထင်တွေ့ရမယ့် အခြေအနေ မျိုးဖြစ်တဲ့ အတွက်ကြောင့် ဒီကိစ္စကို ကျွန်တော်တို့ ဆောင်ရွက်နေတာ ဖြစ်ပါတယ်။
ကိုညီညီ(ဘားအံ လူထု)
သမိုင်းဝင် နေရာ တစ်ခုကို အုပ်ချုပ်ရေး အာဏာပိုင် အဆင့်ဆင့်က ပြည်သူတွေ ကန့်ကွက်တဲ့ ကြားက ဆောက်လုပ်ရေး ကုမ္ပဏီကို ဘာကြောင့် ဆောက်လုပ်ခွင့် ပြုထားတာလဲ ဆိုတာ မေးခွန်း ထုတ်စရာ တစ်ခုပါ။ ပြည်သူ့ အသံလွှတ်တော် အသံလို့ ပြောနေကြပေမယ့် ပြည်သူတွေရဲ့ အသံကို အဆင့်ဆင့်သော ပုဂ်္ဂိုလ်တွေက မကြားတာလား၊ မသိကျိုးကျွန် ပြုနေတာလား ဆိုတာ အဖြေပေါ် နေပြီ။ အခု လွှတ်တော်ထဲ ရောက်သွားတဲ့ ပုဂ်္ဂိုလ်တွေ အားလုံးက ပြည်သူတွေ အားကိုး ယုံကြည်လို့ မဲပေးခဲ့တာ၊ တကယ့် အခက်အခဲလည်း ကျရော သူတို့တွေက လျစ်လျူရှုကြတယ်။

မစိမ်းမြမြ(ဘားအံ လူထု)
ကျွန်မ ဒီကွင်းကြီးကို ရောက်လာတာ ဘယ်သူ့ တိုက်တွန်းချက်မှ မပါဘူး။ လူထုရဲ့အသံတွေကို သက်ဆိုင်ရာ ၀န်ကြီးတွေ ကြားစေချင်လို့ ရောက်လာတာပါ။ ပြည်သူ ခေါင်းဆောင်ဆိုတာ လူထုရဲ့ သဘော ထားက ဘာလဲဆိုတာ လေ့လာဖို့ လိုနေပြီ။ ကရင်ပြည်နယ်မှာ လူထုက တင်မြှောက် လိုက်တဲ့ ပြည်သူ့ ကိုယ်စားလှယ် တွေများစွာ ရှိပါတယ်။ ပြည်သူတွေ ဒုက္ခ ရောက်နေတဲ့ အချိန်မှာ ပြည်သူတွေနဲ့ တစ်သားတည်း မရှိတာ ၀မ်းနည်းဖို့ ကောင်းပါတယ်။ သူတို့ မဲဆွယ်စဉ် ကာလက လူထုကို ဘယ်လိုပြော ကြားထား ခဲ့လဲဆိုတာ သူတို့ ကိုယ်တိုင် စဉ်းစားဖို့ လိုအပ် ပါတယ်။ နိုင်ငံရဲ့ နေ့ထူး နေ့မြတ် တွေမှာ မိသားစုနဲ့ အတူ ဒီအားကစားကွင်း ကြီးကို လာချင်ပါသေးတယ်။